Description

Ostiralean, abenduak 2an UPV/EHUko Bizkaia Aretoan arratsaldeko 19:00etan, unibertsitateko abesbatzaren sortzaile eta zuzendari Julen Ezukarrari (iaz hil zen) omenaldia egingo zaio. Ekitaldi honetan UPV/EHUko Abesbatza eta Iubilo Bilbao Abesbatzak (unibertsitateko abeslari ohiak) parte hartuko dute, haien maisuaren omenez.

Ospakizun honek, Julen Ezkurrak bere ikasle eta lankideen unibertsitateko etapan izan zuen eragin ona eta musikarenganako grina, dedikazio, lan eta ahaleginak omentzea du helburu. Ekitaldian zehar, aipatutako bi abesbatzek elkarrekin edo bakarka abestuko dute, zuzendariaren material audiobisuala erakutsiko da eta bere alaba Matxalen Ezkurrak ere parte hartuko du.

Sarrera doan.