Bilaketa aurreratua

Ogi apurrak

Egungo Euskararen Hiztegia (EEH)

Hasiera:

urtu, ur(tu), urtzen 1 da/du ad beroaren eraginez, gai solido bat isurkari bihurtu.

Zilarra, brontzea, burdina, beruna edo eztainua labearen erdian metatu eta dena urtzeko sua suspertzen den bezala. Elizen arteko biblia   Ez 22,20

Pentsatu zuten metal haiek, sutan urturik, gauzen edozein forma eta itxura har zezaketela. Xabier Amuriza   «Gauzen izaeraz» - Lukrezio - 377. orr.

Bi langileei fundizioan urtzen ari ziren galda gainera erori zitzaien. Berria - Ekonomia   2004-02-28

Berunginak gara nire herrian: guztiek dakite beruna urtzen eta lantzen. Juan Garzia   «Sistema periodikoa» - Primo Levi - 114. orr.

Urtu urrezko lau eraztun eta ezarri kutxaren lau oinetan, bi eraztun albo batean eta bi bestean. Elizen arteko biblia   Ir 25,12

Erreaktorearen nukleoaren zati bat urtu egin zen, diseinu akats batek eraginda. Berria - Harian   2006-04-26

Urdaiazpikoak atontzen zituen eta txerri gantza urtzen. Karlos Zabala   «Parisen sabela» - Emile Zola - 127. orr.

Argizari koskoa su biziaren gainean likidotzen eta urtzen den bezala. Xabier Amuriza   «Gauzen izaeraz» - Lukrezio - 423. orr.

Eguzkitik hurbilegi hegan egiteagatik hegalak urtu, eta harria bezala erorita hil zen. Xabier Olarra   «Antropologo bat Marten» - Oliver Sacks - 253. orr.

Plastikoa urtu eta, lurrun eta hidrokarburozko gas ase bihurtzen da. Berria - Gaiak   2004-08-14

Pentsatu zuen hodiak sorrarazten zituen mikrouhinek urtu zutela txokolate zati hura. Pello Salaburu   «XX. mendearen argi-itzalak» - 75. orr.

Patagoniako glaziarrak urtzen ari dira, klima aldaketa dela eta. Berria - Gaiak   2004-02-12

Artikoko izotz plaka %8 urtu da azken 30 urteotan. Berria - Gaiak   2004-11-11

Izotz geruza urtuta, eguzkiak itsasoko ura berotu egingo du. Berria - Gaiak   2004-12-16

Urtu dira elurrak eta asfaltoa lehorra dago. Harkaitz Cano   «Piano gainean gosaltzen» - 100. orr.

Elurra urtzen ari zitzaion zapatetan. Koro Navarro   «Artistakume baten erretratua» - Dylan Thomas - 68. orr.

Lurra izoztu egin zen, eta elurra ez zen urtu. Koro Navarro   «Zertaz ari garen maitasunaz ari garenean» - Raymond Carver - 112. orr.

Putzu nazkagarriak, elur erdi urtua lurreko zikinkeriarekin nahastean sortutakoak. Jon Arretxe   «Ekialdeko mamuak» - 122. orr.

Corneton, zenbait gizon deboto fraideen bizilekuan lanera bildua zen kanpai bat urtzeko. Askoren artean   «Asisko Frantzizko, Asisko Klara» - 851. orr.

Horra nun den ezkilak urtzen diren burdin ola. Herria   2005-06-30

2 gai solido bat uretan edo beste isurkari batean desegin.

Eskonfa zuri harroa urtu egiten zen pixkanaka, eta ura gozatzen. Txillardegi   «Putzu» - 44. orr.

Patrikan zeraman zorro batetik pastilla txiki bat atera zuen, uretan urtu eta edan zuen. Xabier Olarra   «Iruzurgilea» - James Cain - 9. orr.

Azido sulfurikoa eta sosa urturik eltze esmaltatu batean, bisulfatoa lortzen genuen. Juan Garzia   «Sistema periodikoa» - Primo Levi - 226. orr.

Ohitura zen zapatak oliotan urtutako kedarrez lustratzea. Patxi Ezkiaga   «On Kixote Mantxako» - Miguel de Cervantes - 107. orr.

Goxokiak ahoan urtuz gozatzen baitzituen langintzak sortzen zizkion tentsioak. J.M. Olaizola "Txiliku"   «Bizitza eredugarriak» - 160. orr.

Arto egosia uretan nahiz esnetan urtuz egindako edari bat. Juan Garzia   «Pedro Páramo» - Juan Rulfo - 118. orr.

Emakume haren gorputz lurrez egina, lur zoldaz bildua, lokatz putzu batean urtzen ari balitz bezala parrastatzen zen. Juan Garzia   «Pedro Páramo» - Juan Rulfo - 84. orr.

3 irud/hed

Nire oinetan, nire itzala ilunpean urtzen ikustean ur izoztuan murgiltzen ari naizen sentsazioa dut. Monika Etxebarria   «Goragalea» - Jean Paul Sartre - 61. orr.

Haren oinazpian mendiak urtzen dira, argizaria suarekin bezala. Elizen arteko biblia   Mi 1,4

Soa zela medio, samurtasunez eta urriki latzez urtu nintzen. Itxaro Borda   «%100 basque» - 124. orr.

Sehia negarrez urtzen zen melodiak entzutean. Itxaro Borda   «Zeruetako erresuma» - 93. orr.

Gizona urtu egingo zen, desagertu egingo zen, arrastorik utzi gabe. Juan Kruz Igerabide   «Txoria» - Oh Jung-hi - 68. orr.

Ahalgez urtu aitzin, hemen uzten dut egungoa. Piarres Aintziart   «Santiago oinez» - 90. orr.

UPN eta PSNko ordezkariek PPn eta PSOEn urtzen dira Madrilen. Berria - Euskal Herria   2004-03-05

Azal horren atzean tristuraz hiltzen edo desiraz urtzen ari zen haragizko emakume bat zegokeenik susmatu gabe. Joxean Agirre   «Romain zen bere izena» - 70. orr.

Baina hitz eskasen hutsa gainditu dudalarik, hustasunak berak absorbatu nau eta elementuetan urtu naiz. Piarres Aintziart   «Azken apeza» - 67. orr.

Gure baratzeko mingrana bat zen; ahoa urtu zitzaigun denoi. Juan Kruz Igerabide   «Nire aitaren fusila» - Hiner Saleem - 12. orr.

Urtzen ari zait bihotza, argizaria irudi.   - 0. orr.

Hau ikusiz, semeak malkotan urtu ziren. Askoren artean   «Asisko Frantzizko, Asisko Klara» - 414. orr.

Nire begiak malkotan urtuko dira. Elizen arteko biblia   Jr 13,17

Urtzen ari zaizkit begiak negarrez, gau eta egun atergabe. Elizen arteko biblia   Jr 14,17

Horregatik, begiak bekaitzez urtuko zaizkizu eta bizia ahituko. Elizen arteko biblia   1 Sm 2,33

Silueta ezaguneko emakumea jiratu, eta alboan zegoen gizonaren ezpainetan urtu zituen ezpainak. Aritz Gorrotxategi   «Egurra Pinotxori» - 67. orr.

Eguna urratzera zihoala, leher-leher eginik, garunak ia urturik, loak hartu zuen. Migel Angel Mintegi   «Denak du bere prezioa» - 258. orr.

Aurkenek oso modu naturalean eta sanoan esan zidan alua urtu egiten zaiola Xabik klitoria miazkatzen dionean. Luis Elberdin   «Sexua noiznahi» - 156. orr.

Koronelaren tabako-koloreko aurpegia irribarretan urtzen ari zen. Lopez de Arana   «Manhattan Transfer» - John Dos Passos - 62. orr.

Nahiago nuke urtu. Janbattitt Dirassar   «Bihotzeko mina» - 122. orr.

Gizona urtu egingo zen, desagertu egingo zen, arrastorik utzi gabe. Juan Kruz Igerabide   «Txoria» - Oh Jung-hi - 68. orr.

Hemen berean urtu edo munduaren beste puntarat joan. Janbattitt Dirassar   «Bihotzeko mina» - 122. orr.

4 (irud/hed gauza abstraktuak)

Begia lotan ez baldin badago, ametsak berez urtzen dira. Itxaro Borda   «%100 basque» - 133. orr.

Maiteak hitz egin zion une beretik, arima urtu zitzaion. Askoren artean   «Asisko Frantzizko, Asisko Klara» - 285. orr.

Bat-bateko hizketan, ordea, desberdintasun horiek urtu egiten dira esaldiaren doinuan. Lourdes Oñederra   «Fonetika fonologia hitzez hitz» - 45. orr.

Oroitu nuen gaztetako gorroto hura, eta gorroto hura ere besarkatu eta besoen artean urtu zitzaidan. Joan Mari Irigoien   «Lur bat haratago» - 99. orr.

Etsaia barreiatua baitzen, landa eremuaren zabaltasunean urturik bezala. Josu Zabaleta   «Gerrako pilotu» - Antoine Saint-Exupéry - 126. orr.

Garai bateko ezker fama ere urtzen joan omen zaio hiriari. Anjel Lertxundi   «Italia, bizitza hizpide» - 38. orr.

Denbora guziak urtzen dira hemen, inolako sostengurik gabeko "lehen harritze" honetan: denbora poetikoan. Patziku Perurena   «Harrizko pareta erdiurratuak» - 189. orr.

Jole guztien jardunak emari bakarrean urtzeko. Xabier Mendiguren Elizegi   «Errautsen distira» - 127. orr.

Esperientziak erakusten du nazionalitate bat urtzen ahal dela beste baten baitan eta honek hura irents dezakeela. Piarres Xarriton   «De re publica edo politikaz» - 70. orr.

Erabat barrukoa den pietate honek, behin dastatu eta gero, gizakiari eragiten dio ur dadin bere txikitasunean eta ezerezean. Joan Mari Lekuona   «Mistika liburuak» - Eckhart-Tauler - 93. orr.

5 (era burutua izenondo gisa)

Nik, berriz, erakutsi diot nola, beira-xafla oraindik beroaren gainean berun urtua itsats daitekeen. Juan Garzia   «Sistema periodikoa» - Primo Levi - 126. orr.

Galoi bat berun urtu irentsi izan banu bezala. Oskar Arana   «Brooklyngo erokeriak» - Paul Auster - 345. orr.

Harri horrek abantaila handiak ematen ditu brontze urtuarekin erabiltzeko. Santiago Iruretagoiena   «Arkitekturaz hamar liburuak» - Vitruvio - 1130. orr.

Bere eskuak eta gorputza argizari urtuan ipini balitu bezalaxe. Askoren artean   «Asisko Frantzizko, Asisko Klara» - 1084. orr.

Ez egin metal urtuzko idolorik.   - 0. orr.

Opilen, garizumaren, elur urtuaren eta zaldien simaurraren usaina zegoen. Jose Morales   «Zazpi urkatuak» - Leonid Nikolaievitx Andreiev - 192. orr.

Hurbil bezain soraio zihoan bere bidean, lei-horma urtuzko bere altzoan urrea garraiatuz. Juan Garzia   «Sistema periodikoa» - Primo Levi - 185. orr.

Morfina, kokaina, kloroformo urtua, alkohola eta aromatizantea, dena nahastu eta ondo eragina. Joseba Sarrionandia   «Lagun izoztua» - 178. orr.

Oinazearen zeremonia publikoan urtu zen oinaze partikularra. Patziku Perurena   «Trapuan pupua» - 237. orr.

 



Nodoa: liferay1.lgp.ehu.eus