Bilaketa aurreratua

Ogi apurrak

Egungo Euskararen Hiztegia (EEH)

partaide (1008 agerraldi, 122 liburu eta 582 artikulutan) 1 iz parte-hartzailea. ik partalier.

Espedizio batean partaide izateko eskaerarekin hasi zen dena.  Bernardo Atxaga   «Lekuak», 2005 - 164. orr.

Jende errugabearen masakrean partaide izatea, ezta pasiboki ere, ez da posible.  Ramon Etxezarreta   «Ezezaguna helbide honetan» - Kressman Taylor, 2003 - 31. orr.

Gurekin etortzen bazara, Jaunak guri emango dizkigun ondasunetan partaide egingo zaitugu.  Jose Antonio Mujika   «Agindutako lurraren bila I», 2002 - 198. orr.

Denek nahi zuten Zugarramurdin Karlos Setimorekin batera meza aditu; eta eskainiko zitzaion "Te Deum" ospetsuan partaide izan.  Txillardegi   «Putzu», 1999 - 139. orr.

Denok dakizue kiroldegian partaide guztiek egiten dutela lasterka, baina saria batek bakarrik jasotzen duela.  Elizen arteko biblia   1 Ko 9,24

Napoleon bera ere, ezaguna denez, partaide izan genuen, barru-barrutik, Kode Zibilaren idatzaldietan.  Andres Urrutia   «Frantziako kode zibilaren lehen proiektua» - Jean di Portalis, 2000 - 13. orr.

Hasieran, partaide izan nintzen ni lan horretan, noiz eta agertu baitzen kiribil erregulatzaileetako proteinek, eragozle zein aktibatzaile izan, tasun alosterikoak zituztela.  Juan Garzia   «Sagua, eulia, eta gizakia» - François Jacob, 2004 - 72. orr.

HERRIKOA kapital arrisku sozietatea partaide bezala engaiatu da eragiketa hortan.  Herria   2003-05-29

Finaleko lau partaideak binakako txapela irabazitakoak dira.  Berria - Kirola   2006-04-01

Partaideak (16 urtez goitikakoak) laurazka ariko dira, kopurua 40 etara mugatua izanen delarik.  Herria   2003-09-11

2 kidea.

Hango lege esangabearen arabera, partaide bakoitzak aurkitu behar zuen, presarik gabe, elkartearen jomuga ez ezik, beren kideen izen-deiturak berak ere.  Juan Garzia   «Ipuin hautatuak» - Jorge Luis Borges, 1998 - 208. orr.

Hemen gizakia naturarekin bat eginik bizi da, urtaroen arabera; partaide eta esku da kreazioan gertatzen den guztian.  Jose Morales   «Arima hilak» - Nikolai Gogol, 1998 - 462. orr.

Banda del Andy: hiru partaide identifikaturik.  Pako Aristi   «Venezuela, iraultza isilaren hitzak», 2000 - 32. orr.

800 partaide biltzen dira Arrapitz elkartean.  Berria - Ekonomia   2004-07-28

Milurteko Goi Bilera 2000ko irailaren 6tik 8ra bitartean egin zuten New Yorken, eta 191 partaide izan ziren.  Itziar Eizagirre / Amaia Lizarralde   «Garapen iraunkorra», 2005 - 96. orr.

Gazteak azaldu behar izan zion mugimendu hura ezerezean geratu zela, eta partaide gehienak [...] agintarien legeetara makurtu eta ahal bezain eroso bizi zirela.  Martin Anso   «Elezaharren bidetik», 2004 - 166. orr.

3 (-ko atzikiaren eskuinean)

ETAko zuzendaritzako partaide gisa.  Rafa Egiguren   «Mentxakaren aitorpena» - Jose Ramon Goikoetxea, 2006 - 12. orr.

Familiako partaide bakoitzak bere lekua bilatu du bainatzeko.  Josu Zabaleta   «Anne Franken egunkaria» - Anne Frank, 2004 - 58. orr.

Bere sigletan alfabetoko hizki guztiak zituen sindikatu ezkutuko partaide.  Harkaitz Cano   «Pasaia blues», 1999 - 210. orr.

Poliziaren bertsioak dioenez, Bizkaia Komandoko partaide ziren.  Unai Iturriaga   «Berandu da gelditzeko», 1999 - 237. orr.

Gazteria Kurdua elkarteko partaide eta ekintzaile egin nintzen.  Juan Kruz Igerabide   «Nire aitaren fusila» - Hiner Saleem, 2004 - 56. orr.

Zenbait ongintza-elkartetako presidente eta beste batzuetako partaide zen.  Anton Garikano   «Bederatzietatik bederatzietara» - Leo Perutz, 2003 - 153. orr.

Taldeko partaideak aldatuz joan dira.  Josu Zabaleta   «Irudia» - Jacques Aumont, 2004 - 237. orr.

Kurt, filmatze-taldeko partaide gehienak bezala, ezkertiarra zen.  Iban Zaldua   «Etorkizuna», 2005 - 30. orr.

Auzolandegi hartako partaideak geratu ginen han: boluntario gindoazenak eta arduradunak.  Xabier Mendiguren Elizegi   «Arima enkoniatuak», 2006 - 160. orr.

Ertz guztiak ezagutzen ez nizkion antolamendu bateko partaide sentitzen nintzen.  Anjel Lertxundi   «Ihes betea», 2006 - 93. orr.

Anaitasuna aldizkariko partaide eta Argia aldizkarian erredaktore lanetan aritua.  Ana Urkiza   «Zortzi unibertso, zortzi idazle», 2006 - 171. orr.

Gaztetatik sentitu dut bi mundu diferentetako partaide nintzela.  Ana Urkiza   «Zortzi unibertso, zortzi idazle», 2006 - 174. orr.

Gizonezkook, horrela, maitale ohiek osatzen duten mamuen segizio horretako partaide bihurtzen gara.  Joxean Agirre   «Romain zen bere izena», 2003 - 54. orr.

Garrantzi handiko ekitaldi bateko partaide zirela.  J. Garzia / A. Egaña / J. Sarasua   «Bat-bateko bertsolaritza», 2005 - 140. orr.

Nolanahi ere, jakin-min hutsa haien begietan; joko bateko partaide dirudite.  Anjel Lertxundi   «Zorion perfektua», 2002 - 18. orr.

Berak ezagutzen zuen inor ez zen hil edo konprometitu edo ezkondu, ez eta jendarteko ospakizunen bateko partaide izan ere.  Mirentxu Larrañaga   «Hona hemen gu biok» - Dorothy Parker, 2006 - 136. orr.

4 (-en atzikiaren eskuinean)

Iparraldean berrosatu berria zen egitura militarraren partaide ginen biok.  Rafa Egiguren   «Mentxakaren aitorpena» - Jose Ramon Goikoetxea, 2006 - 195. orr.

Ez zen elkartearen partaide, baina, menturaz, orain ukanen zuen kide izateko aukera.  Elena Touyarou   «Hautsi da katea» - Toti Mtz. de Lecea, 2004 - 46. orr.

Gauzen ordenaren aurka doa, halaber, herriaren partaide izan arren familia kide ez diren horiei oinordetza eskubidea zabaltzea.  Andres Urrutia   «Frantziako kode zibilaren lehen proiektua» - Jean di Portalis, 2000 - 96. orr.

Hitz oro giza esperientziaren emaitza da, eta esperientzia horren partaide egiten gaitu.  Anjel Lertxundi   «Mentura dugun artean», 2001 - 48. orr.

Urrundik ikustea hura dena, ni barruan ez baina kanpoan banengo bezala, ez asmo kolektiboaren partaide baizik eta gizaki huts, bakar eta bakartia.  Xabier Mendiguren Elizegi   «Nerabearen biluzia», 1999 - 108. orr.

Lausenga ezazu, egin zaitez haren koiten partaide, zin egiozu adoratzen duzula.  Juan Martin Elexpuru / Bego Montorio   «Filosofia apaingelan» - Sade, 2001 - 142. orr.

Osabak, aldiz, bai, aintzakotzat hartu ninduen eta bere sekeretuaren partaide egin ninduen...  Joan Mari Irigoien   «Lur bat haratago», 2000 - 88. orr.

Tragoz trago, Ximurrarenganako nire susmo txar gero eta zehatzagoen partaide egin nuen Charly.  Aingeru Epaltza   «Rock'n'roll», 2000 - 310. orr.

Hondakinak "egia" azaltzen dute: ez dira ekintza, kontakizun, edo promesa baten partaide.  Joseba Zulaika   «ETAren hautsa», 2006 - 100. orr.

Giro haren partaide izateak ezinegona sortzen zion.  Harkaitz Cano   «Pasaia blues», 1999 - 65. orr.

Emakumea sedukzio jolas baten partaide sentitzen da, baina ez dauka jolaserako gogorik, eta bestaldera begiratzen du.  Javi Cillero   «Hollywood eta biok», 1998 - 173. orr.

"Orain" esan du, "juduen patu orokorraren partaide haiz".  Urtzi Urrutikoetxea   «Zoririk ez» - Imre Kertész, 2003 - 32. orr.

Ez zitzaidan oso zail gertatu haren bihotzminaren partaide egitea.  Juan Garzia   «Ipuin hautatuak» - Jorge Luis Borges, 1998 - 165. orr.

Lapurraren partaideak bere buruari gorroto; madarikazioa bereganatzen du ez duelako salatzen.  Elizen arteko biblia   EsZ 29,24

5 (hitz elkartuetan)

Hizkuntza komunitate bateko partaide-izaera hiztun osotik hasi eta hizkuntzaren ezaguerarik ez dueneraino doan continuum bat da.  J. Garzia / A. Egaña / J. Sarasua   «Bat-bateko bertsolaritza», 2005 - 35. orr.

6 (izenondo gisa)

Ene zoritxarraren zergatia, dudarik gabe, emazte partaidean ere bilatu behar nuen.  Daniel Landart   «Anaiaren azken hitza», 1999 - 168. orr.

Talde partaideak: Areatza, Arratia, Idiazabal, [...].  Berria - Kirola   2004-06-18

 



Nodoa: liferay1.lgp.ehu.eus