Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ikuspegi 1 iz ikuslearen aurrean agertzen den eremua. ik ikusmira 3.

Bazekien paisaia beraren ikuspegi berri bat erakutsiko ziola oroimenak aldi oro, heriotzaren ganduak guztietan azkena lausotzen zion arte. Imanol Zurutuza   «Errautsera arteko sugarra» - 162. orr.

Ikuspegia ikaragarria zen, eta egunsentia izadiaren ikusgarri miragarri bat zen. Jon Mu˝oz   «Ispiluen gainean lotan» - Jordi Sierra i Fabra - 269. orr.

Bat-batean, hantxe bukatu basoa, eta paisaiaren ikuspegi panoramikoa agertu zitzaien. Jon Muñoz   «Loroaren teorema» - Denis Guedj - 342. orr.

Harkaitz baten kontra, ikuspegi zabal baten gainetik nengoen, haranean herri suntsituen orban beltzak ikusten nituela. Juan Kruz Igerabide   «Nire aitaren fusila» - Hiner Saleem - 98. orr.

Ikuspegi bikaina dago tontorretik. Imanol Zurutuza   «Errautsera arteko sugarra» - 111. orr.

Ilargipeko ikuspegi zabalari atsegin handiz begira zegoen orain, sudurra autobusaren beiraren kontra estuturik. Xabier Olarra   «Antropologo bat Marten» - Oliver Sacks - 210. orr.

Hiriaren ikuspegi osoa hedatzen zen gure hoteleko leihoen aurrean. Xabier Olarra   «Antropologo bat Marten» - Oliver Sacks - 215. orr.

Ibarraren ikuspegi zabalena zuen talaia horrek. Aingeru Epaltza   «Mailuaren odola» - 63. orr.

Ikuspegi hesigabeak omen zituen gustuko, mendi eta belardi berdeak. Xabier Olarra   «Antropologo bat Marten» - Oliver Sacks - 129. orr.

Beti dago haren lanean nolabaiteko berreraikuntza; bere-bere dituen margolanetan, bereziki: logelako leihotik zuen ikuspegiarenean, adibidez. Xabier Olarra   «Antropologo bat Marten» - Oliver Sacks - 177. orr.

Paisaia zoragarri eta itsas ikuspegi ederraz. Xabier Olarra   «Antropologo bat Marten» - Oliver Sacks - 210. orr.

Paisaia-ikuspegi txikitxo batzuk margotzen espezializatu zen. Josu Zabaleta   «Irudia» - Jacques Aumont - 218. orr.

Mutilak bere biluztasunaren aurreko ikuspegia eskaini dio. Aingeru Epaltza   «Lasto sua» - 71. orr.

Gugana hurbiltzen zen bakoitzean zer aztertu eta miretsi ematen baitzidan (bere bular oparo eta hunkigarrien aurrez aurreko ikuspegia, alegia) eta baita aldentzen zenean ere (bere atzealde biribil eta doi bat mardularen atzeko ikuspegia). Oskar Arana   «Brooklyngo erokeriak» - Paul Auster - 95. orr.

Bazirudien aski zituela segundo batzuk, eraikin edo hiri-ikuspegirik konplexuenak bereganatu, eta xehetasunik ñimiñoenak gogoan edukitzeko. Xabier Olarra   «Antropologo bat Marten» - Oliver Sacks - 199. orr.

2 (ikus eremua)

Telefonoa ene gelako atetik bi-hiru metro haratago zegoen, nire ikuspegitik kanpora, beraz. Aingeru Epaltza   «Rock'n'roll» - 33. orr.

Aterpetxea ikuspegian dute. Aingeru Epaltza   «Lasto sua» - 84. orr.

Ikuspegian izan duenean presa keinu bat egin du Abelek. Pello Lizarralde   «Larrepetit» - 45. orr.

Joxe ikuspegitik joan zaion unean aditu du Abelek motor hotsa. Pello Lizarralde   «Larrepetit» - 82. orr.

Aztore bat ikuspegira sartu eta gero desagertu egiten da. Oskar Arana   «Brooklyngo erokeriak» - Paul Auster - 201. orr.

Pentsatzen jarraitu, eta are gogo biziagoa sentitu zuen Verner ikusteko eta bere ikuspegira ekartzeko. Jose Morales   «Zazpi urkatuak» - Leonid Nikolaievitx Andreiev - 66. orr.

3 hed

Hartara, hala espero dugu behintzat, Garapen Iraunkorraren ikuspegi osoagoa izango du irakurleak. Itziar Eizagirre / Amaia Lizarralde   «Garapen iraunkorra» - 13. orr.

Programa horiek arazo ekologikoen ikuspegi bertikal eta sektorial batean oinarrituta zeuden. Itziar Eizagirre / Amaia Lizarralde   «Garapen iraunkorra» - 29. orr.

Euskal ortografiaren ikuspegi orokorra izateko, ikus Zuazo 1988. Koldo Zuazo   «Euskara batua» - 34. orr.

Telebistak errealitatearen ikuspegia itzulipurdikatu egiten du, handia txikitu eta txikia handitu. Andoni Ega˝a   «Hogeita bina» - 160. orr.

Beti izan duzu ikuspegi zabaltasuna. Ramon Etxezarreta   «Ezezaguna helbide honetan» - Kressman Taylor - 32. orr.

4 ikustearen ondoriozko irudia.

Fermatek oso ikuspegi argia zuela eta garbi zekiela alegia zer zen egia eta zer ez zenbakien teoriaren alorrean. Jon Muñoz   «Loroaren teorema» - Denis Guedj - 426. orr.

Hala diosku Xabier Letek, euskal tradizioan ondo errotuta dagoen ikuspegia jasoz: lana zigorra dela, alegia. Joxerra Garzia   «Itsasoan euri» - 129. orr.

Azalpen haien haritik bizitzaren eta errealitatearen ikuspegi bat eraikitzen joateko aukera izan nuen. Juan Kruz Igerabide   «Hauts bihurtu zineten» - 61. orr.

Kontatu diat sekula nire kosmosaren ikuspegia? Harkaitz Cano   «Pasaia blues» - 75. orr.

Zientzialari batek egiten duen hori, bada, beraren mundu-ikuspegiak ez ezik, garaiarenak ere determinatzen du. Juan Garzia   «Sagua, eulia, eta gizakia» - Franšois Jacob - 175. orr.

Errealitatetik hautematen duena deskonposatu eta gero bestela berrosatu: hara nola eraikitzen duen margolariak, poetak zein zientzialariak bere unibertso-ikuspegia. Juan Garzia   «Sagua, eulia, eta gizakia» - Franšois Jacob - 188. orr.

· Oteizari buruzko ikuspegi mitomanoak ezkuta ez dezan haren ekarriaren benetako aurpegia. Anjel Lertxundi   «Mentura dugun artean» - 129. orr.

Tradizioari buruzko ikuspegi etxezuloegiek bezainbat goganbehartzen naute kanpoederregiek, tradizioa ez baita oinordekotzan ematen zaigun zerbait, lan eta neke askoren ondoren irabazten hasten garen eta inoiz osorik lortzen ez dugun altxor bat baino. Anjel Lertxundi   «Mentura dugun artean» - 126. orr.

5 ikuspuntua.

Stephenek azken marrazkiak erakutsi nahi zizkidan; [...] eta miraz ikusi nituen (helikopteroko ikuspegitik egindakoak bereziki). Xabier Olarra   «Antropologo bat Marten» - Oliver Sacks - 203. orr.

Sarrera bakoitzak egilearen ikuspegia islatzen du. Askoren artean   «Filosofiako gida» - 18. orr.

Ordu arte bizitza hesitu zioten ikuspegi mugatuez haragoko zerumuga zabalagoen zentzua. Xabier Olarra   «Antropologo bat Marten» - Oliver Sacks - 206. orr.

Kristau-fedearen ikuspegia galdu gabe. Askoren artean   «Filosofiako gida» - 70. orr.

Ikuspegi psikologikoa duela hagiografikoa baino gehiago. Askoren artean   «Asisko Frantzizko, Asisko Klara» - 50. orr.

Ez da gai berria euskal literaturan, eta ikuspegiak ere ezer gutxi du originaletik. Xabier Mendiguren Elizegi   «Arbelaren gainean» - 99. orr.

Denborak "denborari buruzko ikuspegi bat" behar du, Merleau-Ponty-k esan bezala; denborazko ikuspegi bat behar du. Josu Zabaleta   «Irudia» - Jacques Aumont - 103. orr.

Denboraren ikuspegitik begiratuta. Xabier Olarra   «Deabruaren hiztegia» - Ambroise Bierce - 70. orr.

Ikuspegi zabalago batetik begiratuta. 8018

Ikuspegi orokor batetik. Itziar Eizagirre / Amaia Lizarralde   «Garapen iraunkorra» - 91. orr.

Ikuspegi orokor horretatik aztertuko dugu, bada, ikuslea. Josu Zabaleta   «Irudia» - Jacques Aumont - 75. orr.

Ikuspegi filologikotik landa, literariotik ere interesgarria zela. I˝aki I˝urrieta   «Kuskue tanden» - 70. orr.

Bi eratako gizakiak daudela Espainian, ikuspegi moraletik begiratuta: gizaki mota iberikoa eta semitikoa. Josu Zabaleta   «Jakintzaren arbola» - Pio Baroja - 57. orr.

Irudiaren ikusleaz dauden ikuspegi nagusien gainbegiratu labur honek erakusten duena. Josu Zabaleta   «Irudia» - Jacques Aumont - 123. orr.

Errealitatearen ikuspegi laikoa. Xabier Mendiguren Elizegi   «Errekarteko koadernoa» - 9. orr.

Muskuluak, ingeniaritzaren ikuspegitik, erregai-pilen indarrez dabiltzan motor linealak dira. Irene Aldasoro   «Giza gorputza lanean» - John Lenihan - 11. orr.

Iruditeriaren kontzeptu hori asko sakondu dute psikoanalisiaren ikuspegitik zinemari buruz egin diren lanek. Josu Zabaleta   «Irudia» - Jacques Aumont - 114. orr.

1998ko Txostenak kontsumoa aztertzen du, giza garapenaren ikuspegitik. Itziar Eizagirre / Amaia Lizarralde   «Garapen iraunkorra» - 70. orr.

Ama alabaren ikuspegitik deskribatzea falta da. Ana Urkiza   «Zortzi unibertso, zortzi idazle» - 52. orr.

Ikuspegi horren arabera egin ditugu honelako liburu xume batean ezinbestean egin behar izaten diren hautuak. Itziar Eizagirre / Amaia Lizarralde   «Garapen iraunkorra» - 12. orr.

Hala ere, Erdi Aroko pentsamendua, filosofiaren ikuspegitik, zinez antzinako filosofiaren jarraipentzat har daiteke. Askoren artean   «Filosofiako gida» - 60. orr.

Perspektiba linealaren legeak aski bakunak dira geometriaren ikuspegitik, eta ongi ezagutzen dira. Josu Zabaleta   «Irudia» - Jacques Aumont - 41. orr.

Subkontzientearen ikuspegitik arrazoia pedante bihozgabe bat da. Iñaki Mendiguren   «Historiaren azterketa II» - A.J. Toynbee - 123. orr.

6 (hitz elkartuetan lehen osagai gisa)

Horratx zertan datzan biologiaren munduan azken urteotan gertatu den erabateko ikuspegi-aldaketa. Juan Garzia   «Sagua, eulia, eta gizakia» - Franšois Jacob - 13. orr.

Oro har, bizidunak azaltzeko bi ikuspegi-mota agertu izan dira. Askoren artean   «Filosofiako gida» - 286. orr.

7 (hitz elkartuetan bigarren osagai gisa)

Alde guztietara begiratzen zuen kanoian barrena, etengabe, Iparraldeko ertzaren ondotik igaro eta gero eta gorago kanoi osoaren txori-ikuspegia izateraino igo ginelarik. Xabier Olarra   «Antropologo bat Marten» - Oliver Sacks - 226. orr.

Zientzi ikuspegi modernoa sortu ez balitz. Iñaki Mendiguren   «Historiaren azterketa II» - A.J. Toynbee - 114. orr.

G. Gentile-ri (1875-1944) eta haren filosofia-ikuspegiari dagokiona. Juan Garzia   «Sistema periodikoa» - Primo Levi - 207. orr.

Gizarte-ikuspegitik, aro heroikoa zorakeria eta krimena da. Iñaki Mendiguren   «Historiaren azterketa II» - A.J. Toynbee - 162. orr.

Ume-ikuspegi horren zehaztasun zorrotzak. Xabier Olarra   «Antropologo bat Marten» - Oliver Sacks - 174. orr.

Isisen gurtzak eta neoplatonismoak kristau-ikuspegi eta praktikari egin zizkioten bezain ekarpen emankorrak. Iñaki Mendiguren   «Historiaren azterketa II» - A.J. Toynbee - 39. orr.

Nolako sukarrak berotzen zituen bazterrak oharturik eta bere legelari ikuspegiari nahiz jarraiki, eginahalak oro egin zituen Espainiako Inkisizioaren auzitegitik auziaren kentzeko eta Erromara eramateko. Piarres Xarriton   «Enkiridion» - Martin Azpilkueta - 23. orr.

Ez zion kontulari-ikuspegiz begiratu nahi lagunaren liburutegiari. Jon Muñoz   «Loroaren teorema» - Denis Guedj - 149. orr.

Narrazio-egitura ongi menderatuz (identifikazio-ikuspuntuak aldatuz, adibidez), Josu Zabaleta   «Irudia» - Jacques Aumont - 118. orr.

8 ikusmoldea.

Nire ikuspegian, Bidaxunera igorri ninduten egunean kanbiatu ziren gauzak niretako. Aingeru Epaltza   «Mailuaren odola» - 278. orr.

 



Nodoa: liferay1.lgp.ehu.eus