Bilaketa aurreratua

Ogi apurrak

Egungo Euskararen Hiztegia (EEH)

Hasiera:

danba 1 kolpe sendo baten edo tiro baten onomatopeia. ik danbada; dinbi.

Atea sudurrera etorri zitzaidan, danba, begietatik erauziz ikuskizun miresgarria. Aingeru Epaltza   «Rock'n'roll» - 212. orr.

Hainbat krisket hondaturik zegoen, eta ateek danba jotzen zuten. Anton Garikano   «Farorantz» - Virginia Woolf - 136. orr.

Izuak buruan danba jotzen zuen, mailukada bortitzez. Jasone Osoro   «Korapiloak» - 137. orr.

Danba jo zuen lehenengo kanpaiak, 19,45ekoak.   - 85. orr.

Argia piztu zenean, ukabilarekin danba mahaia jo eta oihu egin zuen: [...]. Irene Aldasoro   «Dublindarrak» - James Joyce - 142. orr.

Baina orduan atea danba ireki zen. Matías Múgica   «Hiltzaile baten aitormena» - Joseph Roth - 56. orr.

Zerbait zeramaten arrastaka, eta danba egiten zuen eskailera-maila bakoitzean. Anjel Lertxundi   «Ihes betea» - 251. orr.

Halako batean, bazekinagu Angel ez dela oso gizon lasaia, hartu pistola eta danba buruan, eta zaldia isilik betiko. Bernardo Atxaga   «Soinujolearen semea» - 226. orr.

-Lagundu egin behar didazue? -galdetu zuen azkenean Del Vallek, erruleta errusiarrean jokatzen duenaren antzera: katua sakatu eta klik ala danba entzunen ote duen ez dakienaren antzera. Alberto Ladron Arana   «Eguzki beltzaren sekretua» - 198. orr.

2 (harridura markarekin)

Istant hartan, danba! aditu zen, handik ez urruti. Pablo Sastre   «Elurretan hotsak» - 36. orr.

Harryk begi-pare marroi distiratsu bat ikusi zuen handik berari begira, atea danba! itxi baino lehen. Iñaki Mendiguren   «Harry Potter eta sekretuen ganbera» - J.K. Rowling - 39. orr.

Orduantxe, danba!, entzun zen etxe aurreko atearen kolpea. Iñaki Mendiguren   «Harry Potter eta sekretuen ganbera» - J.K. Rowling - 38. orr.

Danba!, kristoren zaplaztekoa eman zion fraideak (anaia Pedro, anaia Jazinto, anaia Jabier), gure barregurak derrepente eten zituena. Xabier Mendiguren Elizegi   «16 ipuin amodiozko» - 214. orr.

Beste behin batean, aurreraka danba!, tiratu nuen neure burua, baloia atrapatzearren. Jesus Mari Mendizabal   «35 kilo esperantza» - Anna Gavalda - 21. orr.

Ikusi dut mutila etxera joaten eta handik berehala, danba! tiro bat jo dute kalean. Javi Cillero   «Hollywood eta biok» - 221. orr.

Artilleroen gorpuak uretara banan-banan jaurti eta danba!, kanoikada banaz egin zieten beren kideek gorpuei oles. Edorta Jimenez   «Sukar ustelaren urtea» - 191. orr.

Ikus dezagun, danba!, kartierrean sartzeko ate handi hura; klanka!, zeldako ate gaineko eta behereko zerrapoak, zaintzaleek beti bortizki zerratzen edo idekitzen dituztenak; klaska!, zeldako ate zerrailuan giltza; klunka!, ibiltokira doan burdinazko atea; klixka!, hesietako zerrailuak... Filipe Bidart   «Bakartasunaz bi hitz» - 57. orr.

3 (hitz elkartuetan)

Kontuz ibili, Ofelia, kontuz, ene arreba maitea; zeure maitetasunaren atzealdean eutsi, desiraren su-danba arriskutsuetatik urrun. Juan Garzia   «Hamlet» - William Shakesperare - 47. orr.

4 danba-danba

Ganbarako demonioak hodiak danba-danba jotzen zituen uluka. Iñaki Mendiguren   «Harry Potter eta sekretuen ganbera» - J.K. Rowling - 41. orr.

Euriak danba-danba jotzen zuen zurezko teilatua, eta ur-xirripak gurgurika isurtzen ziren behean jarritako upel batera. Jose Morales   «Arima hilak» - Nikolai Gogol - 71. orr.

Kaleko atea danba-danba zebilen. Inazio Mujika Iraola   «Gerezi Denbora» - 21. orr.

Zinezko demokratek danba-danba baino nahiago dute tar-tar-tar. Berria - Harian   2006-03-23

· Handik bost bat minutura, danba, danba, danba, danba entzun nuen, eta oihu batzuk. Berria - Euskal Herria   2004-03-15

5 danba-danbaka adlag

Autoan sartzean, haize zaflako galanta bildu eta tenpestak tenpestari etxeraino irauteko, danba-danbaka irakurgailuan tekno musika ezarri nuen. Itxaro Borda   «%100 basque» - 219. orr.

6 danba eta danba

Saihetsen kontra danba eta danba bihotza. Irene Aldasoro   «Dublindarrak» - James Joyce - 320. orr.

Danba eta danba, egin dizkio bi tiro Apezetxeak, eta ijitoaren bularreko odola nahasian atera da alkandoraren azpian ezkutatuta zeraman oiloarenarekin. Hasier Etxeberria   «Mutuaren hitzak» - 66. orr.

7 dinbi eta danba

Trailutzar antzeko bat zebilkion dinbi eta danba, zanpaka; mamia hezurretik tarratatu nahi zion arantza-mutur handi bat balitz bezala. Mirentxu Larrañaga   «Hona hemen gu biok» - Dorothy Parker - 270. orr.

Plastikozko bidoi huts zenbait eskuratu eta dinbi eta danba ekin diote. Xabier Montoia   «Baina bihotzak dio» - 150. orr.

Nola berak sentitu zuen han barruan mutila, dinbi eta danba, ostikoka itxura batean, eta nola uste izan zuen, ondorioz, futbolari zetorkiola haurgaia... Joan Mari Irigoien   «Odolean neraman» - 140. orr.

Lurra dinbi eta danba ari da erortzen hilkutxa gainera. Mirentxu Larrañaga   «Peaceful soldadua» - Michael Morpurgo - 17. orr.


hitz multzoen maiztasunak (gutxienez 3 aldiz agertzen direnak)

atea danba (6); danba danba (7); danba eta (7); danba eta danba (4); danba jo (5); danba jotzen (4); dinbi danba (23); dinbi eta danba (7); eta danba (27); eta dinbi danba (3)

 



Nodoa: liferay1.lgp.ehu.eus