Bilaketa aurreratua

Ogi apurrak

Egungo Euskararen Hiztegia (EEH)

Hasiera:

igarri, igar, igartzen 1 dio ad ustearen edo intuizioaren bidez zerbait ezagutzera heldu edo zerbaitez konturatu. ik antzeman.

Nagusiak igarri dio enigma horri. Juan Garzia   «Ipuin hautatuak» - Jorge Luis Borges - 83. orr.

Ez al diezu ene begiei igarri? Patxi Zubizarreta   «Mirarien kalezuloa» - Nagib Mahfuz - 115. orr.

Uste dut nire esaldiaren sakontasunari ez ziotela igarri. Joxean Sagaztizabal   «Kutsidazu bidea Ixabel» - 38. orr.

Hark irribarrez igarri zion Fructuosoren asmoari, eta baietz. Inazio Mujika Iraola   «Gerezi Denbora» - 44. orr.

Mirari honegatik igarri zion San Joanek eta esan San Pedrori : "Jauna da". Patxi Altuna   «Gogojardunak» - Inazio Loiolakoa - 181. orr.

Zalantzarik gabe -txartela irakurri aurretik igarri nion- Derwatt bat zen hura. Iban Zaldua   «Itzalak» - 155. orr.

Iritzi honen faltsutasunari berehala igarriko dio gizonen arteko harremanak [...] hotzean aztertzen ohituta dagoenak. Juan Martin Elexpuru   «Delituez eta zigorrez» - Cesare Beccaria - 40. orr.

-Bai, ongi igarri diozu. Txillardegi   «Putzu» - 59. orr.

Berehala igarri nion: egun hark ez zuen akabu onik izango. Harkaitz Cano   «Neguko zirkua» - 22. orr.

Aurpegian igarri nion: ohartu zen nor nintzen, konturatu zen berak bidali ninduela kartzelara. Edurne Elizondo   «Itoiz, porlanezko gezurra» - 97. orr.

Erantzun argi eta garbia eman zuen, baina, igarkizunaren barruan gorderik, beste igarkizun bat zegoen, eta Edipok ez zion igarri: "Ahots bakarreko izakia". Juan Kruz Igerabide   «Hauts bihurtu zineten» - 36. orr.

-Ez dauka ahuldadearekin zerikusirik -esan zion Lupin maisuak zorrotz, Harryren buruan zegoenari igarri balio bezala-. Iñaki Mendiguren   «Harry Potter eta sorgin harria» - J.K. Rowling - 154. orr.

Zu euskalduna zara, igarri zion bizardunak. Xabier Montoia   «Baina bihotzak dio» - 122. orr.

Igarri nionez, traktorea neuk gidatzea nahi zuen. Joxean Sagaztizabal   «Kutsidazu bidea Ixabel» - 82. orr.

Begitan hartu hau, Tommo, igarri zioat. Mirentxu Larrañaga   «Peaceful soldadua» - Michael Morpurgo - 117. orr.

Etxe barnean ere igarri nion, ez dakit nola; gaixotasunak ahalmen misteriotsuak ematen dizkigulako? Xabier Mendiguren Elizegi   «Arima enkoniatuak» - 196. orr.

Ez dut uste ezer igarri zidanik. Joxe Austin Arrieta   «Homo Faber» - Max Frisch - 39. orr.

Bokalean sartzen ikusi nuenerako nion igarria, Lafayette-ko Markesa zen, gure portuan babestua Frantziako agente ingelesengandik ihesi. Koldo Izagirre   «Sua nahi, Mr. Churchil?» - 13. orr.

Eta Nemesio Arozena, igarriko zenion honezkero, gorrietan egina zen gerra. Koldo Izagirre   «Sua nahi, Mr. Churchil?» - 278. orr.

-Igarriko diozue, gazte zitalok! -esan zuen orroka-. Mirentxu Larrañaga   «Peaceful soldadua» - Michael Morpurgo - 22. orr.

Baina aittitteren aurpegiak inoiz igarri ez nion bezalako gogortasuna hartu zuen. Koldo Izagirre   «Agirre zaharraren kartzelaldi berriak» - 254. orr.

Asmazioetan hasita, igarri egiten diot. Iñaki Iñurrieta   «Kuskue tanden» - 29. orr.

Lehenengoetan ez nion igarri zeren gainean zioen zioena. Edorta Jimenez   «Sukar ustelaren urtea» - 39. orr.

Évarengana hurbildu eta nora ari zen begira igarri nahi izan nion. Ander Irizar   «Eszterren ondarea» - Sandor Marai - 82. orr.

· Igarri egiten zait, ezta? Juan Luis Zabala   «Agur, Euzkadi» - 126. orr.

Igarri egiten zitzaien, ezin zuten ezkutatu. Harkaitz Cano   «Pasaia blues» - 153. orr.

2 (mendeko esaldiekin)

Seinale horretatik batik bat igarri zioten hiltzera zihoala. Patxi Ezkiaga   «On Kixote Mantxako» - Miguel de Cervantes - 202. orr.

Gezurretan ari zitzaizkiola igarri zien arren, bere herritarrak kontra jar ez zekizkion, dirua eta haurrak ekartzeko agindu zuen Simonek. Elizen arteko biblia   1 M 13,17

Gaixorik zebilenik ere ez zion inork igarriko, hain zegoen indartsu eta itxura oneko. Patxi Iturritegi   «Behi eroak» - 125. orr.

Gezurra esaten ari ote nintzaion jakin guran begiratu ninduela igarri nion. Edorta Jimenez   «Sukar ustelaren urtea» - 300. orr.

Besteak, berriz, apaiza zela igarri nionak, isilpean etorria zela-ta, bere zertzeladak ez zizkidan eman nahi izan. Txillardegi   «Putzu» - 372. orr.

Amak, nonbait, berehala igarri zion nor zen. Mirentxu Larrañaga   «Peaceful soldadua» - Michael Morpurgo - 28. orr.

Igarriko diozue, bai, nor naizen. Matías Múgica   «Hiltzaile baten aitormena» - Joseph Roth - 50. orr.

Igarriko diozu zer-nolako biharamuna izango duzun. Mirentxu Larrañaga   «Hona hemen gu biok» - Dorothy Parker - 154. orr.

Hi hilda egona haiz eta nik baino hobeto igarri beharko hioke hilda dagoen edo ez. Juan Luis Zabala   «Agur, Euzkadi» - 98. orr.

Ez nion igarri irriaren maltzurtasuna zergatik ote zen. Edorta Jimenez   «Sukar ustelaren urtea» - 19. orr.

Zer irakurtzen ari zen igarri nion. Edorta Jimenez   «Kilkerren hotsak» - 208. orr.

· Ezin zitzaion igarri nor zen, begiak zapi batez estaliak baitzituen. Elizen arteko biblia   1 Erg 20,38

Kontu ilunetan, mafia giroan sartuta zeudela igartzen zitzaien. Sonia Gonzalez   «Ugerra eta kedarra» - 214. orr.

· 3 du (zerbait norbaiti)

Inork ezin dio gaixotasuna igarri. Patxi Zubizarreta   «Mila gau eta bat gehiago» - Anonimoa - 102. orr.

Ezjakintasun-keinua igarriko zidan aurpegian. Xabier Mendiguren Elizegi   «Errautsen distira» - 53. orr.

Urteak dira, oraindik Berlinen ginela, sendagileek heriotza igarri ziotela. Koro Navarro   «Zortzi kontakizun» - Isaac B. Singer - 58. orr.

Nadiak, ordea, pentsamendua igarri zion, nahiz ez ulertu zergatik bere lagunak presa zuen Irkutskera iristeko. Karlos Zabala   «Mikel Strogoff» - Jules Verne - 343. orr.

Irri-aire bat igarri nion ahotsean Martini. Edorta Jimenez   «Sukar ustelaren urtea» - 85. orr.

Léak haserrea igarri zion aurpegian. Jon Muñoz   «Loroaren teorema» - Denis Guedj - 29. orr.

Léak haserrea igarri zion aurpegian. Jon Muñoz   «Loroaren teorema» - Denis Guedj - 29. orr.

Kargu hartze tonua igarri zion Antoniari. Josu Landa   «Odolbildua» - 19. orr.

Agentziara etorri aitzin igarri nion gogo eza. Aingeru Epaltza   «Rock'n'roll» - 97. orr.

· Pixka bat gizendu zinela igarri nizun, baina betiko usain bera izaten jarraitzen zenuela, herdoil eta limoi usaina. Eider Rodriguez   «Eta handik gutxira gaur» - 129. orr.

· Baina batez ere, tristura puntu bat igartzen zaie solidarioei. Edurne Elizondo   «Itoiz, porlanezko gezurra» - 75. orr.

Hala ere gaiztakeria igarri zitzaion begietan. Koro Navarro   «Zortzi kontakizun» - Isaac B. Singer - 41. orr.

Atsoa aztertu zuen begi artegaz, asmoak igartzen zizkiolakoan. Karlos Zabala   «Parisen sabela» - Emile Zola - 365. orr.

4 (zerbait)

Ezin duzu igarri, laztana, amodioaren oinazea. Patxi Zubizarreta   «Mirarien kalezuloa» - Nagib Mahfuz - 263. orr.

Hutsaren sentsazioa daukazu buruan, eta eromena igarri dezakezu ate joka. Rafa Egiguren   «Mentxakaren aitorpena» - Jose Ramon Goikoetxea - 255. orr.

Amak berehala igarri zuen ezin zela Molly izan. Halako baten biharamunean izango zela igarri nuen, izuz eta pozez. Mirentxu Larrañaga   «Peaceful soldadua» - Michael Morpurgo - 62. orr.

Bisitaria jakingurak erreta zegoela igarri nuen. Edorta Jimenez   «Kilkerren hotsak» - 24. orr.

Honetan igarriko duzue Jaunak hitz egin duela: zartatu egingo da aldarea eta lurrera isuriko gainean duen errautsa. Elizen arteko biblia   1 Erg 13,3

Kristalaren bestaldean bere laguntzaileek irribarre txikiak egiten zituztela igarri zuen, "maritxu honek nola izango ditik bada, seme-alabak, nahiko lan bere burua gobernatzen!". Harkaitz Cano   «Neguko zirkua» - 66. orr.

Hasieran ez zuen igartzen zer zen. Anton Garikano   «Farorantz» - Virginia Woolf - 64. orr.

Hain azkarra izan, eta ez duk igarri Palas Atenea duala heure aurrean, hi babesten ibili den jainkosa! Juan Kruz Igerabide   «Ulises» - Homero - 95. orr.

Lehenago igarri behar nuen: horrelako neska bat ez zitzaidan zorrik gabe eskuetara iritsiko. Oskar Arana   «Lotsaizuna» - John Maxwell Coetzee - 42. orr.

Hastera noa, eta igarriko zenutenez, berriz ere madameren ipurdiak jasoko du nire omenaldia. Juan Martin Elexpuru / Bego Montorio   «Filosofia apaingelan» - Sade - 296. orr.

Neke lozorro bitxi hartan ezin nuen igarri. Txillardegi   «Putzu» - 251. orr.

Baina zertarako hau guztia kontatu, ume zapuztu baten bere kontrako amorru itsua, [...] zertarako kontatu behin ere igarri, behin ere horren berri izan ez duenari? Eduardo Matauko   «Emakume ezezagun baten gutuna» - Stefan Zweig - 27. orr.

Eta hori guretzat igarriko duen profetarik ez dago. Joxe Azurmendi   «Euskal Herria krisian» - 188. orr.

· Iraila hasi da eta hori igarri egiten da kaleetan. Sonia Gonzalez   «Ugerra eta kedarra» - 20. orr.

· Min eman nahi izan nion, eta igarria zen. Koldo Izagirre   «Sua nahi, Mr. Churchil?» - 218. orr.

Igarria da ez diodala bidea erraztu, deserosoa zaiola nik erabakia bere esku utzi izana. Anjel Lertxundi   «Zorion perfektua» - 92. orr.

5 (aditz laguntzailea ezabaturik)

-Rosa ez -azaldu zion nebak, Mariaren usteari igarriz-; beste Rosa bat, neska gazte bat. Unai Elorriaga   «SPrako tranbia» - 18. orr.

Tomek eta biok haren galtza-mantalen zergatiari igarri nahiz ari ginela, eskolako autobusa geratu zen etxearen aurrean. Oskar Arana   «Brooklyngo erokeriak» - Paul Auster - 100. orr.

-Lo eta nork iratzarriko? -harritu zitzaion mezulari gaztea, alkatearen trikimailu berriari igarri ezinda. Felipe Juaristi   «Itzarri nahi ez zuen printzesa» - 186. orr.

Santuak, heretikoaren maltzurkeria igarriz, honela esan zien: [...]. Askoren artean   «Asisko Frantzizko, Asisko Klara» - 1159. orr.

Nahiago zuen, kanpoko hotza igartzean, aldi baterako ohean geratu. Joseba Sarrionandia   «Lagun izoztua» - 237. orr.

Patuak niretzat gorderik zer ote zuen igarri gura izan nuen. Edorta Jimenez   «Sukar ustelaren urtea» - 11. orr.

Marta benetan ari ote zen ala ez igarri ezinik. Harkaitz Cano   «Pasaia blues» - 143. orr.

Bezeroak bueltan zekarren aulkiak zer matxura edo zer tatxa izango ote zuen igarri ezinik. Harkaitz Cano   «Neguko zirkua» - 102. orr.

Ezetz igarri zer erantzun didan; galde egiozue berari, asmatu egin dudala pentsatuko zenukete eta. Itziar Otegi   «Axenario» - Jules Renard - 157. orr.

6 ik asmatu.

Zuk ba omen dakizu honelako asmakizunak igartzen eta gauza korapilatsuak erabakitzen. Elizen arteko biblia   Dn 5,16

Geroa igartzeko ahalmena ematen zion espiritu batek hartua zen. Elizen arteko biblia   Eg 16,16

Grekoen artean, ordea, igartzeko gaitasuna ez zegoen hilkor arrunten esku, jainkoei baitzegokien. Juan Garzia   «Sagua, eulia, eta gizakia» - François Jacob - 17. orr.

Maribel, zutik, mahai gainean lagatako Ander's aldizkariari so geratzen da, begirada lausotzen zaio, eta asmatu ahalak igartzeari ekiten dio. Xabier Mendiguren Elizegi   «16 ipuin amodiozko» - 169. orr.

Hegoaren eta Iparraren biharko harremanak asmatzeko, belaunaldien arteko loturak ala urradurak igartzeko. Piarres Aintziart   «Santiago oinez» - 9. orr.

Baldin eta asmakizun baten erantzunari igartzen bazion. Pako Aristi   «Urregilearen orduak» - 111. orr.

Maribel, zutik, mahai gainean lagatako Ander's aldizkariari so geratzen da, begirada lausotzen zaio, eta asmatu ahalak igartzeari ekiten dio. Xabier Mendiguren Elizegi   «16 ipuin amodiozko» - 169. orr.

Etorkizuna igartzen zuen atsoaren alaba izan behar zuen hark, inondik ere. Harkaitz Cano   «Pasaia blues» - 19. orr.

Etorkizuna igartzea zaila izanik, ez da errazago gertatzen, batzuetan, iragana berrosatzea. Juan Garzia   «Sagua, eulia, eta gizakia» - François Jacob - 31. orr.

Jainkoak daki, ez dago igartzerik. Jose Morales   «Arima hilak» - Nikolai Gogol - 313. orr.

Jakin berri dudanarekin aski dut nora joango den igartzeko... Karlos Zabala   «Parisen sabela» - Emile Zola - 268. orr.

Eguraldia igartzen duenaren jakituria ezkutua. Pello Zabala   «Zeruan zer berri» - 75. orr.

· Denborai igartzeko / zenbait aparatu / ongiegille on batek / zizkan preparatu. Pello Zabala   «Zeruan zer berri» - 36. orr.

7 ezin igarrizko izlag

Besoa behera joan zen berriz, eta gero ostera atera zen, ezin igarrizko gauza batekin batera. Koro Navarro   «Zertaz ari garen maitasunaz ari garenean» - Raymond Carver - 115. orr.

Usain izugarria zegoen, ikatz, petrolio eta beste erregai ezin igarrizko batena. Koro Navarro   «Zortzi kontakizun» - Isaac B. Singer - 156. orr.

Behealdean, kopetako ileorde ezin igarrizkoak, ile kiribil guztiz kizkurtuak. Karlos Zabala   «Parisen sabela» - Emile Zola - 261. orr.

Porrot egiteko, gauza gehiegi zituen bere alde, nortasun sendoegia zuen nahigabearen edo zorigaiztoaren haize ezin igarrizkoek beraren bidea galarazteko. Oskar Arana   «Brooklyngo erokeriak» - Paul Auster - 26. orr.

Nolatan balioetsi, aldian-aldian, guztiz ezin igarrizkoa den bilakaera baten urratsak? Juan Garzia   «Sagua, eulia, eta gizakia» - François Jacob - 26. orr.

· Ezin igarrizkotik eta kezkagarritik daukan partea ere onartu beharra dago gainerakoarekin. Juan Garzia   «Sagua, eulia, eta gizakia» - François Jacob - 24. orr.

8 igarri-igarrian

Eguzki sartzea igarri-igarrian zegoen eta Midak kalezuloa itzalek lausotua ageri zen. Patxi Zubizarreta   «Mirarien kalezuloa» - Nagib Mahfuz - 17. orr.

Hala ere, igarri-igarrian dago Rakelek gogoa beste nonbait duela. Patxi Zubizarreta   «Jeans-ak hozkailuan» - 68. orr.

Igarri-igarrian geratu zela Rakel eta Rubenen arteko zera. Patxi Zubizarreta   «Jeans-ak hozkailuan» - 233. orr.

 



Nodoa: liferay1.lgp.ehu.eus