UPV/EHUko doktorego programek jarduera prestakuntza interesgarriak proposatu eta antola ditzakete beren doktoregaientzat 2024rako. Jarduera horiek ikastaro, mintegi, tailer eta hitzaldiak izan daitezke. Dena dela, ez da baztertuko bestelako jarduerarik, hau da, programek halakorik proposatu eta antolatuz gero.

Finantzaketa

Finantzatuko diren kopuruak hauexek dira:

• Programa batek proposatutako jarduerak: 1.250 €
• Bi programak proposatutako jarduerak: 2.500 €
• Hiru programa edo gehiago proposatutako jarduerak: 3.750 €

Jardueraren deskribapena eta haren aurrekontua zehaztuta aurkeztuko dira. Kontzeptu hauek bakarrik finantzatuko dira:

• UPV/EHUz kanpoko hizlarien ordainsaria: gehienezko 125 €/orduko
• Kanpoko hizlarien bidaiak eta ostatua, UPV/EHUko arautegian ezarritakoaren arabera
  (Erabakia, 2021eko abenduaren 21ekoa, UPV/EHUko zerbitzu ordainei eta protokolo eta ordezkaritza gastuen ordainei buruzko zehaztapenak ezartzeko dena)
• Hizlarien otorduak (bazkaria eta/edo afaria)
  (Doktorego Eskolako Batzorde Iraunkorraren Erabakia, 2021eko abenduaren 13koa ordezkaritza gastuen mugari buruz)
• Jarduerarekin lotutako bestelako gastuak: material suntsikorra, fotokopiak, posterren edizioa

Bai jardueraren publizitatean bai editatutako materialetan Doktorego Eskolaren (DOKe) logoa azalduko da, betiere UPV/EHUren irudi korporatiboari buruzko arauak errespetaturik.

Jardueren gastuak ordainduko dira, behin gastuok aurkeztuta eta DOKe-k onartuta, baldin eta aurrez hauek aurkeztu badira:

• Fakturak.
• Jardueran izandako emaitzaren laburpena, bertan hauek jasoz:
  • Jardueraren amaieraren data
  • Jardueraren deskribapen laburra
  • Doktorego programa bakoitzera joandako lagunen kopurua
• Jarduerara joandako lagunek egindako gogobetetze inkestak.

Proposamenak aurkezteko

Proposamenak DOKe-ri aurkeztuko zaizkio bidalitako mezuan formulario hau betez eta helbide honetara (doke@ehu.eus) bidali beharko da puntu hauek jasoz:

• Jardueraren edukiak eta egutegia
• Jarduera proposatzen duten doktorego programak
• Proposatutako programa bakoitzeko jarduerara, ustez, joango den doktoregai kopurua
• Aurrekontua zehaztuta

Gogoratu nahi dizuegu jarduerok parte hartzen duten doktoregaien Jardueren Dokumentuetan jaso behar direla.

Epea

Eskaerak aurkezteko epea irekita egongo da ezarritako aurrekontua agortu arte.