Egungo Euskararen Hiztegia (EEH)

Gainetik teilatu zehargi edo transparentea ezarririk, argi naturala sar erazten diote erakustokiari erdi erditik.  Herria   2001-06-21

Ezker pareta berrantolatua izan da, pareta zehargiak ezarri dizkiote eskuin eta gibeleko partetan, pilota federakuntzak trinketentzat ezarri neurriak zorrozki errespetatuz.  Herria   2002-08-01

Errioxako ardo zehargiz arradaz bete godaleta.  Itxaro Borda   «Zeruetako erresuma», 2005 - 263. orr.

Hedoi zehargien artetik antzinako jendakien siluetak jardunean itxuratzen zituen eta ukitua zen.  Itxaro Borda   «Zeruetako erresuma», 2005 - 222. orr.

Arratoiekin eta kutxa zehargietan gatibatu suge zitaldun txistukariekin aurkitu nintzen ondikotz.  Itxaro Borda   «Entre les loups cruels», 2001 - 180. orr.

Bele saldoak, ogi-itsasoaren horiarekilako zeruaren urdin zehargiaren mugan beraien belztasuna isurtzen zutela.  Berria - Kultura   2004-08-21

Ahoa eta sudurra kartzelatzen zion tresna uhargiak hatsaren abiadura biderkatzen zuen, irudiz erritmoan ari zen monitorearen hots labur zehargiarekin jostari.  Itxaro Borda   «Zeruetako erresuma», 2005 - 338. orr.

Barra-barra ari zinen, estrategia handik, estrategia hemendik, estrategia alde guztietarik, koilaren soinu zehargiak mugatzen zigun eremu hertsian.  Itxaro Borda   «%100 basque», 2001 - 85. orr.