Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ibai 1 iz berezko ur-lasterra, aski handia, itsasora edo beste ibai batera doana.

Egiptoko ibai, erreka, zingira eta urtegi guztietara. Elizen arteko biblia   Ir 7,19

Uhin hormatuen artean, ibaiak lasto-gixon bat bezala ninderaman. Aingeru Epaltza   «Mailuaren odola» - 179. orr.

Eta horregatik ezinezkoa da ibai berean bi aldiz murgiltzea. Fernando Morillo   «Gloria Mundi» - 32. orr.

Ibaian urperatu zelarik, San Frantziskoren merituei esker libratu zen. Askoren artean   «Asisko Frantzizko, Asisko Klara» - 855. orr.

Ibai handia mundua da; ibaian itotzen ziren anaiak, Ebanjelioko bizimoldeari jarraitzen ez diotenak dira. Askoren artean   «Asisko Frantzizko, Asisko Klara» - 1012. orr.

Hirurehun ibaik baino gehiagok hornitzen dute aintzira. Karlos Zabala   «Mikel Strogoff» - Jules Verne - 385. orr.

Beren urak berehala nahasi ordez, elkarren ondoan doaz bi ibaiok 80 kilometrotan barrena, nahaspilatu gabe. Jon Muñoz   «Loroaren teorema» - Denis Guedj - 243. orr.

Ibaiak ur handia zekarren urte sasoi hartan. Karlos Zabala   «Mikel Strogoff» - Jules Verne - 347. orr.

Eta ibaia handi eta lokatzez horituta zetorren. Koldo Biguri   «On Camillo» - Giovanni Guareschi - 36. orr.

Uhanditurik zetorren ibaia, azken euriteak zirela eta. Juan Kruz Igerabide   «Hauts bihurtu zineten» - 228. orr.

Ibaia bare zebilen, fusil baten kanoiaren urdin metalikoa bezain distiratsu. Lopez de Arana   «Manhattan Transfer» - John Dos Passos - 182. orr.

Ibaia beti aurrera itsasora iritsi arte. Lopez de Arana   «Manhattan Transfer» - John Dos Passos - 243. orr.

Rubendarren lurraldeak Jordan ibaia zuen muga. Elizen arteko biblia   Jos 13,23

Leku hartan, ibaia versta erdi zen zabal. Karlos Zabala   «Mikel Strogoff» - Jules Verne - 238. orr.

Ontziz ibiltzeko ibaia dela [Sena ibaia] Roueneraino. Josu Zabaleta   «Fantasiazko ipuinak» - Guy de Maupassant - 294. orr.

Ibai gaineko zubira iritsita. Pello Lizarralde   «Denak hasperenka» - Gianni Celati - 111. orr.

Geroxeago, faraoiaren alaba ibaira etorri zen bainatzera. Elizen arteko biblia   Ir 2,5

Eta ibaira bota du bere burua. Karlos Zabala   «Mikel Strogoff» - Jules Verne - 238. orr.

Gauerdia baino lehenago gorpua ibaira jaurtikitzeko. Migel Angel Mintegi   «Denak du bere prezioa» - 204. orr.

Pertsiarren inperioa Indo ibairaino hedatzen zen. Iñaki Iñurrieta   «Legeen espirituaz II» - Montesquieu - 37. orr.

Belaze ederra zegoen Akizeko harresiaren aurrealdean, Aturri ibairainoko zelaian. Txillardegi   «Putzu» - 122. orr.

Atera ura ibaitik eta isuri lurrean: ura odol bihurtuko da. Elizen arteko biblia   Ir 4,9

Hurrengo goizean, su-hiltzaileek atera zuten motorra ibaitik. Juan Kruz Igerabide   «Hauts bihurtu zineten» - 228. orr.

Indietako salerosgaiak Oxus ibaitik pasatzen zirela Ponto itsasora. Iñaki Iñurrieta   «Legeen espirituaz II» - Montesquieu - 30. orr.

Jordan ibaiaz bestaldera dagoen Kerit erreka inguruan. Elizen arteko biblia   1 Erg 17,3

Eufrates ibaiaz mendebaldeko lurralde eta hirietan barrena joan zen Jonatan. Elizen arteko biblia   1 M 11,60

Txalupa itzularazi eta ibaiari goiti jarri nuen. Josu Zabaleta   «Fantasiazko ipuinak» - Guy de Maupassant - 94. orr.

ik beherago 8. 150

2 (izenondoez)

Logroñon sartu aitzin, Ebro ibai ospetsuari so egon naiz. Piarres Aintziart   «Santiago oinez» - 73. orr.

Ibai nagusietako urek gora egiten segitzen dute Europa erdialdean. Berria - Mundua   2006-04-05

Munduko ibai handietatik herenaren urak baino ez dira aske mugitzen sorburutik itsasora. Berria - Gaiak   2006-03-14

Ibilera bihurriko ibai txiki batek ilargiaren izpiak islatzen zituen han-hemenka. Karlos Zabala   «Mikel Strogoff» - Jules Verne - 38. orr.

Bakar-bakarrik aurkitu zen Rhin ibai zabalaren ertzean. J.M. Olaizola "Txiliku"   «Bizitza eredugarriak» - 146. orr.

Pertsian ez dagoela ibai nabigagarririk, Kur ibaia izan ezik. Iñaki Iñurrieta   «Legeen espirituaz II» - Montesquieu - 140. orr.

Ibai osasuntsua zer da? Berria - Gaiak   2004-01-23

Zelaia amaitzen zen lekutik ibai hazia ikusi genuen. Koro Navarro   «Zertaz ari garen maitasunaz ari garenean» - Raymond Carver - 112. orr.

-Ibai hotzera salto egin zian, bai, salto. Koro Navarro   «Artistakume baten erretratua» - Dylan Thomas - 22. orr.

Ibai geldoetan hazten den landare bat. Berria - Gaiak   2004-08-24

Etsipenaren ibai lohizko eta zurrunbilotsuan. Felipe Juaristi   «Airezko emakumeak» - 190. orr.

Dublin aldera sigi-saga zihoan ibai gris distiratsuari begiratu zion. Irene Aldasoro   «Dublindarrak» - James Joyce - 170. orr.

Ibai sigi-sagatsuaren ibilbideari jarraitzea. Patxi Zubizarreta   «Jeans-ak hozkailuan» - 239. orr.

Ibai garbi baten ondoan. Felipe Juaristi   «Airezko emakumeak» - 132. orr.

Hiri bat, ibai errauts-kolorea edo teilatuegaletatik erortzen den ura. Jon Alonso   «Lisboako Setioaren Historia» - José Saramago - 142. orr.

Malkoak betzuloetatik behera erortzen zitzaizkion ibai mingotsaren metal ur tantak balira bezala. Felipe Juaristi   «Airezko emakumeak» - 44. orr.

Sumatzen baitzuen ibai haserre batek ere ez lukeela haien mina garbituko. Felipe Juaristi   «Airezko emakumeak» - 38. orr.

3 (aditzaren nor osagai gisa)

Edendik ibai bat sortzen zen; baratzea ureztatu eta gero, lau adarretan banatzen zen. Elizen arteko biblia   Has 2,10

Aturri eta Errobi ibaiak bateratzen diren juntan. Janbattitt Dirassar   «Bihotzeko mina» - 72. orr.

Ibaia bi aldeetara zabaltzen zen, muinoak gero eta leunagoak ziren ik ibaialde. Joanes Urkixo   «Gerlari zuria» - 133. orr.

Ibaiak oro itsasora doaz eta itsasoak ez du gainez egiten; ibaiak, nora doazen, harantz dira behin eta berriro joaten, bide bera eginez. Elizen arteko biblia   Koh 1,7

Ibaia bete-betea zetorren batean izan zen. Anjel Lertxundi   «Ihes betea» - 300. orr.

Ibaiak ziren Europa zaharraren zainetan zehar zebilen odol preziatua. Felipe Juaristi   «Airezko emakumeak» - 17. orr.

Jordan ibaia itsasoratzen den tokiraino. Elizen arteko biblia   Jos 15,5

Jaso gonak, agertu izterrak, ibaiak oinez igarotzeko. Ibaia pasatzeko ibia aurkituko zutelakoan. Felipe Juaristi   «Itzarri nahi ez zuen printzesa» - 196. orr.

Biduze ibaia zeharkatu genuen eta Nafarroako mugak gibelera utzi. Aingeru Epaltza   «Mailuaren odola» - 265. orr.

Hiritik atera eta Tobol ibaia igaro zuten gabarra batean. Karlos Zabala   «Mikel Strogoff» - Jules Verne - 177. orr.

Arraunean baitzebiltzan, ibaia txalupaz gurutzatzearren. Koro Navarro   «Kontakizunak» - Edgar Allan Poe - 166. orr.

Babiloniako ibaiak hustuko ditut, iturburuak agortuko. Elizen arteko biblia   Jr 51,36

Urumea ibaia bideratzeko proiektuaren egokitzapena. Berria - Euskal Herria   2004-01-27

Mendiak zulatuz eta ibaiak desbideratuz. Koldo Biguri   «On Camillo» - Giovanni Guareschi - 20. orr.

Ibaira joan zen ur gazizko tanta bakar batez, ibaia ur-handitu zuen tanta txiki-txiki eta izartsu batez. Felipe Juaristi   «Itzarri nahi ez zuen printzesa» - 165. orr.

Honela ibaia, euriteek uhertua, dikeen kontra indar izugarriz oldartzen da. Xabier Amuriza   «Gauzen izaeraz» - Lukrezio - 47. orr.

Azken egunetako uhar nasaiek ibaia loditu eta lohitu zuten. Itxaro Borda   «Zeruetako erresuma» - 9. orr.

Gero, ur biziko ibai bat erakutsi zidan aingeruak, beira bezain distiratsua. Elizen arteko biblia   Ap 22,1

Uzta-aroa zen, eta urte-sasoi horretan Jordan ibaia gainezka etorri ohi da. Elizen arteko biblia   Jos 1,15

Ibaia handi samar zetorrela jokatu zen dema haietako bat. Juan Kruz Igerabide   «Hauts bihurtu zineten» - 11. orr.

4 (-en atzizkiaz)

Jenisei ibaiaren igaroaldia. Karlos Zabala   «Mikel Strogoff» - Jules Verne - 341. orr.

Izan ere, litekeena da hilketa ibaiaren ertzean gertatu izana, edo ibaian bertan. Koro Navarro   «Kontakizunak» - Edgar Allan Poe - 149. orr.

ik ibaiertz. 190

Obi ibaiaren eskuineko ertzera zeraman bide zuzenari jarraitu zion. Karlos Zabala   «Mikel Strogoff» - Jules Verne - 227. orr.

Ibaiaren erditik ur ertzak ikusezinak ziren. Karlos Zabala   «Mikel Strogoff» - Jules Verne - 399. orr.

Urak bizi-bizi zihoazen bi adar horietatik aurrera [...] eta hainbat uharte inguratzen zituzten, beste hainbeste itsasontzi berdexka irudi zutenak, ibaian ainguraturik. Karlos Zabala   «Mikel Strogoff» - Jules Verne - 348. orr.

ik ibaiadar. 194

Abatskoieko geldilekuan, Irtish ibaiaren adar nagusietako bat zeharkatu beharra izan zuten, Ishim izenekoa. Karlos Zabala   «Mikel Strogoff» - Jules Verne - 188. orr.

Tinko lotu behar ziren berriz ere, Angara ibaiaren ur laster bizi-biziari eutsiko bazioten. Karlos Zabala   «Mikel Strogoff» - Jules Verne - 392. orr.

Ibaiaren ura mantsotu egiten zen bihurgunean, eta bere hotsa oso mehea zen, xuxurla bat. Bernardo Atxaga   «Soinujolearen semea» - 169. orr.

Izotz puskak jaisten ziren, ibaiaren ur lasterrak garraiaturik. Karlos Zabala   «Mikel Strogoff» - Jules Verne - 441. orr.

Txalupak, ibaiaren korronteak eramana bezala, portuaren erdirantz jarraitu du geldiro. Koldo Izagirre   «Sua nahi, Mr. Churchil?» - 109. orr.

Ibaiaren bokalean egokitu zen Léa. Jon Muñoz   «Loroaren teorema» - Denis Guedj - 243. orr.

Niger ibaiaren deltan. Berria - Kultura   2004-04-20

Oiartzun, Ibaizabal eta Deba ibaien itsasadarrak. Berria - Euskal Herria   2004-05-04

Ur erreserba ikaragarri hori [...] Parana, Paraguai eta Uruguai ibaien arroetan barrena hedatzen da. Berria - Mundua   2006-01-29

Ibaiaren isurgunearen aldera, gure nasatik urrun. Koldo Izagirre   «Sua nahi, Mr. Churchil?» - 56. orr.

Ibaiaren ibilbidean kokatuta dauden herriek ez dute isurtzen duten uren kalitatea bermatzen. Berria - Euskal Herria   2004-07-02

Bostehun oin beherago, ibaiaren ibilgua zabaltzen zen berriro ere. Karlos Zabala   «Mikel Strogoff» - Jules Verne - 409. orr.

Ibaien iturburuak agorrarazi eta argitara ateratzen du ezkutuan zegoena. Elizen arteko biblia   Jb 28,11

Hori hala dela ikusteko, lekuko ederrak ditugu ibaien sorburuak, zeren eta munduko mapetan pintatuta eta idatzita ikusten denez, ibairik handienak eta ugarienak iparraldean jaiotzen baitira. Santiago Iruretagoiena   «Arkitekturaz hamar liburuak» - Vitruvio - 3710. orr.

Nolanahi ere, ibaien goiko aldeak nahiko ondo egoten dira normalean. Berria - Gaiak   2004-01-23

Laster galduko dituela erregeak Eufrates ibaiaren mendebaldeko lurraldeak. Elizen arteko biblia   Esd 4,16

Azken etxeak ibaiaren mailaraino beheratzen ziren. Karlos Zabala   «Mikel Strogoff» - Jules Verne - 349. orr.

Neguko elurra urtu ondoren, ibaiaren ur emariak urtero gora egiten du. Berria - Mundua   2006-04-18

Ibaiaren oxigeno maila. Berria - Gaiak   2004-01-23

Itsasbeherak agerian utziak zituen ibaiaren erraiak, basatza gris ilun ura. Koldo Izagirre   «Sua nahi, Mr. Churchil?» - 104. orr.

5 (-ko atzizkiaz)

Ibaiko urek itsasora bidean segitu zuten. Edorta Jimenez   «Sukar ustelaren urtea» - 80. orr.

Zaldi zintzoa hilik zegoen ibaiko uretan. Karlos Zabala   «Mikel Strogoff» - Jules Verne - 239. orr.

Laugarren egunean Sena ibaiko uretan aurkitu zen gorpua. Koro Navarro   «Kontakizunak» - Edgar Allan Poe - 131. orr.

Egiptoar guztiek putzuak zulatu behar izan zituzten ibai-ertzean, ibaiko uretatik ezin baitzuten edan. Elizen arteko biblia   Ir 7,24

Ibaietako ura bezain naturala. Berria - Ekonomia   2004-04-30

Senperenaren biriketan aurkitutako ura Bidasoa ibaikoa zela. Hasier Etxeberria   «Mutuaren hitzak» - 120. orr.

Gobernadoreak zehaztu zuen garaiotan Kelkit ibaiko urlasterra oso indartsua dela. Berria - Mundua   2006-03-10

Dvina ibaiko izotzak urtu zain. J.M. Olaizola "Txiliku"   «Bizitza eredugarriak» - 70. orr.

Tamesi ibaiko lainoa. Juan Garzia   «Bizi alegiazkoak» - Marcel Schwob - 127. orr.

Ibaiko haize gozoak bisaia ferekatzen zien. Lopez de Arana   «Manhattan Transfer» - John Dos Passos - 405. orr.

Ibaiko harrabotsen artetik ezagutu zituen nire laguntza eskeak. Aingeru Epaltza   «Mailuaren odola» - 179. orr.

Ogi oso bat zatitua genuen, ibaiko arrainei botatzeko. Juan Kruz Igerabide   «Nire aitaren fusila» - Hiner Saleem - 26. orr.

Ibaiko iturburuan bizi zen lamiarengana jo zuen. Martin Anso   «Elezaharren bidetik» - 65. orr.

Mundu bat biltzen da ibaiko bi aldeetan. Berria - Kirola   2004-03-20

Ibaiko petrilean jesarri zen. Koldo Izagirre   «Sua nahi, Mr. Churchil?» - 103. orr.

Paseo luzea egin zuen ibaiko kaietan barrena. Karlos Zabala   «Parisen sabela» - Emile Zola - 125. orr.

Uholdeak ibaiko ezponda hautsi zuen. Koro Navarro   «Zortzi kontakizun» - Isaac B. Singer - 29. orr.

Ibaiko zokondo batean. Edorta Jimenez   «Hemingway eta euskaldunak zerbitzu sekretuetan» - 271. orr.

Hizketan-hizketan, ibaiko errotaraino iristen ziren. Koro Navarro   «Zortzi kontakizun» - Isaac B. Singer - 191. orr.

Ohio ibaiko pinuzko mendixka batean. Anton Garikano   «Maitea» - Toni Morrison - 57. orr.

Arroza eta Siang ibaiko arrantzaleek emandako arrainak janez. Pako Aristi   «Gauza txikien liburua» - 161. orr.

Urumea ibaiko lanekin berehala hasiko dira, uholde arriskua gutxitzeko. Berria - Euskal Herria   2004-02-07

Ibaietako pasabideez jabetu dira. Elizen arteko biblia   Jr 51,32

Irati ibaiko tunela itxi zuten. Edurne Elizondo   «Itoiz, porlanezko gezurra» - 10. orr.

Ibaietako bidelapur zakarrak. Karlos Zabala   «Parisen sabela» - Emile Zola - 149. orr.

6 irud

Zilarrezko ibaiak doaz Celostik Eruira. Agustin Otsoa   «Eraztunen Jauna III» - J.R.R. Tolkien - 186. orr.

Suzko ibai bat ateratzen zen haren aurretik. Elizen arteko biblia   Dn 7,10

Ariannak, ilea ordurako solte, odolezko ibaia irudi, Lamento d´Ariannako zati bat kantatu zuen. Felipe Juaristi   «Airezko emakumeak» - 125. orr.

Nire burua, ileak, belarriak, gorputz osoa, zizarez inguraturik ikusi nuen, denak bihurrika: zizarezko ibai batean bainatzen ari nintzen. Juan Kruz Igerabide   «Nire aitaren fusila» - Hiner Saleem - 16. orr.

Begira Esne Bidea, izarrezko ibai hori. Josu Zabaleta   «Fantasiazko ipuinak» - Guy de Maupassant - 387. orr.

Lehen gose zinen horrek garirik onena duzu orain janari, egarri zinen horrek atseginen ibaian edaten duzu. Askoren artean   «Asisko Frantzizko, Asisko Klara» - 420. orr.

Aita eta ama ikusten ditut, betiereko gaztetasunaren ibaian. Eskarne Mujika   «Berdin dio» - Agota Kristof - 14. orr.

7 (hitz elkartuetan, lehen osagai gisa)

Pertsona eta merkantzien ibai-garraiorako. Jon Alonso   «Lisboako Setioaren Historia» - José Saramago - 261. orr.

Efesoko hiria [...] Kaistroaren bokalean hedatzen zen, bertako bi ibai-portuekin, Panormoko kairaino. Juan Garzia   «Bizi alegiazkoak» - Marcel Schwob - 33. orr.

Suitzak Basileako ibai-kaian duan itsasorako irtenbideaz. Anjel Lertxundi   «Argizariaren egunak» - 183. orr.

Airea hotza zen, ibai-kanaleko itsasmuturretik baitzetorren. Anjel Lertxundi   «Argizariaren egunak» - 193. orr.

Baina itsas eta ibai-uretako bizidunen artean, hegal eta ezkata gabeak debekatuak dituzue. Elizen arteko biblia   Lb 11,10

Ibai-eskurtsio hura zela eta. Joxemari Iturralde   «Euliak ez dira argazkietan azaltzen» - 194. orr.

Ibai-ibilaldi honek distraitzeko balioko zidan. Joxemari Iturralde   «Euliak ez dira argazkietan azaltzen» - 194. orr.

Zaldia ibai azalean urpera gabe eduki zezaten. Karlos Zabala   «Mikel Strogoff» - Jules Verne - 350. orr.

Bere esklaboari askatasuna eta ibai-sakanean lur sail bat agindu zizkion. Pablo Sastre   «Eguzkipekoak» - 272. orr.

Ibai-ezpondek mozturik duten ordoki honetan. Koldo Biguri   «On Camillo» - Giovanni Guareschi - 29. orr.

Etxe aitzineko pentzea zeharkatu zuen lasterka eta ibai hegira heldu zen. Itxaro Borda   «Zeruetako erresuma» - 23. orr.

Katu-haragiak ez du parekorik ibai-karramarroak harrapatzeko. Itziar Otegi   «Axenario» - Jules Renard - 105. orr.

Halako ibai usain belaxka bat. Karlos Zabala   «Parisen sabela» - Emile Zola - 149. orr.

Bidasoa, Zadorra, Urumea, Arga, Irati, Urrobi, Errobi eta gainerako ibai-izenek. Iñaki Segurola   «Gaur ere ez du hiltzeko eguraldirik egingo» - 215. orr.

Kura-Araks/Araz ibai sistemak hiru herrialdeak hornitzen ditu. Berria - Gaiak   2004-10-31

Hogei kilometroko ibai zatian. Berria - Euskal Herria   2004-06-29

Ibai hondoan itotako maitalearen gorpua. Berria - Kultura   2006-04-06

8 (hitz elkartuetan, bigarren osagai gisa)

Ibaizabal itsas ibairantz gehiegi hurbildu, makurtu, gizon handia zelako gorputzak balantza egin, pisuak ibai aldera garaitu eta errekara erori zen. Gotzon Garate   «New Yorkeko kronika beltza» - 136. orr.

· Orduan, ur-ibaia bota zuen ahotik emakumearen kontra, ibaiak emakumea eraman zezan. Elizen arteko biblia   Ap 12,15

Antzezpen mutu haren indarrez bihotz-damuz beterik, negar-ibaiak isuri zituzten Jainkoaren mirabeek. Askoren artean   «Asisko Frantzizko, Asisko Klara» - 409. orr.

Gaur arte hainbesterainoko tinta-ibaiak sortu eta jaitsarazi dituen jatorrizko testu polemikoaren originala. Santiago Iruretagoiena   «Arkitekturaz hamar liburuak» - Vitruvio - 5370. orr.

· Alcoleako ardo-ibaia urre-ibai bihurtu zen laster. Josu Zabaleta   «Jakintzaren arbola» - Pio Baroja - 213. orr.

Modu bihurri hori da Tsíui PÍn zeharzaleak bere nobela-ibai ahitezinaren bihurgune bakoitzean hautatu zuena. Juan Garzia   «Ipuin hautatuak» - Jorge Luis Borges - 81. orr.

Oh ilunbearen goxo eta epela, oh maitasun ibai sekretu bat bezala isurtzen dena. Juan Garzia   «Ipuin hautatuak» - Jorge Luis Borges - 219. orr.

Ezin duzu imajinatu ere egin, aingeru maitea, nolako atsegin-ibaian murgildu nintzen horrela. Juan Martin Elexpuru / Bego Montorio   «Filosofia apaingelan» - Sade - 121. orr.

9 ibai aho

Bere lan eskergaren zigilu ere izan zitekeela otu zitzaion ibai-aho haiek emakume aho bihurtzea, artelana beraz. Felipe Juaristi   «Itzarri nahi ez zuen printzesa» - 111. orr.

Ibai-ahoko adar batean utzi gintuzten. Joan Mari Irigoien   «Lur bat haratago» - 531. orr.

Beste nehork ez bezala ezagutzen baitzuen honek San Laurendiko ibai ahoa. Aurelia Arkotxa   «Septentrio» - 10. orr.

10 ibai bazter

Ibai bazter honetan eta beste aldekoan. Karlos Zabala   «Mikel Strogoff» - Jules Verne - 348. orr.

Beste ibai-bazterrean zaudete, iritsi ezin naizen bazterrean... Xabier Olarra   «Azken hitzordua» - Sandor Marai - 189. orr.

Duela bi egun, Lenako ibai bazterretan zeuden. Karlos Zabala   «Mikel Strogoff» - Jules Verne - 420. orr.

Ezagutzen duzu ondo belar hori, nonahi ateratzen da ibai eta erreka bazterretan. Hasier Etxeberria   «Mutuaren hitzak» - 162. orr.

· Obi ibaiaren bazter oparoetara heltzean. Karlos Zabala   «Mikel Strogoff» - Jules Verne - 224. orr.

Llobregat ibaiaren bazter emankorretan. Pello Zabala   «Naturaren mintzoa» - 387. orr.

Berriz ikusi ditugu Nil ibaieko bazterrak. Herria   2001-06-28

11 ibai ondo (56 esaldi, 28 liburu eta 4 artikulutan; orobat ibaiondo 4 esaldi, 4 liburutan)

Sacramentoko bailara eta ibaiondoa ziazerba-tarta handi bat bezala ageri ziren leihatilatik kanpo. Javi Cillero   «Hollywood eta biok» - 133. orr.

Ibai ondoan oinez ibiltzen ginenean bezala. Harkaitz Cano   «Neguko zirkua» - 46. orr.

Bolada batek inarrosi du ibai ondoko zuhaiztia. Pello Lizarralde   «Larrepetit» - 91. orr.

Belardia bezala haziko dira, ibai ondoko sahatsa bezala. Elizen arteko biblia   Is 44,4

Ibai ondoko herrietan. Koldo Biguri   «On Camillo» - Giovanni Guareschi - 345. orr.

Tigris ibai ondoan jarri zuten denda gaua igarotzeko. Jose Antonio Mujika   «Agindutako lurraren bila II» - 114. orr.

Berak bakarrik ezagutzen zuen ibaiondoko leku batera. Anton Garikano   «Maitea» - Toni Morrison - 189. orr.

Ibai ondotik igaro zen. Felipe Juaristi   «Itzarri nahi ez zuen printzesa» - 189. orr.

12 ibaian barrena/zehar

Elkarrekin etorri ginen-eta Volga ibaian barrena. Karlos Zabala   «Mikel Strogoff» - Jules Verne - 157. orr.

Askotariko ontziak egiten dira: bai itsas zabalekoak, bai Nilo ibaian barrena joango direnak. Jon Muñoz   «Loroaren teorema» - Denis Guedj - 145. orr.

Orain egur hori Po ibaian zehar ekartzen da Ravennara. Santiago Iruretagoiena   «Arkitekturaz hamar liburuak» - Vitruvio - 1370. orr.

Aurrerantzean, goizero, herri osoa ezkutatzera abiatzen zen ibaian zehar zeuden zuloetara. Juan Kruz Igerabide   «Nire aitaren fusila» - Hiner Saleem - 25. orr.

13 ibaian gora/goiti/behera/beheiti

Gora joatea ibaian gora egitea da. Feluka batean ontziraturik, Nilo ibaian gora egin zuen Talesek. Iñigo Aranbarri   «Hitzak eta giltzak» - 24. orr.

Ibaian goiti doana ibaian goiti galtzen da. Joan Mari Irigoien   «Lur bat haratago» - 543. orr.

Ur lasterraren eragin zuzena jasaten ari zen orduan eta agudo zihoan ibaian behera. Ibaian behera zetozen izotzek kolpekatzen zuten. Karlos Zabala   «Mikel Strogoff» - Jules Verne - 194. orr.

Ibaian behera zihoazen ontzietan. J.M. Olaizola "Txiliku"   «Bizitza eredugarriak» - 70. orr.

Azkenean, ibaian behera "ezkontzen dira", Manausetik urrun, bi ibaietako urak, eta kolore arre argi batean nahasten. Jon Muñoz   «Loroaren teorema» - Denis Guedj - 243. orr.

Sartzen zuten hilotza txalupa haietarik batean, eta ibaian beheiti egozten zuten. Joan Mari Irigoien   «Lur bat haratago» - 563. orr.

Istant batez, korrontea alkoholezkoa izan balitz bezala, gainalde osoa suak hartu zuen ibaian behera eta ibaian gora, argindarraren abiaduraz. Karlos Zabala   «Mikel Strogoff» - Jules Verne - 445. orr.

· Albistea jakin bezain azkar gosaltzeari utzi eta aztoraturik heldu zenion ibaian gorako bideari. Hasier Etxeberria   «Mutuaren hitzak» - 13. orr.

· Izokinak gure ibaietan gora edo enarak habiara xuxen gidatzen dituena bezalako indar bat. Juan Garzia   «Sistema periodikoa» - Primo Levi - 131. orr.

hitz multzoen maiztasunak (gutxienez 6 aldiz agertzen direnak)

danubio ibaia (7); ebro ibaia (10); ebro ibaiak (7); eufrates ibai (10); ibai aldera (19); ibai bazter (9); ibai bazterrean (18); ibai bazterreko (12); ibai bazterrera (7); ibai ederra (18); ibai ertz (19); ibai ertza (6); ibai ertzean (36); ibai ertzeko (30); ibai ertzera (19); ibai ertzetik (9); ibai gaineko (11); ibai gorri (6); ibai handi (8); ibai handia (6); ibai handiaren (9); ibai inguruan (7); ibai ondoan (26); ibai ondoko (25); ibai zabala (8); ibaia igaro (24); ibaia igaroko (6); ibaia igarotzeko (6); ibaia ikusten (8); ibaia zeharkatu (10); ibaia zeharkatzen (10); ibaiak gainezka egin (7); jordan ibai (8); jordan ibaia (49); nilo ibai (8); nilo ibaia (7); sena ibaia (11); urumea ibaia (7)

ibaian barrena (6); ibaian behera (53); ibaian goiti (8); ibaian gora (48); ibaian sartu (6); ibaian zehar (10); irtish ibaian (6); irtish ibaian behera (6); jordan ibaian (8); oria ibaian (9); saint laurent ibaian (7); tamesis ibaian (9)

aturri ibaiaren (9); bidasoa ibaiaren (6); danubio ibaiaren (7); ebro ibaiaren (9); eufrates ibaiaren (23); ibaiaren adar (8); ibaiaren bazterretan (6); ibaiaren bestaldean (6); ibaiaren beste aldean (13); ibaiaren deltan (6); ibaiaren erdian (13); ibaiaren ertzean (41); ibaiaren ertzeko (6); ibaiaren ertzera (9); ibaiaren ertzetan (11); ibaiaren ertzetik (8); ibaiaren eskuineko (6); ibaiaren gainean (15); ibaiaren gaineko (12); ibaiaren hegian (7); ibaiaren inguruan (16); ibaiaren mendebaldeko (16); ibaiaren ondoan (29); ibaiaren ondoko (6); ibaiaren ur (22); irati ibaiaren (7); irtish ibaiaren (15); jenisei ibaiaren (10); jordan ibaiaren (9); niger ibaiaren (6); nilo ibaiaren (14); obi ibaiaren (7); oria ibaiaren (7); po ibaiaren (20); rhin ibaiaren (7); sena ibaiaren (12); tigris ibaiaren (8); tom ibaiaren (6); urumea ibaiaren (8)

ibaiari begira (9); ibaiaz bestaldean (6); ibaiaz bestaldera (16); ibaiaz beste aldean (7); ibaiko ur (14); ibaiko ura (17); ibaiko urak (21); ibaiko uretan (11); jordan ibaiaz bestaldera (8)

 



Nodoa: liferay1.lgp.ehu.eus