Egungo Euskararen Hiztegia (EEH)

mugimendu (6118 agerraldi, 253 liburu eta 2219 artikulutan; orobat mugimentu g.er., mogimendu g.er., mubimendu g.er., muimendu g.er. eta moimendu g.er.; Euskaltzaindiaren Hiztegian mugimendu agertzen da) 1 iz mugitzea, gauza baten egongune aldaketa. ik higidura.

Begiaren mugimenduak era askotakoak dira. Josu Zabaleta «Irudia» - Jacques Aumont, 2004 - 34. orr.

Maria Sara doktoreak, keinu dudarik gabe segail batez, buruaren mugimendu batez, atzera botatzen du ezker aldeko ilea. Jon Alonso «Lisboako Setioaren Historia» - José Saramago, 2000 - 126. orr.

Zirkunferentziaren mugimendua, beraz, lasterragoa da barruko zirkuluarena baino. Xabier Kintana «Alderraien gidaria» - Mose ben Maimon, 2006 - 202. orr.

Badakizu mugimendua animalien gorentasunaren atal osagarria dela, eta beharrezkoa duela betegina izateko. Xabier Kintana «Alderraien gidaria» - Mose ben Maimon, 2006 - 73. orr.

Xake partidako mugimendu guztiak aurrez zekizkien igarlea zen. Harkaitz Cano «Pasaia blues», 1999 - 210. orr.

Mugimendu hori egitean soinekoa gerrirantz bildu zitzaion eta izterrak agerian geratu ziren. Iñaki Zabaleta «110. Street-eko geltokia», 2003 - 54. orr.

Gero konturatu nintzen esferak bere baitan zeuzkan ikuskizun zorabiagarriek sorturiko irudikeria zela mugimendu hura. Juan Garzia «Ipuin hautatuak» - Jorge Luis Borges, 1998 - 169. orr.

Mugimenduaren pertzepzio-ereduak. Josu Zabaleta «Irudia» - Jacques Aumont, 2004 - 47. orr.

Zerk sortzen du mugimendua? «Loroaren teorema» - Denis Guedj, 2006 - 72. orr.

2 (izenondo eta izenlagunekin)

Mugimendu fisiko bat behar izan zuen bere buruari beldurtuta zegoela aitortzeko. Harkaitz Cano «Pasaia blues», 1999 - 144. orr.

Den guztia mugimendu etengabean dabil. Xabier Amuriza «Gauzen izaeraz» - Lukrezio, 2001 - 85. orr.

Zu, berriz, mugimendu jarraitu hark izutua, noragabeturik gelditu zinen. Xabier Mendiguren Elizegi «16 ipuin amodiozko», 2002 - 131. orr.

Hitzei keinu eta mugimendu kartsuz lagunduz. gero, nekea adierazten zuen mugimendu geldoaz, jezarlekuan bermatu zen. Askoren artean «Asisko Frantzizko, Asisko Klara», 2002 - 347. orr.

Eskuak mugimendu zakarra egin baitzuen, paperean zirriborro bat eraginez. Jon Alonso «Lisboako Setioaren Historia» - José Saramago, 2000 - 172. orr.

Gizakiak gai dira mugimendu sotil eta konplikatu ugari egiteko, goi mailako diseinu teknikoari esker. Mugimendu erreala, itxurazko mugimendua. Irene Aldasoro «Giza gorputza lanean» - John Lenihan, 2006 - 16. orr.

Begien aspaldiko zorizko mugimendu haiek berritu zitzaizkion. Xabier Olarra «Antropologo bat Marten» - Oliver Sacks, 2003 - 153. orr.

"Naturaren legeek" mugimendu errepikari baten erregulartasuna erakusten dute. Iñaki Mendiguren «Historiaren azterketa II» - A.J. Toynbee, 2000 - 303. orr.

Mugimendu ziklikoak joera bizia duela irauteko. Iñaki Mendiguren «Historiaren azterketa II» - A.J. Toynbee, 2000 - 324. orr.

Ikuspegi historikoak kosmos fisikoaren mugimendu zentrifugoa erakusten digu espazio-denboraren lau dimentsioko markoan. Iñaki Mendiguren «Historiaren azterketa II» - A.J. Toynbee, 2000 - 401. orr.

Trikitixa zen garaiko rockanrola; emakume horiek dantzan ikusita, konturatuko ginateke Elvis Presleyren gerri-mugimenduak txorakeria hutsa zirela, eta heavy metalkideen kontorsioak mugimendu basatiak, ez arte eta ez grazi. Pako Aristi «Gelatxo, soinuaren bidaia luzea», 2001 - 72. orr.

3 (hitz elkartuetan lehen osagai gisa)

Gaineko solairuan ehunka lagunen mugimendu-hotsa entzuten zuten. Iñaki Mendiguren «Harry Potter eta sekretuen ganbera» - J.K. Rowling, 2001 - 245. orr.

Ahoskera egokia ekoizteko, gainera, ahots aparatuaren mugimendu-aginduak ere berriro programatu beharko ditu. «Fonetika fonologia hitzez hitz», 2004 - 49. orr.

Mugimendu-aukera handiagoa ematen dute beste lau giltzadura motek. Soinua mugimendu forma bat da. Irene Aldasoro «Giza gorputza lanean» - John Lenihan, 2006 - 39. orr.

mugimendu segida horiek bata bestearen atzean nahiz aldi berean gertatzen dira, paroxismotik hurbil dagoen amaiera arte. Berria - Kultura 2004-05-05

Objektuaren beraren edo begiralearen mugimendu-aldaera bakoitzak transformazio-eskema (bakar) bat eragiten baitu erretinan. Josu Zabaleta «Irudia» - Jacques Aumont, 2004 - 55. orr.

Horiek guztiek halako mugimendu-sentsazioa sortarazi zioten Thatcherri, Hudson ibaian gora doazen baporeek eragiten dutena bezalakoa. Lopez de Arana «Manhattan Transfer» - John Dos Passos, 1999 - 32. orr.

Hortik, bitarteko fase bat edo bi igarorik agian, mugimendu-neuronetara igarotzen da mezua. Irene Aldasoro «Giza gorputza lanean» - John Lenihan, 2006 - 231. orr.

Nik nahiago nuen aldian-aldian neure bidea asmatzea, mugimendu-gerrazko erasoaldi zorrotzak jo bat-batean han-hemenka, kokapen-gerraren errutina nekagarrira makurtu ordez. Juan Garzia «Sistema periodikoa» - Primo Levi, 1998 - 61. orr.

4 (hitz elkartuetan bigarren osagai gisa)

Bere lana bete zezala agindu zion hurrena borreroari buru-mugimendu pausatu batez. Anjel Lertxundi «Azkenaz beste», 2005 - 27. orr.

Zure beso-mugimendu horiek ikusi bertzerik ez dago. Joan Mari Irigoien «Lur bat haratago», 2000 - 540. orr.

Orain, ordea, begirada letretan banan-banan finkaturik, ez zen gai, antza, begi-mugimendu arinerako, iker-begiradarako. Xabier Olarra «Antropologo bat Marten» - Oliver Sacks, 2003 - 132. orr.

Aldaka-mugimendu trebe bat eginez. Aitor Arana «Onan», 2000 - 36. orr.

Hotsa aire-mugimendua da, gauzak alderdi fisikotik hartuta. «Fonetika fonologia hitzez hitz», 2004 - 149. orr.

Hurrena, jauzi-mugimendu bat sumatu zuen inguruan. Xabier Olarra «Antropologo bat Marten» - Oliver Sacks, 2003 - 140. orr.

Operatzaileek eta zinemagileek egin daitezkeen kamera-mugimendu guztiak. Josu Zabaleta «Irudia» - Jacques Aumont, 2004 - 207. orr.

Diskojogailuaren platera biraka ari den bitartean, itxurazko estutze edo zabaltze mugimendu bat sumatzen da, espiralaren zentzuaren arabera. Josu Zabaleta «Irudia» - Jacques Aumont, 2004 - 48. orr.

Migrazio mugimendu handien aldia izan zen. Iñaki Heras «Txanponaren bi aldeak», 2003 - 205. orr.

5 ideien, iritzien edo egoeren aldaketa helburutzat duen egintza, giza multzo edo erakunde batek eragina. ik higikunde.

Itoizko urtegiaren kontrako mugimendua toki jakin batean sortu zen, ibar txiki batean, nekazari gune batean. Edurne Elizondo «Itoiz, porlanezko gezurra», 2004 - 50. orr.

Ondoren, Scout mugimendua ezagutu nuen eta Bilboko auzo bateko scout taldearekin monitore gisa ibili nintzen. Ana Urkiza «Zortzi unibertso, zortzi idazle», 2006 - 177. orr.

Kenyako Mau-Mau mugimendua. Iñaki Mendiguren «Historiaren azterketa II» - A.J. Toynbee, 2000 - 465. orr.

Txekoslovakian, Sobiet Batasuneko agintari komunisten kontrako mugimendua sortzen da, tankeek isilarazten dutena. Pello Salaburu «XX. mendearen argi-itzalak», 2001 - 83. orr.

Azken bi hamarkadetan bertsolaritza bultzatu duen mugimenduak garai berriek eskatzen dituzten desafioei aurre egiteko intuizio gidariak izan ditu. J. Garzia / A. Egaña / J. Sarasua «Bat-bateko bertsolaritza», 2005 - 61. orr.

Urte honetan gauzatu zen lehenagotik ere mamitzen egona zen euskal kulturaren aldeko mugimendu bat, XX. mendean agian garrantzizkoena izan dena talde gisa. Pello Salaburu «XX. mendearen argi-itzalak», 2001 - 82. orr.

Merkataritza askearen mugimenduaren porrotak erakusten duten bezala. Iñaki Mendiguren «Historiaren azterketa II» - A.J. Toynbee, 2000 - 433. orr.

6 (izenondo eta izenlagunekin)

Txinan demokraziaren aldeko mugimendu handiak sortu dira. Pello Salaburu «XX. mendearen argi-itzalak», 2001 - 172. orr.

Tentsio hori etengabea da Elizan eta frantziskotar mugimenduan. Askoren artean «Asisko Frantzizko, Asisko Klara», 2002 - 636. orr.

Mugimendu arkaizanteak normalean antzuak gertatzen dira. Iñaki Mendiguren «Historiaren azterketa II» - A.J. Toynbee, 2000 - 441. orr.

Zientziaren kontrako mugimendu akademikoak sortu dira, eta batzuetan nahiko indar hartu ere, batez ere Frantzian eta Estatu batuetako zenbait tokitan. Pello Salaburu «XX. mendearen argi-itzalak», 2001 - 20. orr.

Kubatar mugimendu iraultzailearekin kolaboratzen du. Edorta Jimenez «Hemingway eta euskaldunak zerbitzu sekretuetan», 2003 - 287. orr.

Mugimendu nazionalisten lehen astinaldiak. Iñaki Mendiguren «Historiaren azterketa II» - A.J. Toynbee, 2000 - 61. orr.

Morsez mezuak bidaltzeko tresna bat mugimendu kurduarentzat lapurtzeagatik salatu zuten aita. Juan Kruz Igerabide «Nire aitaren fusila» - Hiner Saleem, 2004 - 10. orr.

Parisen "Justizia eta Askatasuna" mugimendu antifaxista sortu zuen. Fernando Rey «Gure etxeko kontuak» - Natalia Ginzburg, 2004 - 281. orr.

Historian zehar mugimendu monastikoentzat hain kaltegarri izan diren pobretasunaren kontrako tentazioak eta jarrerak. Askoren artean «Asisko Frantzizko, Asisko Klara», 2002 - 909. orr.

Mugimendu heretikoak ere oso zabalduak zeuden Italiako erdi eta iparraldean, kataroena batik bat. Askoren artean «Asisko Frantzizko, Asisko Klara», 2002 - 24. orr.

Kazetari batzuek esan zuten mugimendu piktoriko berria sortu nuela, beste pintore batzuk ere hasi zirela nire bidetik. Unai Elorriaga «Van't Hoffen ilea», 2003 - 125. orr.

7 (hitz elkartuetan bigarren osagai gisa)

Handik zuzenduko ziren greba mugimendu guztiak. Jon Maia «Riomundo», 2005 - 190. orr.

Protesta mugimendu hauek nolabait ere harreman dialektiko zuzenean hasten dira agintariekin ere. Pello Salaburu «XX. mendearen argi-itzalak», 2001 - 188. orr.

Beste ikuspegi batzuen aburuz, kapitalismoarekiko alternatiba ere bada (edo bazen) kooperatiba mugimendua. Iñaki Heras «Txanponaren bi aldeak», 2003 - 181. orr.

Gizarte-mugimendu ekintzaile berria sortzen laguntzea. Txema Ramirez de la Piscina «Ikus gaitzazuen», 2004 - 45. orr.

Langile-mugimendu handiak izan ziren garaiaz geroztik, ez zen izan halako bizitasunik auzoan. Juan Kruz Igerabide «Hauts bihurtu zineten», 2005 - 106. orr.

Euskal Herrian sortutako beste zenbait idazle, berriz, Unamuno, Pio Baroja, Ramiro de Maeztu, urte horretan Espainiak galdutako koloniak zirela-eta, literatura mugimendu baten, edo literatura mugimendu baino zerbait gehiago izango zenaren oinarri bihurtuko ziren. Politikaren mailan, hala ere, kristau ortodoxoen bi mendebaldartze-mugimendu banatu horiek bide ezberdinak egin zituzten. Pello Salaburu «XX. mendearen argi-itzalak», 2001 - 53. orr.

Ororen gainetik, barne-merkataritzaren liberalizazio-mugimendu zabala izan zen, feudalismotik ateratako nazio-estatuek ezarria, Koro Navarro «Ekonomiaren globalizazioa» - Jacques Adda, 2004 - 20. orr.

8 musikan, sonaten edo kidekoen zatietako bakoitza.

Nonbait Julesek mailegatu KD irakurgailuan Beethovenen bederatzigarren sinfoniaren bosgarren mugimendua ezarri zuen. Itxaro Borda «Zeruetako erresuma», 2005 - 296. orr.

Atsedenik gabe, bigarren mugimenduari, andanteari, ekin zioten musikariek. Felipe Juaristi «Airezko emakumeak», 2003 - 222. orr.

Emakumeak azken mugimendua, finale vivacea, joka hasi dira. Felipe Juaristi «Airezko emakumeak», 2003 - 166. orr.

Kantatak zortzi mugimendu ditu; Antso III.ak bizi izan zituen garaiei egiten die erreferentzia, eta bere herriarekin zuen harremanean sakontzen du. Berria - Kultura 2004-06-30

Musika zuzen eta erraza erabiltzen du, forma garbikoa mugimendu gehienetan. Berria - Kultura 2004-06-30

Zure tresnarentzako kontzertu baten mugimendu bat prestatu behar duzu eta, horrez gain, orkestrako pasarteak deitzen direnak: hamar bat zati konposatzaile derberdinenak, orkestrako obra garrantzitsuetatik aukeratuak. Berria - Kultura 2006-02-05

9 joan-etorria, harat-honata.

Mairuak kanpamentuan zer mugimendu dagoen begiratzen ari direla gauza segurua da. baina geroago hasiko ziren, biharamunean igual, garabien, kontainerren, estibadoreen mugimenduak. Jon Alonso «Lisboako Setioaren Historia» - José Saramago, 2000 - 342. orr.

Igande goizean izan zen mugimendu elizan, ezkerparetan eta kanpoan. Herria 2004-11-11

Holakoetan, izaiten da segur mugimendu eskuin eta ezker. Herria 2001-05-31

Bazen mugimendu inguruan: gazte talde bat hemen, plastikozko ontzi handi zenbaiten inguruan; bikote are gazteagoren bat han, maite lanetan; musika hotsa, ikusgai ez genuen lekutik. Aingeru Epaltza «Rock'n'roll», 2000 - 17. orr.

Kasik uda betean bezenbat mugimendu, aroa gisa hartakoa izanez geroz. Herria 2001-05-31

Errepidearen beste aldeko Somera kalean ere ez zegoen mugimendu handirik. Sonia Gonzalez «Ugerra eta kedarra», 2003 - 202. orr.

10 mugimendu izan da ad harat-honata izan.

Izanen da mugimendu taulen gainean! hamargarren euskal antzerkia da Garaziko ikaslek emaiten duten hau. Herria 2004-04-08

· iskanbila izan. Izan da mugimendu joan den astean eskola zenbaitetan, eskolak okupatzeraino, Urdiñarben, Irisarrin edo oraino Hendaia-Lissardy-n. Herria 2003-09-11

hitz multzoen maiztasunak (gutxienez 6 aldiz agertzen direnak)

aldeko mugimendu (20); aurkako mugimendu (10); bada mugimendu (10); bazen mugimendu (29); buru mugimendu (24); buru mugimendu batez (6); buruaren mugimendu (6); elkartasun mugimendu (13); emgann mugimendu (7); euskal herriko mugimendu (16); euskal mugimendu (10); ezkerreko mugimendu (11); gazte mugimendu (20); gizarte mugimendu (28); greba mugimendu (6); herri mugimendu (13); herriko mugimendu (16); izan da mugimendu (17); izan zen mugimendu (6); izanen da mugimendu (17); jende mugimendu (7); kontrako mugimendu (8); langile mugimendu (8); lur mugimendu (12)