DESKRIPTORE NAGUSIAK

Hezkuntza arlorako hurbilpena. Hezkuntza-erakundeak eta eragileak. Pentsamendu pedagogikoaren garapena. Garaiko hezkuntza-teoriak. Garaiko Hezkuntzaren Historia Euskal Herrian. Haurtzaroaren egoera eta eskubideak.



IRAKASGAIAREN DESKRIBAPENA

Prestakuntza pedagogikoa etorkizuneko gizartean hezkuntza zeregina garatzeko ardura edukiko duten maisu-maistren oinarrizko zutabea da. Hezkuntzaren Teoria eta Historia izeneko irakasgaiaren bitartez paradigma eta ikuspegi pedagogiko garaikideetara hurbiltzeko aukera edukiko dugu, gaur egungo hezkuntzak dituen oinarri teoriko eta epistemologikoak hobeto ezagutzeko eta ulertzeko.

Gaur egungo hezkuntza egoera konfiguratzen lagundu duten ikuspegi pedagogiko ezberdinen azterketa holistikoa burutu ondoren, Euskal Herrian zentraturiko ikuspegia ere eskaini nahi dugu, ikasleek beren gertuko testuinguruan gertaturiko esperientziak modu egokian kontestualizatzeko.

Etorkizuneko maisu eta maistrak estimulatu nahi ditugu hezkuntza gertaerari buruz beren pentsamendu propioa eraikitzeko, beti ere ezagutza eta haurtzaroaren eskubideekiko begirunerik handiena abiapuntutzat harturik; modu horretan, beren etorkizuneko jarduera gida dezakeen aukera baten hautaketa ere orienta daiteke. Irakasgaiaren izaerak, Magisteritza eta Pedagogiako Ikas Planetan agertzen diren beste irakasgai batzuen laguntzaz, irakas zereginerako markoa eraikitzen du; irakasgai horien arteko loturak hiritartasuna eta partehartze demokratikoari loturiko gaitasunen lorpenean laguntzen du, horiek etorkizuneko hezitzaileen ezinbesteko oinarriak izanik

G1: Hezkuntza sistemaren garapen historikoa eta hezkuntza jardueraren baldintzatzaile politiko eta legegintzakoak ezagutu; lehen hezkuntzako eskola hezkuntza sisteman kokatu eta, ikuspegi pedagogiko garaikideen laguntzaz, bere funtzioa aztertu, gure testuinguruan ezezik, europear eta nazioarteko testuinguruan ere.

IE1: Ikasleek, hasieratik gaur egun arte, Hezkuntza sistemaren garai desberdinak ezagutzen dituzte

IE2: Ikasleek haur eskolaren ezaugarriak identifikatzen eta desberdintzen ditu beste eskolarekiko

IE3: Ikasleek beste garaiko ikuspegi pedagogikoak, testuinguru geografiko desberdinetan aztertzen dituzte

G2: Hezkuntza eragileek irakaskuntza praktikan duten funtzioa aztertu, horretarako gela barruko interakzio eta komunikazio prozesuak eta funtzio horren inguruan ager daitezkeen baldintza instituzionalak kontuan hartuz.

IE1: Hezkuntza sisteman parte hartzen duten eragile desberdinek (familia, eskola, ikasleek, irakasleek, ...)ikasleek identifikatzen eta aztertzen dituzte.



G3: Giza eskubide eta haurtzaroaren eskubideak abiapuntutzat harturik, hezkuntza prozesuen eta ikaskuntzaren oinarrizko printzipioak familia testuinguruan, gizartean eta eskolan ulertu eta aplikatu, familiaren funtzioa hezkuntza eragile bezala eta eskolarekiko bere erlazioa bereziki azpimarratuz (garapen historikoa, familia ereduak eta hezkuntza familia testuinguruan)

IE1: Ikasleek haurtzaroaren eskubideak ezagutzen dituzte

IE2: Ikasleek hezkuntza prozesuak, garatzen diren testuinguruaren arabera, identifikatzen eta desberdintzen ditu

IE3: Familia eta eskolaren arteko harremanaren garrantzia ikasleek ezagutzen dute

1.gaia: Hezkuntza arlorako hurbilpena

Hezkuntza eta Pedagogia. Kontzeptu definizioa. Hezkuntza arloak: hezkuntza formala, ez formala eta informala. Hezkuntza-ekintza eta bere eragileak: hezitzailea, hezitua, ingurua, erakundeak. Hezkuntza ezagutza zientifikoaren objektu bezala. Kontzeptu definizioa. Hezkuntza Zientziak.



2.gaia: Pentsamendu pedagogikoaren garapena

Rousseau eta naturalismo pedagogikoa. Pestalozzi eta Froebel. Eskola Tradizionala: oinarrizko ezaugarriak. Eskola Tradizionala gainditzeko prozesua: Eskola Berriaren mugimendu pedagogikoa. Teoria sozialisten ekarpena. Autoritarismoaren kontrako teoriak. Teoria pertsonalistak. Deseskolaratze teoriak eta teoria posmodernoak.



3.gaia: Garaiko hezkuntzaren historia Euskal Herrian

Hezkuntza Sistemaren genesia eta garapena. Hezkuntza erakundeen genesia eta garapena. Irakasleriaren prestakuntza. Hezkuntza Euskal Herrian.



4.gaia: Haurtzaroaren egoera eta eskubideak

Haurtzaroarekin lotutako hainbat praktikaren analisia eta garapena: haur hilketa, abandonatzea, gerruntzearen erabilera, diziplina eta sexualitatea. Haurtzaroa Aro Garaikidean: haurtzaroaren deskubrimendua. Irakasleriaren prestakuntza eta giza-eskubideak. Haurtzaroaren eskubideak Umearen Konbentzioaren arabera.

Programan agertzen diren ikasgaiak saio teoriko eta praktikoetan landuko dira. Azalpen teorikoak lantzeko euskarri desberdinak erabiliko dira: ppt-ak, bideoak, dokumentazio historikoa, bibliografia oinarrizkoa zein berezia, filmografia eta gaiak lantzeko behar diren baliabide desberdinak.

Lan indibiduala zein talde lana burutuko dira. Ikasketa Kooperatibo eta Dinamikoa bultzatzeko jarduera autonomoak eta kooperatiboak burutuko dira, eta eredu partehartzaileak bultzatuko dira ikasketa prozesuan.



Ikasleen lanetan eta edozelako jardunetan, hizkuntzaren adierazpidean agertu ohi diren arazoak oso nabarmenak direnean, hutsak zuzentzea eskatuko da. Ulergarritasun eta zehaztasun hutsak gertatzen direnean, testuak itzultzeagatik edo euskarazko adierazpide okerra erabiltzeagatik, ez da lana zuzenduko eta ikasleari bi eguneko epea eskeiniko zaio lana edo idaztia zuzentzeko.



*COVID-19ak sortuko dituen egoera bereziei erantzuteko, aipatutako metodologiak aldaketak izan ditzake on line moduetara egokitzean.

• Sistema de Evaluación Final
• Herramientas y porcentajes de calificación:
  • Prueba escrita a desarrollar (%): 40
  • Realización de prácticas (ejercicios, casos o problemas) (%): 44
  • Trabajos en equipo (resolución de problemas, diseño de proyectos) (%): 16

Ebaluazio jarraituaren azterketa idatzira aurkezten direnak, ikasturtean zehar egindako lanak, aurkezpenak, iruzkinak, irakurgaiak, ikusentzunezkoak eta irakaslearen esanak kontutan hartu beharko dituzte. Azterketa honetan irakasgaiko jakintzak eta gaitasunak bereganatu dituela egiaztatu beharko dute.



Diziplinarteko Lana: DAL lanari azken notaren 1,6 puntu dagokio. Ikasleren batek, justifikaturiko arrazoiak direla medio, ezingo balu lan hau egin, moduluko koordinatzailearengana jo beharko du eta honek adieraziko dion prozedura jarraitu.

Deialdiari uko egiteko prozedura: Etengabeko ebaluazioari uko egiteko ikasturtea bukatu baino hilabete lehenago idatziz egin beharko da.



Ohiko deialdiaren ebaluazio jarraituan egiten ez dutenek Azken Ebaluazioaren aukera izango dute. Honetarako 9. astea baino lehen irakasleari idatziz adierazi beharko diote ebaluaketa eredu hau aukeratzen dutela. Azken ebaluazioak ikaskuntzaren emaitzak ebaluatzeko idatzizko eta ahozko probak egun bakarrean izango ditu.

Oharrak: Ikasturtean zehar egindako eta gainditutako lan partzial guztiak kontutan hartu ahal dira, ebaluaketa irizpideek hala agintzen dutenean. Azterketara ez aurkezteak deialdiari uko egitea suposatuko du.



HIZKUNTZA GAITASUNA: Ikasleen lanetan eta edozelako jardunetan, hizkuntzaren adierazpidean agertu ohi diren arazoak oso nabarmenak direnean, hutsak zuzentzea eskatuko da. Ulergarritasun eta zehaztasun hutsak gertatzen direnean, testuak itzultzeagatik edo euskarazko adierazpide okerra erabiltzeagatik, ez da lana zuzenduko eta ikasleari bi eguneko epea eskeiniko zaio lana edo idaztia zuzentzeko. Hizkuntzaren erabilera ez bada zuzena irakasleak irakasgaia ez gainditzea erabaki ahal izango du.



ERREFERENTZI ETA ZITAZIO ARAUAK: Erreferentzia arauak: Ikasleek zitazio arauak ezagutu eta erabili beharko ditu. Arau hauek bete ezean, plagioaren susmoa edo iruzurraren zantzua egotziko zaio egindako lanari. eta ikasketa batzordeari jakinaraziko zaio.



*Irakasgaia gainditzeko, atal guztiak gainditzea ezinbestekoa izango da.

**Irakaskuntza modalitatea %100 urrutikoa izatera pasatuko balitz, ebaluaketa aurrera eramateko eskatuko diren atazak bide telematikoen bidez (eGela edo antzekoak)gauzatu eta entregatuko lirateke.

Ebaluaketara eredu honetara aurkezten direnak, irakasgaiko jakintzak eta gaitasunak bereganatu dituela egiaztatu beharko ditu. Azken azterketa honetan, ahozko edo/eta idatzizko frogak izango dira.

Oharrak: Ikasturtean zehar egindako eta gainditutako lan partzial guztiak kontutan hartu ahal dira, ebaluaketa irizpideek hala agintzen dutenean. Azterketara ez aurkezteak deialdiari uko egitea suposatuko du.



*COVID-19ak sortuko dituen egoera bereziek horrela eskatuko balute, azterketa bide telematiokoen bidez egingo litzateke.

xxx

Bibliografía básica

xxx

Bibliografía de profundización

xxx

Revistas

xxx

Direcciones web

xxx