Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ilunpe (1547 agerraldi, 183 liburu eta 54 artikulutan; orobat ilunbe 142 agerraldi, 28 liburu eta 19 artikulutan; Hiztegi Batuak ilunbe baztertzen du eta ilunpe erabili behar dela adierazten) 1 iz argirik edo argitasunik eza. ik iluntasun.

Eguzkia ilunpe bihurtuko da, ilargiak odol-itxura hartuko du. Elizen arteko biblia   Eg 2,20

Heliodoro lurrera erori zen zerraldo, ilunpe handiak inguratua. Elizen arteko biblia   2 M 3,27

ilunpeak irents dezan. Anton Garikano   «Maitea» - Toni Morrison - 174. orr.

-Ez dut ilunpea gogoko -xuxurlatu zuen. Mirentxu Larrañaga   «Peaceful soldadua» - Michael Morpurgo - 42. orr.

Zuregatik ilunduko ditut zeruko argizagi guztiak, eta ilunpea ekarriko zure herrialdera. Elizen arteko biblia   Ez 32,8

Zuk argitzen duzu, Jauna, nire ilunpea. Elizen arteko biblia   2 Sm 22,29

Eta bertan, ilunperik beltzenean gelditu zen Elimas, eta itsumustuka zebilen, eskutik nork eramango. Elizen arteko biblia   Eg 13,11

Argiaren egilea eta ilunpearen sortzailea. Elizen arteko biblia   Is 45,7

Berak atera gaitu ilunpearen menpetik. Elizen arteko biblia   Kol 1,13

Ilunperik beltzenean daudenei argi egitera. Elizen arteko biblia   Lk 1,79

Euskaldun nortasuna ilunpe etengabeak zedarritzen du? Itxaro Borda   «%100 basque» - 153. orr.

Alboetan, beste kaleen sarbide beltzak ageri ziren, oro isil, oro ilunpe. Karlos Zabala   «Parisen sabela» - Emile Zola - 22. orr.

Eskuak zinkezko ertzari atxiki eta aurrera makurtzen zen, kaleak ikusteko; ilunpez beteak zeuden oraindik. Karlos Zabala   «Parisen sabela» - Emile Zola - 252. orr.

2 pl

Ilunpeak uxatzen dituen egunsentiak bezala. Askoren artean   «Asisko Frantzizko, Asisko Klara» - 205. orr.

Bederatzigarren izurria: ilunpeak. Elizen arteko biblia   Ir 10,21 tit

Altxa ezazu eskua zerurantz eta ukitzeko moduko ilunpeak izango dira Egipton. Elizen arteko biblia   Ir 10,21

Adiskide eta lagunak urrundu egin dizkidazu: ilunpeak ditut lagunarte bakar. Elizen arteko biblia   Sal 88,19

Begiradarekin segitu zion Mathildek, harik eta ezkaratzeko ilunpeak senarra guztiz irentsi zuen arte. Anjel Lertxundi   «Azkenaz beste» - 198. orr.

Ilunpeek hartu zuten kafetegia. Monika Etxebarria   «Goragalea» - Jean Paul Sartre - 130. orr.

Baina ilunpeek ez zuten onartu. Elizen arteko biblia   Jn 1,5

Zein da argiaren bizitokirako bidea? non da ilunpeen egoitza? Elizen arteko biblia   Jb 38,19

Humirzah deabrua naiz, ilunpeen, euriaren, kazkabarraren, trumoiaren eta basapiztien jauna. Koro Navarro   «Zortzi kontakizun» - Isaac B. Singer - 20. orr.

Ilunbeen bihotzerainoko bidaia. Pako Aristi   «Note book» - 112. orr.

Ilunpe trinkoen orduetan, lauretan jaikitzen ziren eta gosaldu gabe, hegiak agerian zeuzkan kamioira igotzen. Itxaro Borda   «Zeruetako erresuma» - 222. orr.

Niregan sinesten duenik inor ilunpeen menpe geldi ez dadin. Elizen arteko biblia   Jn 12,46

Ilunpeetako sakonena agerrarazten du eta itzalik beltzenak argitara ateratzen. Elizen arteko biblia   Jb 12,22

Ezintasun giro horretan murgiltzen hasten naizenean, anitzetan ene ilunpeetako urratsak hilerrira bideratzen ditut. Itxaro Borda   «%100 basque» - 214. orr.

Argiak ilunpeetako munstroak suntsitzen dituenean. Aingeru Epaltza   «Rock'n'roll» - 31. orr.

Ilunpeetako printzearekin borrokan. Aingeru Epaltza   «Rock'n'roll» - 153. orr.

3 (leku-denborazko atzizkiekin singularrean)

Erabateko ilunpean murgildu zen gela. Xabier Olarra   «Estilo-Ariketak» - Raymond Queneau - 33. orr.

[Trena] ilunpean galdu zen, atzealdeko bere argi gorria zabuka zebilela. Lopez de Arana   «Manhattan Transfer» - John Dos Passos - 149. orr.

Eta ilunbean gure txokotxoa aurkitu genuen. Josu Zabaleta   «Gauza baten ametsa» - Pier Paolo Pasolini - 92. orr.

Ilunpean eta ahanzturan galtzen ziren berriz ere liburuak. Jon Muñoz   «Loroaren teorema» - Denis Guedj - 144. orr.

Lisak beldurra izan zuen morrosko haren ondoan ilunpean ibiltzeko. Karlos Zabala   «Parisen sabela» - Emile Zola - 277. orr.

Loroaren begiek diz-diz egiten zuten ilunpean. Jon Muñoz   «Loroaren teorema» - Denis Guedj - 29. orr.

Berak argituko du ilunpean ezkutatua dagoena. Elizen arteko biblia   1 Ko 4,5

Lurra mugatuta dago arrantzalearentzat, eta ilunpean, ilargirik ez denean, ibaiak mugarik ez du. Josu Zabaleta   «Fantasiazko ipuinak» - Guy de Maupassant - 92. orr.

Maixabel ilunpean geratu da zenbait segundoz. Pello Lizarralde   «Larrepetit» - 77. orr.

Fred eta George eskailera-buruko ilunpean zeuden kuzkurtuta. Iñaki Mendiguren   «Harry Potter eta sorgin harria» - J.K. Rowling - 59. orr.

Geldirik egon nintzen, begiak ilunpera egokitu arte. Juan Kruz Igerabide   «Hauts bihurtu zineten» - 17. orr.

Ilunpera jaurtikitako gorpuak. Elizen arteko biblia   JrGt 1,70

Jada ikusezinak zirela ahaztuta, ilunpera erretiratu ziren. Iñaki Mendiguren   «Harry Potter eta Azkabango presoa» - J.K. Rowling - 217. orr.

Beste ahots bat ateratzen da ilunpetik. Oskar Arana   «Lotsaizuna» - John Maxwell Coetzee - 242. orr.

4 (leku-denborazko atzizkiekin pluralean)

Eta kaleko ilunpeetan murgildu zen. Josu Zabaleta   «Fantasiazko ipuinak» - Guy de Maupassant - 71. orr.

Zuhaitz baten alboan gelditu zen [...] eta gau sartzen hasi berriaren ilunpeetan babestu zen. Patxi Zubizarreta   «Mirarien kalezuloa» - Nagib Mahfuz - 72. orr.

Frantsesa berriro murgilduko balitz kristautasunaren ilunpeetan. Juan Martin Elexpuru / Bego Montorio   «Filosofia apaingelan» - Sade - 212. orr.

Kriseiluak, haren inguruan, hara-hona astiro ibili eta gelditu egiten ziren ilunpeetan. Karlos Zabala   «Parisen sabela» - Emile Zola - 24. orr.

Kaira heltzen ari zen kalesa, biltegi eta eraikuntzetako teilatuen atzealdeko ilunpeetan erdi ikusten ziren ontzietako masta-punta, gabia eta belazurrunen arabera. Anjel Lertxundi   «Azkenaz beste» - 81. orr.

Loaren ilunbeetan barrena sartzeko. Pako Aristi   «Note book» - 113. orr.

Halakoaren etxera joatea heriotzarantz joatea da, beraren bideak ilunpeetara eramaten zaitu. Elizen arteko biblia   EsZ 2,18

Ilunpeetara bidean, iluntasunerantz. Jose Morales   «Zazpi urkatuak» - Leonid Nikolaievitx Andreiev - 153. orr.

Begiak ilunpeetara ohitu arteko astia hartu zuen. Anjel Lertxundi   «Konpainia noblean» - 140. orr.

Urtarrileko ilunpeetara irteten den lautada elurtu eta eguzkitsu itsugarri bat ikusten dut. Joseba Urteaga   «Gertakizuna» - Annie Ernaux - 49. orr.

Ikusi zuen Jainkoak argia ona zela eta bereizi egin zuen ilunpeetatik. Elizen arteko biblia   Has 1,4

Gau berezi horietan ilunpeetarik jalgi nahi ez zuten Platonen harpeko kide sentitzen nintzen. Itxaro Borda   «%100 basque» - 217. orr.

Zalantzen ilunpeetatik irten ezinik. Txillardegi   «Putzu» - 160. orr.

Ezkutuko indar batek heriotzaren ilunpeetatik biziaren argira itsumustuan erauzia. Juan Luis Zabala   «Agur, Euzkadi» - 10. orr.

Hango jende gehiena Erromako Satan handiaren ilunpeetatik atera eta zalu-zalu egiten ari zen Erreformaren argira. Aingeru Epaltza   «Mailuaren odola» - 170. orr.

5 (hitz elkartuetan)

Argi ezazu nire barne-ilunpea. Jose Morales   «Arima hilak» - Nikolai Gogol - 199. orr.

Lanpara hark iduri zuen gela hartako gau-ilunpe zirkularraren bihotz berdea zela. Matías Múgica   «Hiltzaile baten aitormena» - Joseph Roth - 137. orr.

6 ilunpetako

Egun hartan bertan hil zen infernuko morroi eta ilunpetako seme zen gizon zital hura. Askoren artean   «Asisko Frantzizko, Asisko Klara» - 870. orr.

7 ilunpetan iluntasunean. ik gorago 4.

Atea erdi zabalik zegoen, eta korridorea ilunpetan zegoen. Agustin Otsoa   «Eraztunen Jauna III» - J.R.R. Tolkien - 227. orr.

Gogotik ari ziren lanean ilunpetan. Jon Muñoz   «Loroaren teorema» - Denis Guedj - 154. orr.

Pentsatu nuen bizitza osoa eman nuela [...] eskailerak ilunpetan bakarrik igotzen. Koro Navarro   «Artistakume baten erretratua» - Dylan Thomas - 21. orr.

Ilunpetan joan nintzen, hanka-punttetan, aitonaren gelako ateraino. Koro Navarro   «Artistakume baten erretratua» - Dylan Thomas - 45. orr.

Bizkarrean fardela harturik, ilunpetan aterako zara; estali aurpegia zeure herrialdea ez ikusteko. Elizen arteko biblia   Ez 12,6

Leihoko gortina itxi zuen gero, gela ilunpetan uzteko. Anjel Lertxundi   «Azkenaz beste» - 166. orr.

Bere senideari gorroto diona, berriz, ilunpetan dago, ilunpetan dabil eta ez daki nora doan, ilunak itsutu egin baitizkio begiak. Elizen arteko biblia   1 J 2,11

Zintzoen urratsak ditu zaintzen, baina gaiztoak ilunpetan dira galtzen. Elizen arteko biblia   1 Sm 2,9

Neguko egun ilunetan argia joaten zenetan, ia ilunpetan geratzen ginen eskolan. Juan Kruz Igerabide   «Hauts bihurtu zineten» - 32. orr.

Telebista itzali eta ilunpetan geratu nintzen. Bernardo Atxaga   «Soinujolearen semea» - 37. orr.

8 ilunpetara ik gorago 4.

Hegoak zabaldu eta leihotik kanpora irten zen ilunpetara. Argitasunetik ilunpetara jaurtikia, mundutik ere kanporatua. Iñaki Mendiguren   «Harry Potter eta sorgin harria» - J.K. Rowling - 12. orr.

Erreinuaren oinordeko zirenak, berriz, kanpora, ilunpetara, botako ditu. Elizen arteko biblia   Mt 8,12

Atea gontzetatik atera, lurrean utzi eta balantzaka joan zen ilunpetara. Koro Navarro   «Artistakume baten erretratua» - Dylan Thomas - 146. orr.

9 ilunpetatik ik gorago 4.

Atera gaitezen ilunpetatik. Koro Navarro   «Artistakume baten erretratua» - Dylan Thomas - 225. orr.

Ez bakarrik munduko ilunpetatik atera eta argira ekarriz, baita bertuteen dohain eta merezimendu bikainez ospetsu eginez ere. Askoren artean   «Asisko Frantzizko, Asisko Klara» - 877. orr.

Korridorera iritsi zirenean, Filchen aurpegia agertu zen bat-batean ilunpetatik. Iñaki Mendiguren   «Harry Potter eta Azkabango presoa» - J.K. Rowling - 218. orr.

Segi gora, oraintxe noa eta -hots egin zuen Gabrielek ilunpetatik. Irene Aldasoro   «Dublindarrak» - James Joyce - 263. orr.

10 erdi ilunpe.

Ordea, proiekzio-gelako erdi-ilunpe goxoak. Xabier Mendiguren Elizegi   «Uda betiko balitz» - 79. orr.

Atzealdeko mahai txiki batean eserita zeuden, te-areto bateko erdi-ilunpean. Lopez de Arana   «Manhattan Transfer» - John Dos Passos - 456. orr.

Nola igarri ahal izanen zenukeen zure logelako erdi-ilunpean egondako neska kikil hura ni nintzela! Eduardo Matauko   «Emakume ezezagun baten gutuna» - Stefan Zweig - 48. orr.

Nola igarri ahal izanen zenukeen zure logelako erdi-ilunpean egondako neska kikil hura ni nintzela! Eduardo Matauko   «Emakume ezezagun baten gutuna» - Stefan Zweig - 48. orr.

Erdi ilunbean badarik ere, handik behintzat bikotea ikusten nuen. Anjel Lertxundi   «Argizariaren egunak» - 55. orr.

Pertsianen zirrituetatik sartzen ziren argi-txirrinta jolastiek halako sosegua ematen zioten gelako erdi ilunpeari. Anjel Lertxundi   «Azkenaz beste» - 10. orr.

Elizako bankuetan, erdi-ilunpetan, neska bat, bizkarra emanda, nire musika entzuten. Pako Aristi   «Gauza txikien liburua» - 80. orr.

11 ilunpez ilunpe

Aldi hartan, beste behin, ilunpez ilunpe, bortu eta zelaietan barna Gasnaren Bidea segitu nuen, Oxkaxen behera jaitsiz, neurea ere ez zen lurraldean aterpetzeko. Itxaro Borda   «%100 basque» - 90. orr.

 



Nodoa: liferay1.lgp.ehu.eus