Bilaketa aurreratua

Ogi apurrak

Egungo Euskararen Hiztegia (EEH)

Hasiera:

damutu (Egungo testuen corpusean 6.414 agerraldi), damu(tu), damutzen 1 da ad damu izan.

Damu zaitez eta itzuli Jainkoarengana: dena barkatzen du, gupidatsua da. Patxi Zubizarreta   «Mirarien kalezuloa» - Nagib Mahfuz - 131. orr.

Esana gutxiesten duena damutu egingo da, agindua errespetatzen duena saritua izango. Elizen arteko biblia   EsZ 13,13

Esan orduko damutu da. Harkaitz Cano   «Neguko zirkua» - 173. orr.

Infernuaren ateetan ere ez gara damutzen. Koro Navarro   «Zortzi kontakizun» - Isaac B. Singer - 66. orr.

Irten orduko damutu, eta etxean berriro sartu ez sartu egon nintzen. Joan Mari Irigoien   «Ipuin batean bezala» - 197. orr.

Ez dut Enrieta besarkatzen ahalko, eta ez diot erraten ahalko zenbat damutzen naizen. Elena Touyarou   «Hautsi da katea» - Toti Mtz. de Lecea - 248. orr.

Bere buztanari ausiki egiteko unean damutu den sugea ekartzen dit gogora. Jon Alonso   «Lisboako Setioaren Historia» - José Saramago - 21. orr.

Berehala damutu nintzen, ustez eta liskarren bat piztuko zela atsoarekin. Aingeru Epaltza   «Rock'n'roll» - 303. orr.

Eta orduan lehen aldikotz apez eginik damutu nintzen. Piarres Aintziart   «Azken apeza» - 107. orr.

Damutzen da euskal hizkuntzan Aita Saindua izendatzeko, bi hitz horiek baizik ez ukaiteaz: "Aita" eta "Saindua". Herria   2005-04-07

Kontseilua eta Euskal Konfederazioa aldiz damutzen dira Lege Nagusiak ez diolakotz euskarari onarpen ofizialik aitortzen. Herria   2005-05-26

· Gogoz kontra burua jaso nuen, eta damutu ere bai berehala. Matías Múgica   «Hiltzaile baten aitormena» - Joseph Roth - 70. orr.

Damutu baino lehen. Felipe Juaristi   «Itzarri nahi ez zuen printzesa» - 156. orr.

Aski damutua nago aukera bat baino gehiago alferrik galdu baitut behar adina ez saiatzeagatik. Karlos Zabala   «Buda zoriontsuen etxea» - João Ubaldo Ribeiro - 151. orr.

Aspalditik zegoen etsia, berak sortutako gizakiarekin damutua, kreazio osoaren inperfekzioaz jakitun. Aritz Gorrotxategi   «Egurra Pinotxori» - 14. orr.

2 zaio ad

Anai Eliasek, ordea, ez dio nik egindako galderari erantzun nahi izan, eta gero damutu egin zaio. Askoren artean   «Asisko Frantzizko, Asisko Klara» - 950. orr.

Ukitu eta damutu egingo zaik, eta hire gurasoei ere bai. Paddy Rekalde   «Ragga-ragga dator gaua» - 30. orr.

Hormetan idatzi zuten norbaitek mezatara joateko ausardia baldin bazuen, damutu egingo zitzaiola. Koldo Biguri   «On Camillo» - Giovanni Guareschi - 261. orr.

Ez ezazu esan gero damutu egingo zaizun ezer. Anjel Lertxundi   «Ihes betea» - 15. orr.

Behin ere ez zait damutu hura etxean hartzea. Oskar Arana   «Brooklyngo erokeriak» - Paul Auster - 268. orr.

Martini damutu egin zitzaion godoen taktika zuhur horri ez jarraitzea. Koro Navarro   «Zalakain abenturazalea» - Pio Baroja - 199. orr.

Nik behin galdu nitian nerbioak, eta berehala damutu zitzaidaan. Josu Landa   «Odolbildua» - 63. orr.

Izan ere, anai Pedrok halako benerazio eta begirunea zion santuari, non hari kontra egitera ez baitzen ausartzen, nahiz eta gero sarritan damutzen zitzaion. Askoren artean   «Asisko Frantzizko, Asisko Klara» - 675. orr.

Damutu zitzaidan kuriosegia agerturik. Daniel Landart   «Anaiaren azken hitza» - 130. orr.

Besteen zoritxarrak eta malkoek hunkitzen dutenak maiz egiten duela gero damutzen zaion zerbait. Piarres Xarriton   «Etika» - Spinoza - 471. orr.

3 (objektua -z atzizkiaz) da ad

Damutu nintzen nire xalotasunaz. Koldo Izagirre   «Nik ere Germinal! egin gura nuen aldarri» - 181. orr.

Damutu al zara inoiz hartutako bideaz? Xabier Mendiguren Elizegi   «Arima enkoniatuak» - 49. orr.

Berehala damutu nintzen esandakoaz. Juan Kruz Igerabide   «Hauts bihurtu zineten» - 126. orr.

Gertatutakoa ikusita, elurra kentzen lehenago ez hasteaz damutua dela dirudi. Berria - Kirola   2004-03-04

Donostiakoak apurtu zuen, agian egin berri zion galderaz damuturik. Joxemari Iturralde   «Euliak ez dira argazkietan azaltzen» - 187. orr.

Ez naiz damutzen ama izateaz. Arantxa Iturbe   «Ai, ama» - 92. orr.

Gero, nire erreakzioaz damutua (orduan ere damua nork eta nik sentitu behar), kalera nindoala esan nion. Patxi Zubizarreta   «Jeans-ak hozkailuan» - 37. orr.

Hain gelditu zela erasotzailea egindako gaiztakeriaz damutua eta atsekabetua ezen berehala labanaren bila joan eta oin gaiztoa bertan ebaki baitzuen. Jon Alonso   «Lisboako Setioaren Historia» - José Saramago - 393. orr.

Damu hadi, bada, heure gaiztakeriaz, eta otoitz egiok Jaunari ea burutapen hori barkatzen dian. Elizen arteko biblia   Eg 8,22

Bere mehatxuez damutzen dena.   - 0. orr.

Egin ez nuenaz baizik ez naiz damutzen. Karlos Zabala   «Buda zoriontsuen etxea» - João Ubaldo Ribeiro - 144. orr.

Damutu zen andrea egin zuenaz. Askoren artean   «Asisko Frantzizko, Asisko Klara» - 447. orr.

Baina Frantzisko berehala damutu zen esandakoaz. Askoren artean   «Asisko Frantzizko, Asisko Klara» - 572. orr.

Orduantxe damutu zen Raimundo Silva hartutako erabakiaz. Jon Alonso   «Lisboako Setioaren Historia» - José Saramago - 250. orr.

Uste diat ederki damutu behar duala erabaki horretaz. Juan Kruz Igerabide   «Artur erregearen heriotza» - 82. orr.

· zaio ad Ezertan gaitzik ez dela sinesten duzun momentutik aurrera, zein gaitzez damu zaitezke? Juan Martin Elexpuru / Bego Montorio   «Filosofia apaingelan» - Sade - 271. orr.

· Aitortu eta bihotzez (edo beldurrez) damutu ezkero, huts horiek berdinduak gelditzen ziren. Iñaki Segurola   «Gaur ere ez du hiltzeko eguraldirik egingo» - 181. orr.

Job esandakoaz damutu. Elizen arteko biblia   Jb 42,2 tit

Ez nukeen errepidea utzi behar, baina orain berandu zen hartaz damutzeko. Aitor Arana   «Onan» - 97. orr.

4 (objektua aditz bat era burutuan -a artikuluaz) da ad

-Ederki damutu nauk, Gwain, baiezkoa emana; ez nian asko uste zer eskatzen ari hintzaidan. Juan Kruz Igerabide   «Artur erregearen heriotza» - 101. orr.

Soil-soilik, damutu samar nago lehenago ez konturatua, hori baino ez. Mirentxu Larrañaga   «Hona hemen gu biok» - Dorothy Parker - 32. orr.

· zaio ad Damutu zait Saul errege egina. Elizen arteko biblia   1 Sm 15,11

5 (objektua aditz bat era burutuan + izana) da ad

Damutu nintzen mesederik eskatu izana. Koldo Izagirre   «Nik ere Germinal! egin gura nuen aldarri» - 183. orr.

· zaio ad Behin ere ez zaidak damutu Lubisen hilketari erantzuna eman izana. Bernardo Atxaga   «Soinujolearen semea» - 380. orr.

Erran orduko, Joanttori damutu zitzaion mintzatu izana. Elena Touyarou   «Hautsi da katea» - Toti Mtz. de Lecea - 64. orr.

-Baten bati damutu behar zaio ni hemen sartu izana. Fernando Morillo   «Gloria Mundi» - 157. orr.

Ez esan izana ongi damutu zitzaidan handik irten nintzen orduko.   - 19. orr.

Sams Al-Din merkatariari damutu egin zitzaion emaztea hain zakar hartu izana. Patxi Zubizarreta   «Mila gau eta bat gehiago» - Anonimoa - 170. orr.

Ez al zaik oraindik damutu Rocandioneko tailer malapartatu horretan enplegatu izana. Pedro Alberdi   «Kafka Bilbon» - 99. orr.

Purua piztu ez izana damutu zitzaion. Joxemari Urteaga   «Ordaina zor nizun» - 68. orr.

Ohe ertzean eseri zenean, damutu egin zitzaion muinoia bendatu izana. Ramon Saizarbitoria   «Gorde nazazu lurpean» - 23. orr.

Bihar, beharbada, damutu egingo zaigu denbora galdu izana. Luis Elberdin   «Sexua noiznahi» - 168. orr.

6 (objektua aditz bat era burutuan + izanaz) da ad

Berehala damutu zen horrela mintzatu izanaz. Xabier Aranburu   «Alkimista» - Paulo Coelho - 78. orr.

Agian damutu egingo zen hura esan izanaz. Harkaitz Cano   «Pasaia blues» - 83. orr.

Aurretik ez begiratu izanaz damutu zen. Damutu nintzen hainbeste hitz alferrikakorekin duintasuna galdu izanaz. Joxemari Urteaga   «Ordaina zor nizun» - 52. orr.

Damutu zen Jauna gizakia egin izanaz. Elizen arteko biblia   Has 6,6

Damutu egin nintzen xehetasun gehiago ez eskatu izanaz. Koro Navarro   «Zortzi kontakizun» - Isaac B. Singer - 90. orr.

Hura akatu izanaz damutu? Koldo Biguri   «On Camillo» - Giovanni Guareschi - 168. orr.

Eta gero hainbeste esan izanaz damutu naiz. Monika Etxebarria   «Goragalea» - Jean Paul Sartre - 188. orr.

Galdera egin orduko damutu nintzen Danelen eta Adaren arteko iragana gogora ekarri izanaz. Anjel Lertxundi   «Argizariaren egunak» - 78. orr.

Ez naiz inoiz kasu egin izanaz damutu! Aitor Arana   «Onan» - 114. orr.

Damutzen hasi zen Bechev utzi izanaz. Koro Navarro   «Zortzi kontakizun» - Isaac B. Singer - 156. orr.

Damuturik egongo da hitz egin izanaz? Josu Zabaleta   «Anne Franken egunkaria» - Anne Frank - 227. orr.

Kkartazal erdi ireki bat utzi zuen idazmahaiaren gainean, askoz ere lehenago egin ez izanaz damututa. Josu Landa   «Odolbildua» - 127. orr.

Eskua ipintzea bularrean, damutuz erori izanaz. Patxi Altuna   «Gogojardunak» - Inazio Loiolakoa - 49. orr.

· 7 du ad

Hainbesterainoko nekea alferrik hartu izanaren amorruak bizi du Garibai, etsipena hartzen hasita dago, handinahiegi jokatu izanak damutzen du. Anjel Lertxundi   «Konpainia noblean» - 42. orr.

Ezin bainuen gehiago eta damutuko ninduen ezer egin baino lehen, ikazkinari bizkarra eman eta ikaztegitik irten nintzen. Anjel Lertxundi   «Ihes betea» - 226. orr.

8 (era burutua izenondo gisa)

Abadeak aitortza entzun eta, penitentzia gisa, hiltzaile damutua Donejakueko bidean jarri zuen. Martin Anso   «Elezaharren bidetik» - 11. orr.

Ni ez nintzela sekula ibili, hura bezala, balore hau edo hura aldarrikatuz, urdanga damutu baten aurpegia jarrita. Karlos Zabala   «Buda zoriontsuen etxea» - João Ubaldo Ribeiro - 90. orr.

Nino Giuffre mafiakide damutuaren esanetan oinarritu da Dell'Utriren kontrako akusazioa. Berria - Mundua   2004-12-12

Bekatari damutuei merezi duten zigorra barkatzen zaienean Jaungoikoaren amaigabeko ontasunari esker da. Imanol Unzurrunzaga   «Hainbat idazlan» - San Agustin - 274. orr.

Sobera mintzatzen ari denaren keinu damutua. Aingeru Epaltza   «Rock'n'roll» - 389. orr.

Gutun damutu batekin erantzun ohi duk, hots, barkatzeko oharkabeko eta abar. Juan Garzia   «Sistema periodikoa» - Primo Levi - 272. orr.

9 (era burutua izen gisa)

Miserable eta koldar hil zintezela behar zuten denek, damutu bat behar dute kondenatu zintuztenek, urkamen publikoak bere funtzio guztiak bete ditzan. Koldo Izagirre   «Nik ere Germinal! egin gura nuen aldarri» - 169. orr.

Damutuarengan ez zagok damurik, pertsonalitate berri baten eraketa baizik; izaera erretroaktiboa duen eraketa, gainera. Jon Alonso   «Erretzaileen eremua» - 38. orr.

Damutu gisa atera naute psikologoak eta zuzendariak poza ezin eskuraturik. Koldo Izagirre   «Agirre zaharraren kartzelaldi berriak» - 54. orr.

Damutuaren irudia sortzen da eta Justiziak behar den kasuetan nortasun aldaketa bermatuko dio damutuari. Berria - Euskal Herria   2004-02-12

10 bihotz-damutu da ad

Bihotz-damutu eta aitortu berehala zeure bekatuak, aitortza on batean esan beharreko ezertxo ere barruan gorde gabe. Askoren artean   «Asisko Frantzizko, Asisko Klara» - 809. orr.

Eta bihotz-damuturik, bizimodua berritzera eragiten zien horrelako etsenplu apartak. Askoren artean   «Asisko Frantzizko, Asisko Klara» - 215. orr.

Bihotz-damuturik eta Espiritu Santuak ukiturik, penitentziazko bizierari ekin zion, ermitau jantzia soinean zuela. Askoren artean   «Asisko Frantzizko, Asisko Klara» - 1116. orr.







hitz multzoen maiztasunak (gutxienez 3 aldiz agertzen direnak)

berehala damutu (19); berehala damutu nintzen (5); berehala damutu zen (8); berehalaxe damutu (3); da damutu (4)

damutu baino (4); damutu baino lehen (3); damutu balitz (4); damutu balitz bezala (4); damutu behar (8); damutu beharrik (4); damutu da (10); damutu den (3); damutu egin (51); damutu egin nintzen (10); damutu egin zen (19); damutu egin ziren (3); damutu egin zitzaion (4); damutu egingo (17); damutu egiten (9); damutu egiten naiz (4); damutu ere (9); damutu ere egin (4); damutu eta (19); damutu ez (4); damutu izan (3); damutu naiz (4); damutu nintzen (21); damutu zaio (4); damutu zait (3); damutu zen (45); damutu ziren (3); damutu zitzaidan (8); damutu zitzaion (15)

ederki damutu (8); egin izanaz damutu (4); esan orduko damutu (5); eta berehala damutu (6); eta damutu (23); eta damutu egin (5); eta damutu ere (5); ez da damutu (3); ez nintzen damutu (3); ez zait damutu (4); ez zen damutu (4); ez zitzaien damutu (3); gehiago damutu (3); gero damutu (9); gero damutu egingo (3); inoiz damutu (6); izanaz damutu (16); izanaz damutu nintzen (4); izanaz damutu zen (4); laster damutu (3); nintzen damutu (3); nola damutu (3); orduan damutu (3); orduko damutu (12); orduko damutu nintzen (3); orduko damutu zen (4); zait damutu (4); zen damutu (4); zitzaien damutu (3)

da damutuko (3); damutuko bagina (3); damutuko da (5); damutuko haiz (3); damutuko zaie (3); damutuko zaik (3); damutuko zaio (3); damutuko zaizu (9); damutuko zara (12); damutuko zitzaion (4); ederki damutuko (4); ere damutuko (4); eta damutuko (10); eta damutuko bagina (3); ez da damutuko (3); ez zaizu damutuko (8); ez zara damutuko (6); zaizu damutuko (8); zara damutuko (6)

bihotz damuturik (5); damuturik eta (4); damuturik nago (3); damuturik zegoen (3); damututa zegoela (4); damututa zegoen (7); eta damututa (3); ez izanaz damuturik (3); izanaz damuturik (6); izanaz damututa (3)

da damutzen (7); damutzeko eta (4); damutzen bada (3); damutzen da (11); damutzen dira (5); damutzen eta (6); damutzen ez (3); damutzen hasi (3); damutzen hasi zen (3); damutzen hasia (5); damutzen naiz (7); damutzen naizen (3); damutzen zara (3); damutzen zen (5); dela damutzen (5); eta damutzen (4); ez da damutzen (7); ez naiz damutzen (16); ez zait damutzen (3); ez zela damutzen (3); ezertaz damutzen (8); izanaz damutzen (6); mehatxuez damutzen (3); naiz damutzen (18); naiz ezertaz damutzen (4)

 



Nodoa: liferay1.lgp.ehu.eus