Bilaketa aurreratua

Ogi apurrak

Egungo Euskararen Hiztegia (EEH)

Hasiera:

irazi [31 agerraldi 8 liburutan], iraz, irazten 1 du ad iragazi.

Oker berdindutako zangetatik hezetasuna sartu, ura irazi eta sabaia bertan behera amil zitekeen. Harkaitz Cano   «Belarraren ahoa» - 18. orr.

Ukuiluan ekaitzaldi bakoitzean itoginak izaten ziren, goitik, lastategitik irazten baitzen ura. Juan Garzia   «Sistema periodikoa» - Primo Levi - 215. orr.

Bigarren fasean, beste prozesaketa bat pasatzen du irazitako gai urtsuak. Irene Aldasoro   «Giza gorputza lanean» - John Lenihan - 191. orr.

Irazi egiten zian, ordea, ur hori, eta ioi-trukezko araztailu batetik pasarazten. Juan Garzia   «Sistema periodikoa» - Primo Levi - 276. orr.

Odolaren osagai batzuk kapilarretatik kanpora irazten dira. Irene Aldasoro   «Giza gorputza lanean» - John Lenihan - 160. orr.

Horren ondoren, tubulu estuetan barrena igarotzen da irazitako fluidoa. Irene Aldasoro   «Giza gorputza lanean» - John Lenihan - 192. orr.

Odoletik irazitako likidoaren % 99 baino gehiago itzultzen da atzera zirkulaziora. Irene Aldasoro   «Giza gorputza lanean» - John Lenihan - 192. orr.

Haitzulo berriaren zirritu guztietatik irazten zen zilarbizia tanta-intzirika. Juan Garzia   «Sistema periodikoa» - Primo Levi - 142. orr.

Eta hormei bazirudinan murmurrak zerizkiela tantaka, artesi eta zartaduren artetik iraziko balitzaizkie bezala. Juan Garzia   «Pedro Páramo» - Juan Rulfo - 85. orr.

Argi trebes eta mugikor bat zuen begietan, zilarbiziarena berarena bezalakoa; zilarbizi bihurtu zela zirudien, huraxe zebilkiola zainetan eta begietatik irazten zitzaiola. Juan Garzia   «Sistema periodikoa» - Primo Levi - 142. orr.

2 hed/irud

Kanpotik iristen zaizkigun informazio-izpi ugariak etengabe irazten dira: batzuk atzera botatzen dira, eta beste batzuk, berriz, denboraldi luzeko oroimenean gordetzen dira. Irene Aldasoro   «Giza gorputza lanean» - John Lenihan - 238. orr.

Atea zabalik zegoen eta zeru gris baten argi-isla irazten uzten zuen. Juan Garzia   «Pedro Páramo» - Juan Rulfo - 95. orr.

Ilargiaren izpiak hire aurpegi gainera irazten. Juan Garzia   «Pedro Páramo» - Juan Rulfo - 162. orr.

Idazle baten literatur hastapenek […] oroimenaren galbahea ezagutu dute -horixe du iraganak alde eta kontra-, eta nirearen galbahetik irazi denaren arabera, Mikel Lasarekin uztartuko dut beti Rimbaud. Anjel Lertxundi   «Mentura dugun artean» - 121. orr.

Egia da denboraren galbaheak ez duela sarritan guk nahi genukeen bezain zehatz irazten: aleak, hondarra, hautsak, oinazeak igaro egiten dira galbahearen saretik behera. Anjel Lertxundi   «Mentura dugun artean» - 121. orr.

Idazlana aurrera doan heinean, atzean geratzen dira zirriborroetako hainbat zati, galbahetik irazi ez direnak. Askoren artean   «Filosofiako gida» - 366. orr.

3 (beste aditz batez elkarturik)

Euri temati batek tona asko amianto ikuz-irazi zituen harrobiaren hormetatik beretatik. Juan Garzia   «Sistema periodikoa» - Primo Levi - 96. orr.

Hirugarrena -barrokismoa, dekadentismoa, formaren gurtza aratz-irazi bezain fanatikoa?- bi hemistikio bikiz osatua da. Juan Garzia   «Ipuin hautatuak» - Jorge Luis Borges - 159. orr.

4 (era burutua izenondo gisa)

Gai iraziak eta odolak oso antzekoa dutenez sodio-kontzentrazioa, ez da garbi ikusten zergatik itzuli behar duen sodioak atzera odolera. Irene Aldasoro   «Giza gorputza lanean» - John Lenihan - 192. orr.

Ioi multzo handi batek kapilarretarako bidea egin duenean, haien karga positibo metatuak karga negatiboa duten ioiak […] erakartzen ditu gai irazitik odolera. Irene Aldasoro   «Giza gorputza lanean» - John Lenihan - 192. orr.

 



Nodoa: liferay1.lgp.ehu.eus