"Gizarte Zientziak eta beren Didaktika I" irakasgaia Lehen Hezkuntza Graduaren aurreneko ikasturtean kokatzen da, bigarren lauhilekoaren baitan. 6 ECTS kreditu dagozkio eta gizarte zientziekin lotutako lehen irakasgaia da titulazioaren baitan. Aurrerago, hirugarren mailan, "Gizarte Zientziak eta beren didaktika II" irakasgai osagarria dator. Eta, ondoren, laugarren mailan, gizarte zientziekin lotutako hautazko beste bi irakasgai daude.



"Gizarte Zientziak eta beren Didaktika I" irakasgaiaren bidez ikasleak lehen kontaktua izango du arloarekin. Hartara, gizarte zientzien oinarrizko printzipioak ikusiko ditu, hezkuntza arloan zein helburu dituzten, curriculum ofizialak zer dioen gizarte zientziei dagokionean eta arloko proposamen didaktikoetara gerturatzeko aukera izango du.



Irakasgaia Lehen Hezkuntza Graduko bigarren moduluaren baitan txertaturik dago, "Eskola eta Curriculuma" izeneko moduluan. Modulu honetan kontsumoaren gaia lantzen da, curriculum ofizialeko gaietako bat dena eta aukera ematen duena diziplina askotatik lantzeko.

Irakasgai honen bidez, ikasleak honako gaitasunak eskuratu edo garatuko ditu:



1. Gizarte Zientzien oinarrizko printzipioak ulertzea.

2. Gizarte Zientzien arloko eskola-curriculuma ezagutzea.

3. Ikasketa historikoa eta geografikoa integratzen ikastea, ikuspegi hezitzaile eta kultural batetik.

4. Hezkuntza demokratikoa sustatzea eta pentsamendu sozial kritikoa praktikan jartzea

5. Erakunde publiko eta pribatuen garrantzia baloratzea herrien elkarbizitza baketsurako.

6. Curriculumeko edukiak garatzea eta ebaluatzea baliabide didaktiko egokien bidez, eta dagozkion gaitasunak sustatzea ikasleengan.

1. Gertakari soziokulturala fenomeno aldakor gisa Historian zehar, maila globalean nahiz tokikoan: alderdi desberdinak (gizarte-, ekonomi-, erlijio-, ideologi-, politika- eta arte-inguruneari erantzun moduan).



2. Herritarren hezkuntza demokratikoa eta gizarte-pentsamendu kritikoaren praktika bizikidetzarako baliabide gisa. Euskal Herriko errealitatearen azterketa.

Klase magistrala.- 24 ordu presentzial.

Gelako praktikak.- 31 ordu presentzial.

Mintegiak.- 5 ordu presentzial.



Aktiboa eta hezigarria izango da. Klase praktiko eta teorikoen saioak tartekatuko dira: irakasleak klase magistralak emateaz gain, ikasleek praktika orduetan taldeko lanak zein lan indibidualak egingo dituzte. Taldeko lanetan taldekideen funtzionamendu onari ez ezik, elkarren koordinazioari eta emaitzen aurkezpen zuzenari ere garrantzia emango zaie.*



Klasera joaten ez diren ikasleek, eskolaldiaren lehenengo hilabetean irakaslearekin hitz egin behar dute. Ikasle hauek ikasgaiaren jarraipena tutoretzetara joanez beteko dute.





*COVID-19aren eraginez dozentzia presentziala on line-ra aldatuko balitz, aipatutako metodologia egokituko litzateke.

• Sistema de Evaluación Continua
• Sistema de Evaluación Final
• Herramientas y porcentajes de calificación:
  • Prueba escrita a desarrollar (%): 60
  • Trabajos en equipo (resolución de problemas, diseño de proyectos) (%): 24
  • Parte-hartzearen egokitasuna eta modulu lana (DAL) (%): 16

Bestelakorik jakinarazten ez duten ikasleek Ebaluazio Jarraituaren Sistema segituko dute. Kasu horretan, amaierako kalifikazioa, talde lanen, azken proba idatziaren (azterketa) eta DALaren konbinazioa izango da, goian zehaztutako portzentaien arabera. Nolanahi ere, kalifikazio tresnen ehunekoan doikuntzaren bat egon liteke irakasleak bere ikasleekin hala adosten badu ikasturte hasieran.



Irakasgaia gainditzeko, beharrezkoa da aipatutako ebaluazio atal guztiak egitea eta gainditzea, Diziplinen Arteko Lana (DAL) barne.



Atal bakoitza gainditzeko ezinbestekoa da euskara zuzentasunez erabiltzea bai ahoz eta bai idatziz, eta hizkuntzaren arau ortografiko eta gramatikalak jarraitzea (Lehen Hezkuntzako Graduan eskuratu beharreko gaitasunen artean zehaztuta dago, besteak beste, "euskara menderatzea" eta "ekoizpen eta ulermen zuzena eta egokia frogatzea").



Azken Ebaluazioaren Sistema aukeratzen duten ikasleek, idatzizko proba teoriko-praktiko orokorra egin behar dute. Proba horretan irakaslearekin adostutako lan espezifikoak sar daitezke. Kasu honetan ere, euskararen erabilera zuzena eta egokia frogatu beharko da.



Azken Ebaluazioaren Sistemaren bitartez kalifikatuak izateko, Ebaluazio Jarraituari uko egiten diola jasotzen duen idatzi bat aurkeztu beharko dio ikasleak irakasleari, eta, horretarako, 9 asteko epea izango du lauhilekoa hasten denetik kontatzen hasita.



Azken Ebaluazioa aukeratzen duten ikasleen kasuan, amaierako probara ez azaltzeak adieraziko du ikaslea ez dela aurkeztu, eta modu honetan kalifikatua izango da.*



* Ebaluazio honek aldaketak eta egokitzapenak izan ditzake, COVID-19ren eraginaren eta unibertsitatetik nahiz administraziotik hartzen diren neurrien arabera. Edonola ere, egokitzapenek ezarritako ildoekin bat datozen irizpide akademikoak jarraituko dituzte. COVID-19ari lotutako egoera bereziek horrela eskatzen badute, azken proba bide telematikoen bidez egingo litzateke.

Lehenengo deialdia gainditu ez duten ikasleek, gainditu ez duten ebaluazio atala bigarren deialdian egin beharko dute. Gaindituta dituzten ebaluazio atalen nota, berriz, gorde egingo zaie bigarren deialdirako. Praktiken kasuan, azterketa/ebaluazio-proban praktiketan jorratutako jarduerak egin beharko dira.*



* Ebaluazio honek aldaketak eta egokitzapenak izan ditzake, COVID-19ren eraginaren eta unibertsitatetik nahiz administraziotik hartzen diren neurrien arabera. Edonola ere, egokitzapenek ezarritako ildoekin bat datozen irizpide akademikoak jarriatuko dituzte. COVID-19ari lotutako egoera bereziek horrela eskatzen badute, azken proba bide telematikoen bidez egingo litzateke.

Curriculum dekretuak eta e-Gelan eskegitako materiala.

Bibliografía básica

-AZAOLA, J.M. (1988).El País Vasco. Instituto de Estudios Económicos. Madrid,

-BRAUDEL, F. (1966). Las civilizaciones actuales. Tecnos. Madrid.

-CARO BAROJA, J.C. (1995). Los vascos. Ed. Istmo. Madrid

-INTXAUSTI, J. (Koordinatzailea) (1985).Euskal Herria, 2 bol. Caja Laboral.

-RUIZ URRESTARAZU, E. /GALDOS URRUTIA, R. (2008). Geografía del País Vasco.Ed. Nerea.

Bibliografía de profundización

-ALBACETE, C. CÁRDENAS, I. DELGADO, C. (2000). Enseñar y aprender la democracia. Síntesis Educación.
-CAPEL, H. & URTEAGA, L. (1991): Las nuevas geografías. Salvat.
-CORTINA, A. (1997). Ciudadanos del mundo: hacia una teoría de la ciudadanía. Alianza.
-FELIU, M., y HERNÁNDEZ CARDONA, F.X. (2011). 12 ideas clave. Enseñar y aprender historia. Grao.
-HELD, D. (1996). La democracia y el orden global. Del estado moderno al gobierno cosmopolita. Paidos.
-HERNANDEZ CARDONA, F. X. (2002): Didáctica de las ciencias sociales, geografía e historia. Graó.
-KYMLICKA, W. (1996). Ciudadanía multicultural. Paidos.
-MURPHY, J. (2011). Más de 100 ideas para enseñar historia. Graó.
-PRATS, J. (koord.) (2011a). Geografía e Historia: Complementos de formación disciplinar. Vol I. Ministerio de Educación & Graó.
------------ (koord.) (2011b). Didáctica de la Geografía y la Historia. Vol II. Ministerio de Educación & Graó.
------------ (koord.) (2011c). Geografía e Historia: Investigación, innovación y buenas prácticas. Vol III. Ministerio de Educación & Graó.
-SARTORI, G. (2007) ¿Qué es la democracia?. Taurus.
-SOUTO, X. M. (1999): Didáctica de la Geografía. Problemas sociales y conocimiento del medio. Ediciones del Serbal.
-TREPAT, C. A. & COMES, P. (1998). El tiempo y el espacio en la didáctica de las ciencias sociales. Graó.

Revistas

-IBER. DIDÁCTICA DE LAS CIENCIAS SOCIALES, GEOGRAFÍA E HISTORIA.
-ENSEÑANZA DE LAS CIENCIAS SOCIALES.
-CONCIENCIA SOCIAL
-CLIO. HISTORY AND HISTORY TEACHING

Direcciones web

-http://www.euskadi.net
-http://www.eustat.net/
-http://www.ine.es
-www.ivap.es
-http://www.un.org/spanish/
-http://www.hegoa.ehu.es
-http://www.es.amnesty.org
-http://europa.eu.int