Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ipurdi 1 iz giza enborraren behe eta atzeko aldea, esertzean gorputzari eusten diona.

Lehen bihurgunearen ondotik, agertu zitzaizkidan haren ile horail franko bitxiki moztuak, bizkar irmea, ipurdi pottoloa, hanka leun eta finak. Daniel Landart   «Anaiaren azken hitza» - 85. orr.

Estropezu egin eta ipurdi gainean erortzen da atzerantz. Oskar Arana   «Lotsaizuna» - John Maxwell Coetzee - 125. orr.

Mesedeetako zubirantz joan da kalean behera, ipurdi bikain hori berak bakarrik dakien gisan mugituz. Urtzi Urrutikoeetxea   «Auzoak» - 145. orr.

Ahaztu beharko ditut neskaren beso txuriak, haren ipurdi tenteak. Pako Aristi   «Venezuela, iraultza isilaren hitzak» - 145. orr.

Nik atsegin dudan guztia duzu: titi txikiak eta ipurdi gogorra. Juan Martin Elexpuru   «Esku bakarrarekin irakurtzeko kontuak» - Pilar Cristobal - 22. orr.

Joango zen ez titi ez ipurdi ez duten marimutil horietako batekin eta badakizu... Xabier Mendiguren Elizegi   «16 ipuin amodiozko» - 177. orr.

-Ipurdia gorrituta al dauka? Arantxa Iturbe   «Ai, ama» - 72. orr.

Ipurdian irtendako erlakaiztena da. Hasier Etxeberria   «Mutuaren hitzak» - 84. orr.

Nire atzetik hasi zen lasterka ipurdian sekulako ostikoa emateko. Pello Lizarralde   «Denak hasperenka» - Gianni Celati - 26. orr.

Ipurdian ostikoz jo ez dezaten. Xabier Olarra   «Deabruaren hiztegia» - Ambroise Bierce - 237. orr.

Ipurdian hartutako kolpe itsusi hura zela eta. Pello Lizarralde   «Denak hasperenka» - Gianni Celati - 91. orr.

Gaueko guardiaaldian telegrafistari gonak altxatu eta ipurdian geltokiko zigiluak jarri zizkiola. Fernando Rey   «Zorrotz begiratutako trenak» - Bohumil Hrabal - 49. orr.

Orduan, berak eskua sorbalda artetik ipurdiraino jaitsi dizu bizkarrean lerro zuzen bat marraztuz, leun, erdiko hatz-puntarekin. Lourdes Oñederra   «Eta emakumeari sugeak esan zion» - 80. orr.

Sermoi luzeak ipurdia mugiarazten du, eta motzak bihotza. Pako Aristi   «Urregilearen orduak» - 79. orr.

Tximinoa gorago, eta ipurdia ageriago. Joxerra Garzia   «Egonean doazen geziak» - 40. orr.

2 (sexu gozamenaren iturri gisa)

Haien ipurdi trinkoak ikusteko. Karlos Zabala   «Buda zoriontsuen etxea» - João Ubaldo Ribeiro - 46. orr.

Makurtu egin nintzen berak nire ipurdiaren arrakala hobeto ikusi ahal izateko. Juan Martin Elexpuru   «Esku bakarrarekin irakurtzeko kontuak» - Pilar Cristobal - 36. orr.

Nire ipurdiko erretenean zehar isuri zen hazia. Juan Martin Elexpuru   «Esku bakarrarekin irakurtzeko kontuak» - Pilar Cristobal - 38. orr.

ik beherago10. 18996

Ipurdi eder bat aurrean jarri eta harekin gozatzeko erregutu zidanean. Juan Martin Elexpuru / Bego Montorio   «Filosofia apaingelan» - Sade - 70. orr.

-Estutu ipurdia, urdanga hori, estutu ipurdia. Ramon Saizarbitoria   «Gorde nazazu lurpean» - 158. orr.

Ez badiozu ipurdiari eragiten [...] zigorra hartu eta hainbeste plazer ematen didan ipurdi eder hau jipoituko dut larrutu arte. Juan Martin Elexpuru   «Esku bakarrarekin irakurtzeko kontuak» - Pilar Cristobal - 53. orr.

Eugeni xarmangarria, laztanik gozoenez ase nahi dut ipurdi hori. Juan Martin Elexpuru / Bego Montorio   «Filosofia apaingelan» - Sade - 91. orr.

Ipurdia miaztu behar diot kanpaia jotzen diodan bitartean. Juan Martin Elexpuru / Bego Montorio   «Filosofia apaingelan» - Sade - 177. orr.

Hark den-dena zekien niri buruz, baita osaba Afonsori Los Angelesetik bueltan ipurdia agindu niola ere. Karlos Zabala   «Buda zoriontsuen etxea» - João Ubaldo Ribeiro - 113. orr.

Hator, maitea, hator, Sodomako sugarren merezitzaile izan nadila hire ipurdi bikainean. Juan Martin Elexpuru / Bego Montorio   «Filosofia apaingelan» - Sade - 276. orr.

Honen ipurdian atzera-aurrera batzuk egin ondoren. Juan Martin Elexpuru / Bego Montorio   «Filosofia apaingelan» - Sade - 136. orr.

Emearen gainean jarri zen eta sutsu bezain arduratsu zulatu zion ipurdia. Aitor Arana   «Onan» - 37. orr.

Eskaintzen dizudan ipurdi hau zulatu duen gizon ikaragarriena izateko ohorea ere ez duzu izango! Juan Martin Elexpuru / Bego Montorio   «Filosofia apaingelan» - Sade - 71. orr.

Neure bizitza osoan ez dut hain ipurdi ederrik izorratu. Juan Martin Elexpuru / Bego Montorio   «Filosofia apaingelan» - Sade - 179. orr.

Nola egon behar du hartzailearen ipurdiak emailearen atseginak oso-osokoak izan daitezen? Juan Martin Elexpuru / Bego Montorio   «Filosofia apaingelan» - Sade - 126. orr.

Minutu gutxiren buruan, bero-bero eginda, esnea bota nuen ipurdi eder hartan. Aitor Arana   «Onan» - 119. orr.

Laster isuriko duelarik bere hazi ugari bezain sendoa gozagaiaren ipurdiaren hondoan. Juan Martin Elexpuru / Bego Montorio   «Filosofia apaingelan» - Sade - 125. orr.

Bere buztana eskaintzen zidan tente-tente nik txupatu eta bustitzeko eta gero oso-osorik sartzen zidan ipurditik ni lauoinka jarrita. Karlos Zabala   «Buda zoriontsuen etxea» - João Ubaldo Ribeiro - 103. orr.

Ipurditik joko diat larrua, zerri horri! Juan Martin Elexpuru   «Esku bakarrarekin irakurtzeko kontuak» - Pilar Cristobal - 61. orr.

Emakumeei ipurditik larrua jotzea, erdizka izatea baino ez da: fantasia hori gizonak gizonarekin betetzea nahi izan du naturak. Juan Martin Elexpuru / Bego Montorio   «Filosofia apaingelan» - Sade - 124. orr.

3 pl ipurmasailak.

Zelako sabel laua, zelako ipurdi gozoak. Juan Martin Elexpuru   «Esku bakarrarekin irakurtzeko kontuak» - Pilar Cristobal - 44. orr.

Ipurdi ikaragarri haietara hurbildu nintzen eta gorri-gorri jarri arte astindu nituen. Juan Martin Elexpuru   «Esku bakarrarekin irakurtzeko kontuak» - Pilar Cristobal - 61. orr.

Ea, altxa ipurdi horiek, gauza asko dauzkagu ikusteko-eta. Xabier Mendiguren Elizegi   «Uda betiko balitz» - 41. orr.

Silikonazko ipurdi berriak ondo ezartzeko gai dena. J.M. Olaizola "Txiliku"   «Bizitza eredugarriak» - 257. orr.

Ikusi nola zabaltzen zaizkion ipurdiak, ikusi bular puztua. Juan Kruz Igerabide   «Txoria» - Oh Jung-hi - 73. orr.

Eroso al dituzu nire ipurdiak, Dolmancé? Juan Martin Elexpuru / Bego Montorio   «Filosofia apaingelan» - Sade - 178. orr.

Zu nire beso artera etorriko zara, zure ipurdi ederrok ahalik eta zabalduen eskaintzen dizkiozularik Mugitu zure ipurdiak, Eugeni, zure uzkiak estutu dezala nire zakila. Juan Martin Elexpuru / Bego Montorio   «Filosofia apaingelan» - Sade - 177. orr.

Eragin ipurdiei, eragin urdanga horrek. Juan Martin Elexpuru   «Esku bakarrarekin irakurtzeko kontuak» - Pilar Cristobal - 36. orr.

4 (hitz elkartuetan)

Ipurdi zuloan sartu aurreko istanteetan. Itxaro Borda   «Zeruetako erresuma» - 66. orr.

ik ipurtzulo. 19023

Eta bizi ederrenaren eramaiteko, azkarrenari ipurdi milikan aritzea baino bide hoberik ez zuten ezagutzen. Eneko Bidegain   «Anbroxio» - 63. orr.

Ahal genuena eginez, ipurdi-heltzen, titi-jorran eta musuka, han errenditzen gintuan. Pako Aristi   «Urregilearen orduak» - 47. orr.

-Hauxe da berri-ipurdi koadrila! Joxemari Urteaga   «Ordaina zor nizun» - 122. orr.

Lurrean luze eta ipurdi-bizkarrak mindurik. Xabier Montoia   «Elektrika» - 91. orr.

· Beraz, ikus dezadan hain grinatsu desiratzen dudan jainkosa-ipurdi zoragarri hau! Juan Martin Elexpuru / Bego Montorio   «Filosofia apaingelan» - Sade - 90. orr.

Eta zer eta tuntun-ipurdi hau babo arraio horrekin maitemindu behar, aizu! Antton Olano   «<//jokoa.com>» - Gemma Lluch - 58. orr.

Zakur-ipurdiko ametsak! Anjel Lertxundi   «Ihes betea» - 223. orr.

5 abere eta animalia batzuetan, uzkiaren aldea.

Eta ez pentsa gero, zakurrek ipurdi zikinarekin ibiltzea laket dutenik. Gotzon Garate   «Zakurra, zeure laguna» - 27. orr.

Tximino erraldoi bat ikusi zuen, bere ipurdi gainean eserita. Josu Zabaleta   «Fantasiazko ipuinak» - Guy de Maupassant - 50. orr.

Bere zaldi irenduaren ipurdi higatuaren kontra bridez jota, esnetegira bidean zen berriro ere, bueltan. Lopez de Arana   «Manhattan Transfer» - John Dos Passos - 75. orr.

Begiak biraka eta ahoa antzararen ipurdia bezala jarrita. Josu Zabaleta   «Lorategi beldurgarriak» - Michel Quint - 41. orr.

Zozoak ere beleak baino ipurdi zuriagoa duela uste du. Gotzon Garate   «India harrigarria» - 62. orr.

6 (zuhaitzetan)

Kalte handiak dira: arbolak ipurditik aterata, adarrak erorita... Berria - Harian   2006-02-01

Bost arbol sakratuok ipurditik bota eta erre zituen sasoi hartan iritsi zen erlijio berriak, Erromakoak noski. Pello Zabala   «Naturaren mintzoa» - 73. orr.

Ahuntz bat leizezulora hurbildu eta zuhaiskaren ipurdiko belarra bazkatzen hasi zen. Koldo Biguri   «On Camillo» - Giovanni Guareschi - 123. orr.

Sutan, arbola-ipurdi bat, zain eta guzti. Itziar Otegi   «Axenario» - Jules Renard - 150. orr.

Nirea baietz bota arbola-ipurdi hura baino urrutirago. Iñaki Mendiguren   «Harry Potter eta sekretuen ganbera» - J.K. Rowling - 37. orr.

Pago ipurdi batean eseri zen, atseden hartzera. Felipe Juaristi   «Itzarri nahi ez zuen printzesa» - 26. orr.

7 (galtzena)

-Eltzen badizut galtzen ipurditik sartuko zaitut emen, Merke Trefe! Iñaki Arranz   «Hitza azti» - 171. orr.

Ipurdian adabakiak eraman behar nituelako. Pello Lizarralde   «Denak hasperenka» - Gianni Celati - 24. orr.

8 (ontzietan eta) hondoa.

Ipurdi horituko te-kikara bat; aurreko urteko egunkariak. Jon Muñoz   «Loroaren teorema» - Denis Guedj - 248. orr.

Kafe-hondarra astindu zuen kikararen ipurdian. Inazio Mujika Iraola   «Gerezi Denbora» - 29. orr.

Lapiko zahar baten ipurdia konpontzera etorritako gailegoren bat. Iñigo Aranbarri   «Hitzak eta giltzak» - 70. orr.

Ontziko marinelak dado-jokoan hasi dira barrika irauli baten ipurdi gainean. Anjel Lertxundi   «Konpainia noblean» - 81. orr.

Juan Jose Urtiaga Inchaurraga, edalontzi ipurdi lako betaurrekoak zituena. Joseba Sarrionandia   «Lagun izoztua» - 128. orr.

Nahiz eta miopiak betaurrekoak -edontzi-ipurdi halako lodiak- orritik hiru hatzetara edukitzera behartzen zuen. Juan Garzia   «Sistema periodikoa» - Primo Levi - 31. orr.

Paderari teflonezko ipurdia jarri ala ez. Edorta Agirre   «Baietz okerreko bidea aukeratu! » - 81. orr.

Haren lagunek esan zioten farfailginari orga-ipurdi batean zurratu zutela gizona eta Paristik egotzi. Juan Garzia   «Bizi alegiazkoak» - Marcel Schwob - 105. orr.

Artilleroetako batek odoletan zeukan ezkerreko besoa; kanoi-ipurdi lodi-biribil baten azpian. Edorta Jimenez   «Sukar ustelaren urtea» - 215. orr.

Ordenagailuaren pantailaren ipurdia ferekatu zuen berriz, ia-ia likitsa gertatu zitzaidan keinu batean. Aingeru Epaltza   «Rock'n'roll» - 98. orr.

Baten batek pikotxaren ipurdiaz ebaki zion burua. Koldo Biguri   «On Camillo» - Giovanni Guareschi - 35. orr.

Eta hau esanik, puruari kosk txikia egiten zion ipurdian. Jon Alonso   «Erretzaileen eremua» - 57. orr.

Kixok, bitartean, pankarta atera du furgonetaren ipurditik, bi makilaren inguruan biribilkatua. Aingeru Epaltza   «Lasto sua» - 58. orr.

Segovian, Eresma ibaia bere bidetik atera eta 2 zubi eraman zituen ipurditik. Pello Zabala   «Naturaren mintzoa» - 318. orr.

Sorgin-haize hurakan kutsuko batek hiru errota atera zituen ipurditik. Pello Zabala   «Naturaren mintzoa» - 355. orr.

9 fusil, pistola eta kidekoetan, atzealdea, helduleku edo bermaleku gisa erabiltzen dena.

Astra bat, 7,62 mm, zazpi tiro, ipurdi zilarkara. Aingeru Epaltza   «Rock'n'roll» - 368. orr.

Gerrikopean estuturik ontziburu berriak pistola zeukan, eta harexen ipurdiari laztan egiten ziharduen. Edorta Jimenez   «Sukar ustelaren urtea» - 232. orr.

Nire lagunak hiru ordu lehenago niri erakutsitako pistola ipurdi zilarkaradunak ikusmiran zuen morroi zurbildua. Aingeru Epaltza   «Rock'n'roll» - 22. orr.

Domingok armaren ipurdia besagainean bermatzearekin egin zidan bere ondoan makurtzeko keinua. Aingeru Epaltza   «Mailuaren odola» - 135. orr.

Soldado batek, harma ipurdiaz, bi kaska emaiten dizkio buruan. Marzel Etxehandi   «Alemaniara deportatua» - Grégoire Joannateguy - 78. orr.

Gero, nabal baten ipurdiaz harri bat joz, pindarrak atera eta ardagaia piztu zuen Pablo Sastre   «Eguzkipekoak» - 245. orr.

10 (esapideetan) ik ipurtzulo 2.

Mokoz ipurdi eginez. Patziku Perurena   «Trapuan pupua» - 350. orr.

Andreasengandik orpoz-ipurdi ihes egin, eta berriro Ameriketara eramango zuen ontziren batean ezkutatu. Anjel Lertxundi   «Azkenaz beste» - 126. orr.

Eta halako imintzioa egin zian begiak trabes eta aho-ipurdi eginez. Josu Zabaleta   «Lorategi beldurgarriak» - Michel Quint - 46. orr.

Sator-lanen batean ari zelakoan nengoen ni, eta ez agintariei ipurdia miazkatzen. Anjel Lertxundi   «Ihes betea» - 200. orr.

Zutitu zen gizona eta kaiolatutako abere amorratu baten moduan hasi zen, aurrera eta atzera, ipurdia non zuen ere ez zekiela. Anjel Lertxundi   «Ihes betea» - 234. orr.

Gutxi kobratu baina telefonorik ez zuten zurginak, eta zakurraren ipurdian zeuden oihal-dendak. Fernando Rey   «Gure etxeko kontuak» - Natalia Ginzburg - 264. orr.

Judasen ipurdia baino zuriagoak dituk eta. Patxi Iturritegi   «Behi eroak» - 14. orr.

-Katolikoek eta protestantek, guztiek ere ipurdian zuloa...! 19072

-Ipurdia garbitzen ahal duk horrekin -teman tinkatua ni. Aingeru Epaltza   «Rock'n'roll» - 276. orr.

Primo Levik Anus mundi (Munduaren ipurdia) deitu zion Auschwitzi. Anjel Lertxundi   «Italia, bizitza hizpide» - 43. orr.

Haren enpresak hedatu nahi zuen plantazioa munduaren ipurdian zegoela iruditu zitzaidan, hor nonbait, Guatemala aldean. Joxe Austin Arrieta   «Homo Faber» - Max Frisch - 18. orr.

Han nengoen ni, gazte aleman sasoiko bat, goitik behera bustita, bihotzaren taupa bizia entzuten nuela eta munduaren ipurdian usnaka. Anjel Lertxundi   «Ihes betea» - 189. orr.

-Oraingoan ere ipurditik sartu behar izan dute bere armarria -esan zuen egun hartan Zaratiegik-. Xabier Mendiguren Elizegi   «Errautsen distira» - 124. orr.

Sar zitzala bere egunak ipurditik! Daniel Landart   «Anaiaren azken hitza» - 42. orr.

11 ipurdiko izlag ik ipurdiko.

Horrenbestez, ipurdiko min hori ez zitzaion sekula osatzen. Pello Lizarralde   «Denak hasperenka» - Gianni Celati - 88. orr.

Eta horien moda... sartu dezatela ipurdiko zuloan. Xabier Mendiguren Elizegi   «16 ipuin amodiozko» - 162. orr.

Baina modu horien guztien artean, ipurdikoa da atseginena, zalantzarik gabe. Juan Martin Elexpuru / Bego Montorio   «Filosofia apaingelan» - Sade - 123. orr.

Zin dagizuet ez dudala aluko gozamena baino gauza aspergarriagorik ezagutzen, eta behin ipurdiko gozamena frogatutakoan, zuk bezala madame, ez dut ulertzen nola itzul daitekeen besteetara. Juan Martin Elexpuru / Bego Montorio   «Filosofia apaingelan» - Sade - 167. orr.

12 ipurdi alde [7 agerraldi, 6 liburutan] ik ipurtalde.

Biluztu egin du eta haren ipurdi aldera zuzendu ditu bere lehen begiradak. Juan Martin Elexpuru / Bego Montorio   «Filosofia apaingelan» - Sade - 90. orr.

Mendian zein gaueko ekintzetan zainartu mutikoen ipurdi alde gogor eta gotorrak desiragarri zitzaizkien "gixon" melengei. Itxaro Borda   «Hiruko» - 43. orr.

Agustinen ipurdi aldera itzuli eta laztandu egin du. Juan Martin Elexpuru / Bego Montorio   «Filosofia apaingelan» - Sade - 278. orr.

Bai, ikusia nuen, Opel zuri bat, eserlekuak hautsita zeuzkana ipurdi aldean. Fernando Rey   «Paradisuko Almanaka» - Gianni Celati - 28. orr.

13 ipurdi-bero izond ik ipurbero.

Hik uste duk beharbada neska atrebitu ipurdi-bero bat naizela. Janbattitt Dirassar   «Bihotzeko mina» - 64. orr.

14 ipurdi-bistan ipurdi agerian

Ez nazak utz ipurdi-bistan. Anjel Lertxundi   «Argizariaren egunak» - 186. orr.

Biek ala biek uretarantz jo zuten, kurrixka bizian lasterka eta ipurdi-bistan. Mirentxu Larrañaga   «Peaceful soldadua» - Michael Morpurgo - 44. orr.

Bera zen bakarrenetakoa gure burgeskume-kontraesanak ipurdi bistan jartzen. Anjel Lertxundi   «Zorion perfektua» - 139. orr.

15 ipurdi dantza (corpusean ipurdidantza soilik) ipurdiaren danza.

Ipurdidantzari ekin nion berriro, gorputz atal horri gora eta behera eraginez. Aitor Arana   «Onan» - 73. orr.

16 ipurdi-handi (orobat haundi) [3 agerraldi, 2 liburu eta artikulu 1ean] izond ipurtandia.

Zelako diferentzia, antzinako gris ipurdi-handi motel haien eta zipaio kankarro hauen artean! Iban Zaldua   «Gezurrak, gezurrak, gezurrak» - 50. orr.

Zonbait aldiz badira emazte -den bezala erraiteko- ipurdi haundi batzu... Menane Oxandabaratz   «Ez da musik» - 147. orr.

Ipurdi handia, jenio txarrekoa, usain txarrekoa: ezer onik ez. Berria - Kultura   2006-01-31

17 ipurdi-harro izond

Ipurdi-harro haiek egunak zituen ordu guztiak esamesaka ematen zituztelako eta bera haiek isilarazteko gauza ez zelako. Karlos Zabala   «Parisen sabela» - Emile Zola - 100. orr.

· Clémence da -La Sarriettek moztu zion-, luze ihar bat, ipurdi harro dabilena, barnetegi batean ikasi zuelako Karlos Zabala   «Parisen sabela» - Emile Zola - 223. orr.

18 ipurdi masail (8 agerraldi, 6 liburutan; orobat ipurdimasail g.er.) ipurmasaila.

Sustraiek zango-sagarrak, izterrak, ipurdi-masailak urratu dizkiote. Itziar Otegi   «Axenario» - Jules Renard - 53. orr.

Ipurdi-masaila bat estutu nion nire izterren artean. Karlos Zabala   «Buda zoriontsuen etxea» - João Ubaldo Ribeiro - 152. orr.

Ipurdia altxatzen nuen zakila sartzekotan zegoela eta txoratu egiten nintzen ipurdi-masailetan jotzen zizkidan pintzel-kolpe moduko haiekin. Karlos Zabala   «Buda zoriontsuen etxea» - João Ubaldo Ribeiro - 108. orr.

Beisboleko bate bat hartu eta kristoren ostiakoak eman zizkioan ipurdi masailean. Pako Aristi   «Venezuela, iraultza isilaren hitzak» - 75. orr.

Ipurdimasail gizen, zuri eta bigun batzuk agerian utziz. Juan Martin Elexpuru   «Esku bakarrarekin irakurtzeko kontuak» - Pilar Cristobal - 59. orr.

19 ipurdi mazela [16 agerraldi, 7 liburutan] ipar ipurmasaila.

Joanesi ipurdi mazelak ontsa minberatu zitzaizkion, zurezko jarleku gogor haien kontra segundu oro kaska eta kaska. Eneko Bidegain   «Anbroxio» - 10. orr.

Bere borondatez ipurdi mazela presentatu zion, pikura egin ziezaion. Itxaro Borda   «Zeruetako erresuma» - 117. orr.

Gustatzen zitzaidan ipurdi-mazela oparo haiek ene sabelpe gosetiaren jo-mugatzat sentitzea. Itxaro Borda   «Zeruetako erresuma» - 40. orr.

Kapitain galtzak kitatzen zituenean Janinaren begiak ez ziren haren ipurdi mazela zainart eta ilezuetarik kantitzen. Itxaro Borda   «Zeruetako erresuma» - 91. orr.

20 ipurdi-miazkatzaile (orobat ipurdimiazkatzaile) izond

Preso asko eta asko kartzelarien laguntzaile, ipurdi-miazkatzaile, salatari dira. Berria - Euskal Herria   2004-08-11

Noizbait Richard seminarista ipurdimiazkatzaileak eta sarjentuak gure errespetu apur bat merezi izan bazuten [...] egun hartantxe galdu zuten betirako. Harkaitz Cano   «Neguko zirkua» - 139. orr.

21 ipurdi(a) agerian (orobat ipurtagirian) ik gorago 14.

Eta ez baitzeraman azpikogonarik, ipurdi agerian geratu zen. Patxi Zubizarreta   «Mila gau eta bat gehiago» - Anonimoa - 133. orr.

Ez die utziko hanka-hutsik eta ipurtagirian hazten, beraiek hazi ziren bezala. Arantxa Iturbe   «Kontu-jaten» - 109. orr.

Asiriako erregeak ere halaxe eramango ditu egiptoar presoak eta etiopiar erbesteratuak, zahar eta gazte, larrugorritan eta oinutsik, ipurdia agerian dutela. Elizen arteko biblia   Is 20,4

"Bestela, ipurdia agerian joanen dira!", esaten zuen. Fernando Rey   «Gure etxeko kontuak» - Natalia Ginzburg - 238. orr.

Oro har ez, baina erne ibili beharra zegon, beti uzten dinagu-eta norbait ipurdia agerian. Migel Angel Mintegi   «Denak du bere prezioa» - 156. orr.

Ziur al zaude ez zela izan, besterik gabe, ipurdia agerian harrapatu zintuztela? Oskar Arana   «Lotsaizuna» - John Maxwell Coetzee - 244. orr.

Ez dakizu markaren izena, ezta ba ote duten ere, eta ipurdia agerian gerta zaitezke. Rafa Egiguren   «Mentxakaren aitorpena» - Jose Ramon Goikoetxea - 133. orr.

22 ipurdiko zulo [17 agerraldi, 6 liburutan] ipurtzuloa.

Ipurdiko zuloa garbitzen hasi zen. Jon Arretxe   «Larunbatak» - 92. orr.

Etzan zaitez eta ipurdiko zuloa inguratzen duten giharrak indarrez uzkur itzazu. Luis Elberdin   «Sexua noiznahi» - 185. orr.

Erakutsi zure ipurdiko zuloa, andere, gogoak ematen didan bezala milika dezadan. Juan Martin Elexpuru / Bego Montorio   «Filosofia apaingelan» - Sade - 139. orr.

23 ipurditik eman

Beti eman nahi izan zidan ipurditik, eta nik behin ere ez nion utzi. Karlos Zabala   «Buda zoriontsuen etxea» - João Ubaldo Ribeiro - 94. orr.

Mutil edo neska bati ipurditik ematen dion gizonak sodomia aktiboa egiten dihardu. Juan Martin Elexpuru / Bego Montorio   «Filosofia apaingelan» - Sade - 144. orr.

Honek alutik sartuko dit, zuk ipurditik emango didazu. Juan Martin Elexpuru / Bego Montorio   «Filosofia apaingelan» - Sade - 176. orr.

Eugenik, kontsolagailu honekin armatuta, ipurditik emango dit. Juan Martin Elexpuru / Bego Montorio   «Filosofia apaingelan» - Sade - 166. orr.

24 ipurditik hartu ik ipurtzulo 3.

Antisorgailurik bazen ordurako, baina metodorik ziurrena ipurditik hartzea zen. Karlos Zabala   «Buda zoriontsuen etxea» - João Ubaldo Ribeiro - 61. orr.

Ordurako ezin hobeto pasatzen nuen ipurditik hartuz. Karlos Zabala   «Buda zoriontsuen etxea» - João Ubaldo Ribeiro - 62. orr.

Txakurra baino hoberik ez duzu, haren hitzetan, ipurditik hartzea gustuko baldin baduzu. Karlos Zabala   «Buda zoriontsuen etxea» - João Ubaldo Ribeiro - 143. orr.

25 ipurdiz gora (orobat goiti)

Ipurdiz gora daude hiriaren zentroko hainbat kale nagusi ere. Anjel Lertxundi   «Italia, bizitza hizpide» - 10. orr.

Baionako Katedrala ipurdiz gora botatzeko. Hasier Etxeberria   «Arrainak ura baino» - 145. orr.

Estatua nahi dute ipurdiz gora ezarri eta gu harekin. Michel Oronoz   «Oilandoiko ermita» - 206. orr.

Viña Albinak, beharbada, bigarren botila ipurdiz goiti emana baikenuen orduko. Aingeru Epaltza   «Lasto sua» - 90. orr.

Orduan subil moduko batekin zabaltzen zuen masa mahai gainean, eta anisa hartzeko kopa txikiak ipurdiz gora ahotik masatan sartu eta pasta biribil eta pottolo batzuen forma ematen zion masari, garai bateko txanpon handien neurrian gutxi gorabehera. Pako Aristi   «Urregilearen orduak» - 223. orr.

26 oilo ipurdi persona baten azala, hotzaren edo beldurrarengatik oilo lumatuaren itxura artzen duenean.

Oilo-ipurdia egin zitzaidan: emakumeak lehengo eguneko zapata takoidunak zeramatzan. Aingeru Epaltza   «Rock'n'roll» - 381. orr.

Supiztaileari buruzko gogoeta horrek oilo-ipurdia eragin zion. Lopez de Arana   «Manhattan Transfer» - John Dos Passos - 126. orr.

Ni ere hotzak nago, esan zuen Karmenek, besoetako oilo ipurdia lagunari erakutsiz. Xabier Montoia   «Baina bihotzak dio» - 187. orr.

Mila! -atera zitzaion osabari eta niri oilo ipurdia jarri zitzaidan. Aitor Arana   «Onan» - 65. orr.

Ximurraren karkailak oilo-ipurdia jarri zidan. Aingeru Epaltza   «Rock'n'roll» - 77. orr.

Eta ostiko eta hasperenak egiten zituztela entzuten nuen, eta oilo-ipurdia jartzen zidaten. Pello Lizarralde   «Denak hasperenka» - Gianni Celati - 82. orr.

Oilo-ipurdi jarri zitzaidan azala albistea irakurri nuenean. Hasier Etxeberria   «Patri maitea» - 74. orr.

Gizakietan ere badira oraindik mekanismo horren aztarnak, hotzak edo beldurrak eragindako oilo-ipurdiak erakusten duen bezala. Irene Aldasoro   «Giza gorputza lanean» - John Lenihan - 81. orr.

Ene... ordu haiek, oilo ipurdiz, burua lehertzeko zorian. Jon Muñoz   «Ispiluen gainean lotan» - Jordi Sierra i Fabra - 58. orr.

Ez dakit nola azaldu, baina dardaran bezala jartzen zidan larru-azala soinu hark, oilo-ipurdia ateratzeraino. Alberto Ladron Arana   «Xake mate» - 59. orr.

27 zakurraren ipurdira bidali pikutara bidali. ik ipurtzulo 5.

Gradellek bere iloba errepublikazalea zakurraren ipurdira bidaltzen zuen. Karlos Zabala   «Parisen sabela» - Emile Zola - 76. orr.

Gurasoek hots egiten zuten aldiro, zakurraren ipurdira bidaltzen nituen. herria uxatzen duten jokamoldeak sustatzen ditu babaztoak, ezker abertzalea zakurraren ipurdira bidaliz. Jesus Mari Mendizabal   «35 kilo esperantza» - Anna Gavalda - 77. orr.

 



Nodoa: liferay1.lgp.ehu.eus