Euskal Herriko Unibertsitateko irakasle taldea Giza Zientzietako Unibertsitate Titulua osatzen duten ikasgai guztiak irakasteaz arduratzen da.

Irakaskuntza ardura hori, azken batean, Unibertsitateko Sail jakinen erantzukizunpean geratzen da zuzen-zuzenean, eta Sail horiek arduratzen dira ikasgai bakoitza irakasteko gai horretan aditua den espezialista bilatzeaz. Egitasmo honetan parte hartzen duten Sailak, gutxi gorabehera, hogeita hamar dira.

Ikasturte honetan, Sail horietako hirurogeita hamabost unibertsitate irakasle inguruk hartu dute parte "Esperientzia Geletan".