Ikerketa sustatzea eta garatzea fisiologiaren eta biomekanikaren arloan populazio desberdinetan, jarduera fisikorako eta kirolerako egokitzapenak eta erantzunak aztertzeko.

Laborategi aitzindaria izatea, jarduera fisikoaren eta kirolaren bidez populazio mota desberdinetan aldagai fisiologiko eta biomekanikoen errendimenduaren hobekuntzari lotutako ikerketetan, eta gure ikasleentzat erreferentea izatea lortzea.

Errespetua. Profesionaltasuna. Erantzukizuna. Talde lana.

Lan zama zehatz baten erantzun fisiologikoak eta biomekanikoak balioestea. Proba horien emaitzak erabiltzea banakako lan intentsitateetarako jarduera fisikoaren diseinua egiteko.

Emaitzak erabiltzea balioetsitako aldagaian pertsona horrek duen gaitasuna zehazteko.

Entrenamenduaren efektua balioestea aldagai fisiologiko eta biomekanikoetan, jarduera programaren eraginkortasuna zehaztearren.

Ikasleekin praktika aplikatzea teoriatik praktikara pasatzea eskatzen duten jardueretan, eskola magistraletan aurkeztutakoa behatzeko eta esperimentatzeko, eta, horrela, graduari izendatutako zenbait gaitasun betetzeko:

o  Egoera fisikoa ebaluatzea, eta pertsona osasuntsuen eta biztanleria berezien osasuna hobetzera bideratutako ariketa fisikoak diseinatzea.

o  Lan arloko bikaintasun eta kalitate ohiturak garatzea osasunaren eta errendimenduaren arloan.

o  Osasunaren eta errendimenduaren arloan lana behar bezala egiteko nahitaezkoak diren printzipio etikoak ezagutzea eta horien arabera jardutea.

Balioespen probak egiteko hau bermatzen dugu:

Probak egiten dituen pertsona espezialista dela tresneria erabiltzean eta nahikoa esperientzia duela berau aplikatzean eta balioestean.

Probak ekipamenduaren manufakturak aurkeztutako irizpideei jarraituta egingo dira, ikaskuntzari, kalibraketari eta erabilerari dagokionez.

Ikerketa-proiektu baten barruko probek dagokion etika-batzordearen aldeko txostena egin eta lortu dute.