Egungo Euskararen Hiztegia (EEH)

Apainduraren osatzeko, hegia zabala zuen aita zenaren lapurtar boneta hartu zuen, itze batean tilingo zegoena.  Elena Touyarou   «Hautsi da katea» - Toti Mtz. de Lecea, 2004 - 201. orr.

Itzea sartzen da jo eta jo arizanaren bortxaz.  Herria   2003-09-18

Gaitzeko borta, zeruraino doan borta, zeruko atea, zura itzez izarreztatua, 585 itze kasko beltz, mugimendu gabeko konstelazioa, zur gorrian landatua.  Michel Oronoz   «Oilandoiko ermita», 2001 - 58. orr.

Kristoren beso mehe eta luzeek, gorputz hilaren pisuak itzetatik ateratzekotan balire bezala, Kurutzefikatuaren hauskortasuna gehitzen dute.  Piarres Aintziart   «Santiago oinez», 2000 - 48. orr.

Itze sailtzaile batek iragarki egile bati galdegin zion marrazki baten bitartez bere ekoizpenaren aipamena egitea.  Herria   2005-01-20

Itzeak izanikan ere, hala hala segitu zuen pilotan eta partida irabazi.  Angel Aintziburu / Jean Baptiste Etxarren   «Luzaiden gaindi», 2002 - 120. orr.

Horma-harrietan ernetzen den itze belarraz.  Elizen arteko biblia   1 Erg 5,13

Landareei buruz ere mintzatu zen, Libanoko zedrotik hasi eta hormetako itze-belarreraino.  Jose Antonio Mujika   «Agindutako lurraren bila II», 2002 - 67. orr.

Jarri naiz eukalitu edo, izen pollitagoa baita, itze-belarrei so ziri mehe luze horiek noraino joan nahi dute, zeru barnean ausikika bezala ari direla.  Piarres Aintziart   «Santiago oinez», 2000 - 231. orr.

Han biper eta itze-kanela garestien merkataritzan aritzeko.  Ramuntxo Etxeberri   «Skyroom», 2004 - 174. orr.

Itze-kanela kargatu ondotik, etxeratzen dira eta Sevillara itzultzen 1522ko irailaren 8an  Ramuntxo Etxeberri   «Skyroom», 2004 - 175. orr.

Hogeigarren mende hastapenean ari ziren itze egiten.  Angel Aintziburu / Jean Baptiste Etxarren   «Luzaiden gaindi», 2002 - 27. orr.

Itze egiteko mekanika hori.  Angel Aintziburu / Jean Baptiste Etxarren   «Luzaiden gaindi», 2002 - 27. orr.