Acto en homenaje a Gladys del Estal

Programa del acto en homenaje a Gladys del Estal que se celebrará en la Facultad de Informática el próximo 3 de junio.

IXA taldeak BBVAk ematen duen ikerketa laguntza lortu du

Aurkeztu diren 618 eskaeretatik bost arlotan banatuta. Zehazki, Big Dataren arloan, guztira aurkeztutako 97 eskaeretatik aukeratutako 5 proiektuetako bat Eneko Agirre buru duen proiektua da. Proiektu honen helburu nagusia honakoa da: Deep Learninga eta testu bilduma handiak erabiliz, ingelesezko testuen prozesamenduan dagoen ezagutza beste hizkuntza batzuetara transferitzea, gaztelaniazko, katalanezko, euskarazko eta galizierazko testuen ulermena hobetzeko. Ikerketa arlo hori, Lengoaia Naturalaren Prozesamendua deiturikoa, adimen artifizialaren parte da, izan ere, ordenagailuek testuen esanahia ulertzea du xede. Arlo horrek aplikazio oso ezagunak sortu ditu, adibidez: itzulpen automatikoa eta Interneteko bilaketak. Gaur egun, ingelesa da baliabide gehien dituen hizkuntza, hau da, programa batzuek hizkuntza hori aztertu eta testu fluxu handietatik aplikazio zehatz baterako behar den jakintza ateratzen dituzte. Ikerketa talde horrek ulermen hori gaztelania, katalan, euskara eta galizierara estrapolatu nahi du.

ZORIONAK: Eneko Agirre, German Rigau, Rodrigo Agerri, Nora Aranberri, María Jesús Aranzabe, Arantza Díaz de Ilarraza, Itziar Gonzalez, Gorka Labaka, Maite Oronoz, Mikel Artetxe y, Olatz Perez de Viñaspre.

Informazio gehiago: Campusa

Zientzia eta Bertsolaritza: Gorka Azkune Tolosan maiatzak 22an

Jakinduriek mundue erreko dau” bertsozientzia emanaldiak Beasain, Zarautz eta Tolosan

Bertsozientziak, zientzia eta bertsolaritza uztartzen dituen ekimenak, edizio berria izango du 2019an. Beasainen  eta Zarautzen hasita, maiatzaren 22an  Tolosan jarraituko du. Itxuraz elkarrengandik oso urrun dauden bi diziplina elkartzen dituen proiektua -bosgarren edizioa izango da aurtengoa- Gipuzkoan hasiko da, ondoren, Bizkaira salto egiteko.

Hiru zientzialari (fakultateko irakaslea den Gorka Azkune artean) eta bi bertsolari bilduko dituzte emanaldiek agertoki berean, hain ezberdinak diren bi unibertso (zientzia eta bertsolaritza) elkartzeko, haien mugak gainditzeko eta publiko berrietara iristeko. Hain zuzen ere, bosgarren edizio honetako programaren barruan, 10 minutuko hitzaldi zientifikoak eskainiko dira, euskaraz. Gaiak aurkeztu ondoren, zientzialariaren hipotesiak bilduko dituen bertso bat inprobisatu beharko dute bertsolariek.

 

Klika sistema eragilean (Maialen Lujanbio, Korrika 2019)

 

Opari bat egin digu Korrikak, opari bat egin digu Maialen Lujanbiok.

Klika SISTEMA ERAGILEAN izenburuarekin KORRIKA-bukaerako mezuan
Informatika erabili du hizkuntzaren biziberritzea aldarrikatzeko.
Irakurri, irakurri:

…KLIKA!

Hizkuntza ez da edukitzekoa.
Lizuna egiten zaio barruan gordeta, lika.

Beraz, KLIKA!
Instalatu eta elika!
Euskara, ez da euskararen gauzetarako aplikazioa.
Euskarak behar du
herri honen Sistema Eragilean.
Memoria handiko lur honen
hizkuntza beti eguneratua, eta software librekoa.

Euskara, bestelakoa baita…
Hain zuzen, besteak bezain bestelakoa.
Bestelakoa eta besteak bezalakoa.

Baina besteekiko badu alde bat:
euskarak dena du aurka;
eta horrexegatik juxtu, dena du mauka!
Dena baitu sortzeko, euskarak,
ia dena du-eta sortzeke.
Dena du egiteko, euskarak, dena du egiteke.

Hizkuntza bat dugu ahulguztiduna.

 

Mila esker Super_Maialen, munduratzeagatik duela 30 urte orduko informatikari euskaldun hasiberriok fakultate honetan sortu genuen hizkuntza berria.

 

Itzultzaile automatiko batek ez du sekula pertsona batek bezala itzuliko

Berria egunkariak Fakultateko irakaslea den Arantza Diaz de Illarrazari egin dion elkarrizketa:

1981etik ari da Diaz de Ilarraza EHUn lanean: euskara informatikan txertatzeko lanean dihardu hasieratik, Ixa taldeko lankideekin batera. Lan andana egin dute: Xuxen zuzentzaile ortografikoa da, ziurrenik, haiek sortutako tresnarik ezagunena.