Bilaketa aurreratua

Ogi apurrak

Egungo Euskararen Hiztegia (EEH)

Hasiera:

ildo 1 iz goldeaz lurra irauliz egiten den irekidura luzea. ik ildaska; ildoxka.

Bizkor zabaltzen du ildoa goldeak orain, zokil artean trabatuta geratzen da gero. Imanol Zurutuza   «Errautsera arteko sugarra» - 117. orr.

Traktoreak utzitako ildoengatik ez balitz. 8658

Ildoak egiteaz arduratzen da buru-belarri, eta gauean oraindik ganadua gobernatu behar. Elizen arteko biblia   Si 38,26

Ildoa goldearen bide zuzenetik ateratzen eta semenaren kolpea lekutik apartatzen baitu. Xabier Amuriza   «Gauzen izaeraz» - Lukrezio - 303. orr.

Ildoak ureztatu, zokorrak berdindu, euri-zaparradaz harrotu, ernamuinak bedeinkatu. Elizen arteko biblia   Sal 65,11

Aita ikusten du soroa ildoz ildo oinkatzen, mokorrez mokor zapaltzen, eskuarez bezala berdintzen, sasiak, zuhaixkak, karduak eskopetaz jotzen. Itziar Otegi   «Axenario» - Jules Renard - 133. orr.

Fulgor Sedano, lurraren usaina aditu, eta euriak ildoak nola zarrastatzen zituen ikustera irten zen. Juan Garzia   «Pedro Páramo» - Juan Rulfo - 89. orr.

Haien zuzenbidea, ordea, soro-ildoetan hazten den belar gaizto bihurtu da. Elizen arteko biblia   Os 10,4

2 hed/irud

Izerdiak ildo ñimiñoak goldatzen zizkidan lepoan eta galtzarbeetan. Aingeru Epaltza   «Rock'n'roll» - 267. orr.

Urak beste ehun bat metro egiten zituen sastraka eta ihi artean, bizi-bizi orduan ere, zaplaztaka ildo harritsuan. Bernardo Atxaga   «Soinujolearen semea» - 137. orr.

Marmolezko blokeetan ildoak egin, eta burdinazko ziriak sartu zituen ildootan, porlanez disimulatuak. Irene Aldasoro   «Giza gorputza lanean» - John Lenihan - 22. orr.

Halaxe ohartu nintzen kutxaren barruan bazela ildo antzeko bat, zurezko pieza bi elkarri josten zaizkionean geratzen dena bezalakoa. Edorta Jimenez   «Sukar ustelaren urtea» - 358. orr.

Garabi-besoak, goi muturrean eskegita, ildo biko gurpiltxoa zeukan. Edorta Jimenez   «Sukar ustelaren urtea» - 57. orr.

Grabatzeari ekin zion gero, markatutako lerroetatik ildoak eginez. Iñaki Iñurrieta   «Kuskue tanden» - 110. orr.

Aurpegia ferekatu nion berriro; zimurren ildo sakonak, goizeko bizarraren ile urdin tenteak, azal marguldua... Xabier Mendiguren Elizegi   «Arima enkoniatuak» - 148. orr.

Hondar hezezko bere ildo kontzentrikoekin. Juan Garzia   «Bizi alegiazkoak» - Marcel Schwob - 135. orr.

Ibaiaren erdian uhin-ildo kexatuek apokalipsia irudikatzen zuten. Itxaro Borda   «Zeruetako erresuma» - 23. orr.

Gailuaren orratzak diskoko ildo espiralean grabaturiko gorabeheretan aurrera egin ahala, [...]. Irene Aldasoro   «Giza gorputza lanean» - John Lenihan - 36. orr.

Baina orratz marketsak disko zaharraren ildo beltzari eutsi eta nota bizkorrek segitu zuten baserriko sabaiko egurats ilunaz jabetzen. Alberto Ladron Arana   «Eguzki beltzaren sekretua» - 19. orr.

Harriak bihotzean ildoak nola irekitzen dituen sentitu dut. Jon Alonso   «Erretzaileen eremua» - 121. orr.

Kopetatik eroritako odolak ildo bakarra utzirik zuela, jakaren lepoaren ezkerraldean. Aingeru Epaltza   «Rock'n'roll» - 202. orr.

Batelak aurrera egiten zuen eta ur ildo txiki bat uzten zuen atzean. bi malkoak masailean behera erori zitzaizkion, ildo hezeak irekiz haren azal ederrean. Joseba Sarrionandia   «Lagun izoztua» - 190. orr.

Pneumatikoen ildo-zirrituetan zegoen itsatsita zer nazkagarri hura. Joxe Austin Arrieta   «Homo Faber» - Max Frisch - 72. orr.

Emakume baten irudi handi ildo-sakon bat marraztu zuen hondarrean. Koro Navarro   «Artistakume baten erretratua» - Dylan Thomas - 200. orr.

3 haria, bidea.

Bazekien bidea urratu beharra zeukala, aurrea hartu behar ziola idazleari ahal zuen neurrian, berak markatu behar zuela ildoa, eta ez hark. Imanol Zurutuza   «Errautsera arteko sugarra» - 196. orr.

Horrela jakituriara gidatuak lirateke Jaungoikoaren errukiaren ildo seguruetan zehar. Imanol Unzurrunzaga   «Hainbat idazlan» - San Agustin - 149. orr.

Frantsizkotarren ildo zahar eta iraunkorretik bazabilan hor, behartsuen zerbitzuko. Herria   2001-09-13

Gandhi, Luther king edo Cesar Chavez-ek urratu ildoari jarraikiz. Herria   2002-11-21

Unamuno gaztea garai honetan positibismoaren ildoan dabil buru-belarri. Joxe Azurmendi   «Espainiaren arimaz» - 91. orr.

Ildo berria eta oldar eragilea eskaini zion Agustinen bizitzari. Imanol Unzurrunzaga   «Hainbat idazlan» - San Agustin - 10. orr.

Badira antzezlanetatik ateratako hainbat zati ere, baina ez dago ildo narratibo bakar bat. Berria - Kultura   2006-02-03

Sistemaren osagai alde bikoak ildo hierarkiko eta politiko jakinen arabera jarduten du. Koro Navarro   «Ekonomiaren globalizazioa» - Jacques Adda - 86. orr.

Ildo sindikal berria zehaztu bezain laster, mugaz beste aldera itzuli beharra neukan. Rafa Egiguren   «Mentxakaren aitorpena» - Jose Ramon Goikoetxea - 65. orr.

Gaur egun kooperatibak ildo horrek gidatzen ditu. Iñaki Heras   «Txanponaren bi aldeak» - 187. orr.

Gure jasangogortasun burlati hura ez zela aski; sumin bihurtu behar zela, eta sumin hori iraultza organiko eta xuxen baten ildora ekarri. Juan Garzia   «Sistema periodikoa» - Primo Levi - 174. orr.

"Oinarri ideologikoak" onartu ziren erakundearen ildo berriari begira. Rafa Egiguren   «Mentxakaren aitorpena» - Jose Ramon Goikoetxea - 246. orr.

Ildo berri horrek ahalegina egiten baitu politikak prestatzeko prozedurak gardenagoak izan daitezen. Itziar Eizagirre / Amaia Lizarralde   «Garapen iraunkorra» - 100. orr.

Behin ildo hori ireki zenez gero, aurrerantzean ere, bertatik aurrerapauso garrantzitsuak egin ziren hainbat norabidetatik. Askoren artean   «Filosofiako gida» - 62. orr.

Erabat eta biziki estimatzen du eta horregatik bizi da ildo horri jarraiki. Imanol Unzurrunzaga   «Hainbat idazlan» - San Agustin - 119. orr.

Ildo horri jarraitzen dion ereduan. Santiago Iruretagoiena   «Arkitekturaz hamar liburuak» - Vitruvio - 5390. orr.

Estetika horrek 1970 inguruan bolada-boladan zegoen "freudo-marxismoaren" eragin handia du; ildo horrixe jarraituz ahalegindu zen geroxeago Lyotard "ekonomia libidinal" bat paratzen. Josu Zabaleta   «Irudia» - Jacques Aumont - 206. orr.

Baina Txekhovengandik Carverrengana doan ildoko ipuingintza ere ez zaizu erabat arrotza. Berria - Kultura   2006-04-12

Erraztiren ildokoek hartu dute Bizkaiko zuzendaritza. Berria - Euskal Herria   2004-01-28

4 (hitz elkartuetan bigarren osagai gisa)

Luzaz, katekesia girixtinoen haurreri eskainia zen eta fede ildoak hola segitzen zuen, familien belaunaldien erritmoa errespetatuz. Herria   2004-01-29

Puntuazio sistema bitxiak eta narrazio ildo desordenatuak bikain lortzen dute irakurlea tren-geltoki txiki bateko eta gazte baten sentimenduen zurrunbiloan sartzea. Fernando Rey   «Zorrotz begiratutako trenak» - Bohumil Hrabal - 10. orr.

Bertsozale Elkartearen lan-ildoak. J. Garzia / A. Egaña / J. Sarasua   «Bat-bateko bertsolaritza» - 71. orr.

Bi lan-ildo nagusi ditu alor honek: batetik, irakaskuntza arautuan txertatutako bertsolaritzaren jarraipena egitea eta, bestetik, bertso-eskolak. J. Garzia / A. Egaña / J. Sarasua   «Bat-bateko bertsolaritza» - 71. orr.

Eusko Jaurlaritzak finantzaketa ildo berriak baliatuko ditu. Berria - Kultura   2004-09-15

Musika alemanak ezin hobeki islatzen ditu bi kultura-ildo horiek, bere baitan biltzen baititu kondaira ipartarrak eta ideia kristauak. Alberto Ladron Arana   «Eguzki beltzaren sekretua» - 134. orr.

Ikerkuntza ildo honen oinarri diren zenbait ikuspuntu argitu nahi nituzke. Itziar Laka   «Egitura sintaktikoak» - Noam Chomsky - 75. orr.

Baina ikerketa-ildo hau ixten da Taigher desagertzen denean. Jon Alonso   «Euskal karma» - 66. orr.

Kritika ildo honi jarraiki, Ongizate Estatuaren paternalismoa kritikatzera ere iristen dira hainbat. Iñaki Heras   «Txanponaren bi aldeak» - 149. orr.

Garapen iraunkor baten aldeko argudio-ildo nagusiak finkatzen. Itziar Eizagirre / Amaia Lizarralde   «Garapen iraunkorra» - 75. orr.

Arazo deitu horiei loturiko egiazko jarduera ildo eraginkorrak. Itziar Eizagirre / Amaia Lizarralde   «Garapen iraunkorra» - 102. orr.

Borroka ildo berriak zabaltzeko beharra izan zen solidarioak sortzearen funtsa. Edurne Elizondo   «Itoiz, porlanezko gezurra» - 52. orr.

5 -en ildotik [362 agerraldi, 56 liburu eta 221 artikulutan]

Nire bizimoduak betiko ildotik jarraituko zuen. Bernardo Atxaga   «Soinujolearen semea» - 67. orr.

Frantxua Gilenen ildotik apeztuko zelako ametsa zerabilkion gogoan dantzari. Itxaro Borda   «Zeruetako erresuma» - 52. orr.

Nik gidatzen zaitut zuhurtziaren bidetik, nik ibilarazten zuzentasunaren ildotik. Elizen arteko biblia   EsZ 4,11

Garbizaletasunaren ildotik asmatutako hitz berriak. Iñaki Arranz   «Hitza azti» - 180. orr.

Silvia Treudlek, gogor ekin dio Haiderren aurka, feminismoaren ildotik aldendu gabe. Edorta Jimenez   «Europako mugetan barrena» - 111. orr.

Bestalde, Beldurra Izpirituaren ezintasunetik heldu da, eta ez, beraz, Arrazoiaren ildotik. Piarres Xarriton   «Etika» - Spinoza - 519. orr.

Arratsaldean, gertakariak inork aldez aurretik sumatuko ez zuen ildotik mamitu ziren. Txillardegi   «Labartzari agur» - 118. orr.

· Bestelako biderik ezean, horrenbeste aldiz jorratutako ildotik jo nuen. Xabier Mendiguren Elizegi   «16 ipuin amodiozko» - 33. orr.

6 ildo berean [356 agerraldi, 9 liburu eta 163 artikulutan]

Horra bigarren gutuna, lehenengoaren ildo berean baina larritasunezko doinua erantsita. Xabier Mendiguren Elizegi   «Arima enkoniatuak» - 15. orr.

Ildo berean jarraituz, begia ez da oso bizkorra argi-estimuluak bereizten. Josu Zabaleta   «Irudia» - Jacques Aumont - 33. orr.

Aztertu beharra dagoela ustez elkarren kontra doazen legeak ildo berekoak al diren. Iñaki Iñurrieta   «Legeen espirituaz II» - Montesquieu - 172. orr.

Ildo berean, hiru aldeak desberdinak dituzten triangeluei eskalenoak esaten zitzaien: herrenak. Ildo berean, Serratek adierazi zuen orkestra batekin kantuen tratamendua askotarikoa izan daitekeela: «Abesti batek ez du musika lanketa jakin bat; norberak erabakitzen du nola moldatu». Jon Muñoz   «Loroaren teorema» - Denis Guedj - 38. orr.

7 ildo beretik [750 agerraldi, 29 liburu eta 308 artikulutan]

Bidaiaren gainerakoa ildo beretik joan zen. Alberto Ladron Arana   «Eguzki beltzaren sekretua» - 65. orr.

Aste bati bestea jarraitzen zitzaion, ildo beretik, monotoniaz. Bernardo Atxaga   «Soinujolearen semea» - 118. orr.

Haien jarduera ere ildo beretik zihoan. Bernardo Atxaga   «Lekuak» - 49. orr.

Ikertzaile horiek, eta beste askok, Panofskyren ildo beretik, perspectiva artificialis, izatez, berraurkikuntza bat dela azpimarratu dute. Josu Zabaleta   «Irudia» - Jacques Aumont - 204. orr.

Beste filosofo askok ere ildo beretik jarraitu zuten eta, oro har, bi ikuspegi nagusitu ziren teoria bakoitzean: [...]. Askoren artean   «Filosofiako gida» - 229. orr.

Ildo beretik jarraiki, Amsterdamgo Itunak, 1997ko urriaren 2koak, garapen iraunkorraren printzipioa jaso zuen Europako Komunitatearen helburuen artean. Itziar Eizagirre / Amaia Lizarralde   «Garapen iraunkorra» - 30. orr.

Ildo beretik, baina, aldi berean, Krutwigekin lehian, Jose Luis Alvarez Enparantzaren pentsaera nabarmentzen da. Askoren artean   «Filosofiako gida» - 321. orr.

Madrileko jujeek dutela gisa hortan beren lana segitu, aspaldian abiatu ikerketa batzuen ildo beretik. Herria   2005-06-02

Arrazoizkoa dirudi nazio guztiek, bakoitzak idazteko bere hizkuntza erabiltzea eta, ildo beretik, alemaniarra dena ez mespretxatzea alemanez idazten duelako. Askoren artean   «Filosofiako gida» - 314. orr.

8 ildo bertsutik [24 agerraldi, 4 liburu eta artikulu 1ean]

Ildo bertsutik, hona zer zioen Rafael Termesek gehigarri horretan bertan: [...].Hausnarketa estrategiko kolektiborako prozesu bat da, Rio de Janeiroko Goi Bileran jaiotako Foro Globalaren ildo bertsutik doan sare, aliantza eta gizarte zibileko mugimenduen arteko topaketatik sortua. Iñaki Heras   «Txanponaren bi aldeak» - 98. orr.

Bizkitartean, ez dezaket ahantz, bizpalau hilabete lehenago, 1973ko abenduan, ildo bertsutik zihoan tesia aurkeztu nuelarik [...] nola entzungor egin zuten ez bakarrik Baionako apezpikutegiak, baina bai ere Pariseko Irakasle edo Argitaletxeek. Piarres Xarriton   «De re publica edo politikaz» - 168. orr.

Nuriaren ondotik, bigarren emakumea mintzatu zen, ildo bertsutik. Joan Mari Irigoien   «Odolean neraman» - 208. orr.

9 ildo honetan [34 agerraldi, 2 liburu eta 12 artikulutan]

Ildo honetan, Eusko Legebiltzarraren funts bibliografikoa Liburutegi Digitalaren barruan sartzeko helburuarekin lan egiten ari da Kultura Saila. Berria - Kultura   2004-06-10

Ildo honetan esan genezake ETA izan dela Euskal Herri modernoaren benetako sintoma. Joseba Zulaika   «ETAren hautsa» - 54. orr.

10 ildo honetatik [36 agerraldi, 6 liburu eta 9 artikulutan]

Ildo honetatik, Adierazpen honetan jasotako eskubideak modu eraginkorrean gauzatu ahal izateko beharrezko administrazio, lege zein beste arlo batzuetako neurriak hartuko dituzte. Itziar Eizagirre / Amaia Lizarralde   «Garapen iraunkorra» - 129. orr.

Eta ildo honetatik aipa dezakegu halaber ez dagoela hizkuntzarena bezain zaila den sistemarik. Isabel Arrigain   «Hizkuntzalaritza orokorreko ikastaroa» - Ferdinand de Saussure - 112. orr.

11 ildo horretan [2228 agerraldi, 13 liburu eta 921 artikulutan]

Ekintza zailak eta konplexuak izan dira herrietan egindakoak, baina jende andanak parte hartu du, eta, ildo horretan, oihartzun zabala lortu dute. Edurne Elizondo   «Itoiz, porlanezko gezurra» - 81. orr.

Christopher Gilberg [...] ez da iritzi berekoa, uste baitu goi mailako sormena izan dezaketela Asperger motako autistek; ildo horretan iradokitzen du, hain zuzen, ea Wittgenstein eta Bartók ez ote ziren autistak. Xabier Olarra   «Antropologo bat Marten» - Oliver Sacks - 284. orr.

Ildo horretan Agustinek diosku gauza on guztiak Jaungoikoagandik datozkigula, bera baita Ondasun Gorena, eta erabakimena. Imanol Unzurrunzaga   «Hainbat idazlan» - San Agustin - 18. orr.

Hona, ildo horretan, Maurice Dobb autore marxistaren hitzak: [...]. Iñaki Heras   «Txanponaren bi aldeak» - 48. orr.

· Eta Euskal Idazleen Elkartea ere ari da ildo horretako lanak egiten... Berria - Kultura   2004-12-07

12 ildo horretatik [776 agerraldi, 16 liburu eta 313 artikulutan]

Uste izan dut ildo horretatik jarraituko zuela, baina hitz-beste egin du segituan, eta kontu arinekin jarraitu. Bernardo Atxaga   «Soinujolearen semea» - 380. orr.

Gaitza egitea zertan datzan aztertu nahi izan dugu eta ildo horretatik esan ditugu orain arte esan ditugunak. Imanol Unzurrunzaga   «Hainbat idazlan» - San Agustin - 122. orr.

Dirudienez, nahimen hori gabe bekaturik ezin egingo genukeen eta ildo horretatik, ikaragarria badirudi ere, Jaungoikoa har genezakeen gure bekatuen egiazko egiletzat. Imanol Unzurrunzaga   «Hainbat idazlan» - San Agustin - 123. orr.

Ildo horretatik, homo complexus berria dugula esan dezakegu. Askoren artean   «Filosofiako gida» - 92. orr.

Ildo horretatik, 1994ko Txostenean elementu nagusia enplegua zen. Itziar Eizagirre / Amaia Lizarralde   «Garapen iraunkorra» - 70. orr.

· Meiklejohn-ek ildo horrexetatik jotzen du: [...].· Baina ildo horretatiko baieztapen bakan horiek, halere, ez dute frogatzen 1816an aditu guztiak egia honen esanahi eta garrantziaz jabetzen zirenik. Itziar Eizagirre / Amaia Lizarralde   «Garapen iraunkorra» - 98. orr.

13 ildo-txori (corpusean ildoxori soilik) iz buztanikara.

Etzuten samatseko hegaztinek ildoxorien grazia, udaberrian arto ereiteko iraultzen ari ginela heldu zirelarik, oraindik kaldan zeuden ildoen barnean jatera, buztan keinukaria ezker edo eskuinera, ikusiz non zen zizaria, ez bazen hemen erdi bat eta han bestea. Piarres Aintziart   «Azken apeza» - 39. orr.

 



Nodoa: liferay1.lgp.ehu.eus