Jatorkin Al-Nahda elkarteak, etorkin magrebiarren integraziorako sortutakoak, urtero egiten duen "Nire diploma nire askabidea" ekitaldia da hau.   

Aurtengoan ere, "Nire diploma, nire askabidea" ekitaldia egiteko asmoa dute eta, ekitaldi honetan, zikloren bat, hau da, 4. DBH, Batxilergoa, Formakuntza profesionaleko graduren bat, Unibertsitate gradua... bukatu duten ikasle etorkin magrebiarrei sari bat banatuko zaie. Gainera, ekitaldian hezkuntza eta inmigrazio eremuko zenbait pertsonek parte hartuko dute hizlari gisa.   

Ekitaldia, Ekainaren 30an izango da Donostiako Hezkuntza, Filosofia eta Antropologia fakultateko (HEFA I) eraikin nagusiko Areto Nagusian (Aula Magna-n) arratsaldeko 17:00 etan. Bertan, parte hartzen duten ikasleei diploma eta sari bat emango zaie. Ondoren, luncha egongo da parte-hartzaile guztientzat. 

Gure fakultatean baldintza hauek betetzen dituen ikaslerik balego eta parte hartu nahiko balu, jar dadila harremanetan elkartearekin. (640 60 66 19 edo  jatorkin@hotmail.es helbidera idatzi).