Bilaketa aurreratua

Ogi apurrak

Egungo Euskararen Hiztegia (EEH)

Hasiera:

moneta (53 agerraldi, 17 liburu eta 14 artikulutan; orobat moneda 22 agerraldi, 4 liburu eta 4 artikulutan; Hiztegi Batuak moneda baztertzen du eta moneta erabili behar dela adierazten du, baina diru eta dibisa hobesten ditu) 1 iz dirua; dibisa. ik diru 2.

Dirua beharrezkoa zen, eta dirua ere jin zen, gehienetan espainiar monetan. Pello Salaburu   «Euskararen etxea» - 30. orr.

Tori diru hau eta aldatu bankuan, urruneko moneta delakoz. Pello Salaburu   «Euskararen etxea» - 30. orr.

Merkataritzarako truke komisiorik ez izatea ere abantaila da, zeren eta atzerriko monetan inportazioak edo erosketak egiteko ordaintzen ziren komisioak desagertu baitira. Iñaki Heras   «Txanponaren bi aldeak» - 196. orr.

AEBetako monetaren epe luzerako iragarpenak aski ezkorrak dira artean ere. Berria - Ekonomia   2004-11-07

2 (hitz elkartuetan lehen osagai gisa) ik diru 2; monetario.

Moneta politika oso hedakorra da egun, bai AEBetan bai Eurogunean. Berria - Ekonomia   2004-04-22

1997tik hona, Asia ekialdeko, Errusiako eta Brasilgo ekonomia eta finantza krisiak gertatu zirenetik, nazioarteko finantza ereduak eta nazioarteko moneta erakundeen lana auzitan daude. Iñaki Heras   «Txanponaren bi aldeak» - 229. orr.

Nazioarteko diru politikan adituek diotenez, euroaren esparrua ez omen da diru edo moneta esparru optimo bat. Iñaki Heras   «Txanponaren bi aldeak» - 199. orr.

Ekonomia estandarrak merkatuan elkartrukatzen diren ondasunen azterketara jotzen du batik bat, hau da, truke-balio bat, moneta balio bat duten ondasunetara. Itziar Eizagirre / Amaia Lizarralde   «Garapen iraunkorra» - 49. orr.

Ekonomikoa mundu fisiko naturaletik aparteko sistematzat ulertzean, politika ekonomikoak eta garapenaren aurrerapausoen neurketak moneta terminoetan beste ezertan ez dira oinarritzen. Itziar Eizagirre / Amaia Lizarralde   «Garapen iraunkorra» - 56. orr.

Kopek: Errusiako moneta-unitatea. Jose Morales   «Arima hilak» - Nikolai Gogol - 72. orr.

Ekonomialariek hedapen prozesuan diren moneta-adierazleak ikusten dituzte, baina [...] giza garapen iraunkorraren arloko aditu guztiek ekonomia berregituratzeko beharra ikusten dute. Itziar Eizagirre / Amaia Lizarralde   «Garapen iraunkorra» - 73. orr.

MBri esleituko litzaioke pobreziaren eta epe luzerako erabakiei buruzko arreta[...] eta FMIri, berriz, epe motzerako parte-hartzea, bereziki, moneta eta finantza krisien gidaritza. Iñaki Heras   «Txanponaren bi aldeak» - 267. orr.

Salneurrien eta zirkulazioan dagoen moneta masaren arteko harremanaren formulazioa. Xabier Arregi   «Jakitearen arkeologia» - Michel Foucault - 166. orr.

Hain zuzen ere, moneta mota bi daudelako; zaharra eta berria, 2000. urte honetan erabakiak. Edorta Jimenez   «Europako mugetan barrena» - 278. orr.

Angeluko komertsanten elkarteak zerbitzu pratikoak eskaini nahi dizkie bere kide guziei moneda aldaketa keinka honetan. Herria   2001-09-13

Bankers Trust-eko Atzerriko Moneta Departamentuburua. Lopez de Arana   «Manhattan Transfer» - John Dos Passos - 385. orr.

Moneta Etxea lehenagotik ezarria zen; orduan zen sendotu. Aingeru Epaltza   «Mailuaren odola» - 65. orr.

3 (hitz elkartuetan bigarren osagai gisa)

Ikur-monetaren aldeko erabakia lotuta dagoen aberastasunen azterketak [...]. Xabier Arregi   «Jakitearen arkeologia» - Michel Foucault - 80. orr.

4 txanpona.

Moneta eder haiek, kutxan sartu beharrean, mahai gainean utzi zituen, behingoan ekiteko beste diruei. Edorta Jimenez   «Sukar ustelaren urtea» - 123. orr.

Geroztik irudi hau indartu zen, Erdi Aro guzian barrena, izkribu, moneta, eta inprimaki guzietan "rex Dei gratia" edo "Jainkoaren graziaz errege" esalege sakratua ohiko bihurtuz. Patziku Perurena   «Trapuan pupua» - 134. orr.

5 (hitz elkartuetan bigarren osagai gisa)

Sartu nuen eskua sakelan, nire diru-zorroa bilatu, ireki, eta ikusi nuen kobre moneda bakan batzuez betea zegoela. Matías Múgica   «Hiltzaile baten aitormena» - Joseph Roth - 61. orr.

-Hamar errublo -esan zuen, eta nik hamar errubloko urre moneda eman nion. Matías Múgica   «Hiltzaile baten aitormena» - Joseph Roth - 65. orr.

Poltsatik diru-zorro bat atera zuen, zilar monedaz betea. Matías Mujika   «Edale santuaren kondaira» - Joseph Roth - 26. orr.

6 Nazioarteko Moneta Fondo Nazioarteko Diru Funtsa.

Alabaina, boterea lortu ondoren promesa horiek, guzti-guztiak zakarrontzira bota ziren, eta Nazioarteko Moneta Fondoaren errezeta gogorrak aplikatu zituzten haien ordez. Pako Aristi   «Venezuela, iraultza isilaren hitzak» - 108. orr.

Nazio Batuen Erakundeko, Munduko Bankuko eta Nazioarteko Moneta Fondoko agintariei. Berria - Harian   2005-05-18

hitz multzoen maiztasunak (gutxienez 3 aldiz agertzen direnak)

moneta politika (3); nazioarteko moneta (4)

 



Nodoa: liferay1.lgp.ehu.eus