Batetik, DIZIPLINA KONPETENTZIAK daude. Horietan, ikaslea gai izango da bere ezagutza eta ulermena erakusteko, ondokoei buruz:

- Gizabanakoaren, familiaren eta komunitatearen osasun egoeran eragina duten faktore psikologikoak eta sozialak.

- Talde-lanean eta lidergo egoeretan esku hartzen duten faktoreak.

- Osasunean eta gaixotasunean eragina duten faktore desberdinak

- Desgaitasunaren kontzeptua desgaituaren identitate politiko eta sozialetik begiratuta.

- Jarrera irekia eta kritikoa izatea bizitza sozialaren aurrean eta bertan izaten diren aldaketa prozesuen eta kezken aurrean.

- Osasunaren eremuko profesional gisa bete beharreko rolak eta erantzukizunak nork bere gain hartzea, populazioaren edo pertsonaren premien aurrean.

- Informazio iturriak eta komunikazioaren teknologiak jarrera kritiko batekin erabiltzea, osasunaren eremuetan informazio zientifikoa lortzeko, interpretatzeko, laburbiltzeko, komunikatzeko eta aplikatzeko.



ZEHARKAKO KONPETENTZIAK ondokoak lirateke:

- Komunikazioaren eta pertsonen arteko trebetasunen teoriak.

- Pazienteari arreta eraginkorra eta integrala ematea.

- Gainerakoen lanaren aurrean sentikorra eta errespetutsua izatea.

- Beste profesional batzuekin lankidetzan aritzea.

- Erantzukizunez lan egitea.



IKASKUNTZA–EMAITZAK

1.- Nortasunaren osagaiak eta oraingo psikologian egiaztatutako aldagai neurgarriak zeintzuk diren ikastea eta herentziaren eta ingurunearen etengabeko elkarrekiko eragina ezagutzea. Nortasunaren eboluzioa identifikatzea bizi-zikloan zehar. Nortasuna neurtzeko hurbilketa desberdinak bereizten jakitea (galdeketak eta teknika proiektiboak).



2.- Emozioen hiru osagaiak bereiztea (erantzun fisiologikoak, kognitiboak eta portaerazkoak), eta baita haietako bakoitzerako hurbilketa terapeutiko egokienak ere. Helduentzako antsietate eskala bat aztertzea eta aplikatzea, antsietatearen ezaugarriak eta antsietate egoera bereizteko. Antsietatearen eta tentsio muskularraren arteko lotura egiaztatzea: arnasteko eta erlaxatzeko teknikak esperimentatzea. Antsietatea aldagai fisiologikoekin lotzea (izerditzea, adibidez). Psikogalbanometro batek nola funtzionatzen duen ikastea.



3.- Aldagai psikosozial desberdinak ezagutzea (ingurunea, familia, kultura, talde soziala eta lanekoa, bizitzako gertaerak) eta hauetako nagusienak aztertzea, nortasunean duten eraginaren arabera. Funtzio psikiko nagusiak eta haien patologia azaltzea. Azterketa psikologikorako eta nahasmenduak identifikatzeko oinarrizko metodoak alderatzea.



4.- Gaixotasunen tratamenduaren aurrean, etiologian, bilakaeran eta erantzunean eragina izan dezaketen aldagai psikologiko eta sozial desberdinak aurreikustea. Talde-lanaren bitartez kontuan hartu behar diren aldagai psikosozialetan sakontzea eta aldagai hauek gaixotasunarekin eta aldaketa fisiologikoekin lotzea, gaixotasunaren ikuspegi psikosomatiko bat lortzeko. Psikoterapia desberdinak aztertu. Gaixotasunarenganako eta heriotzarenganako erreakzioak ulertu.

Kasu klinikoak aztertzea.

I BLOKEA. PSIKOLOGIARAKO SARRERA

1. Gaia. Psikologia irakasgaia Osasun Zientzietan. Kontzeptua eta Orokortasunak. Irakasgaiaren oinarri bibliografikoak.



II BLOKEA. PSIKOLOGIA OROKORRA ETA FUNTZIOEN PSIKOLOGIA

2. Gaia. Moldaketa eta homeostasia. Ikaskuntzaren prozesuak Medikuntzan.(1)

3. Gaia. Ikaskuntzaren prozesuak Medikuntzan.(2)

4. Gaia. Funtzio kognitiboak: Atentzioa, sentsazioa eta pertzepzioa. Psikopatologia.

5. Gaia. Funtzio kognitiboak: Pentsamendua, lengoaia eta oroimena. Inteligentzia. Psikopatologia.

6. Gaia. Emozioak eta afektibitatea. Psikopatologia.

7. Gaia. Motibazioa eta gatazka. Psikopatologia.

8. Gaia. Loa. Loaren asaldurak.

9. Gaia. Kontzientzia medikuntzan. Kontzientziaren asaldurak.



III BLOKEA. NORTASUNAREN IKASKUNTZA MEDIKUNTZA INTEGRALEAN.

10. Gaia. Nortasunaren teoriak.

11. Gaia. Nortasuna eta bere psikopatologia.



IV BLOKEA. GIZAKIAREN EBOLUZIO BIO-PSIKO-SOZIALA

12. Gaia. Jaio aurreko aldia eta bizitzaren lehenengo urtea. Lehenengo eta bigarren haurtzaroa. Psikopatologia.

13. Gaia. Nerabezaroa eta helduaroa. Psikopatologia.

14. Gaia. Zahartzaroa. Psikopatologia.



V BLOKEA. PSIKOPATOLOGIA MEDIKO-SOZIALA.

15. Gaia. Taldeen psikologia: familia, eskola eta lana. Psikopatologia.



VI BLOKEA. MEDIKUNTZA PSIKOLOGIKOA.

16. Gaia. Estresaren kontzeptua. Estresa eta gaixotasuna. Estresarekiko aurrematea. Estresaren psikopatologia.

17. Gaia. Mina. Minarekin erlazionatutako psikopatologia.

18. Gaia. Gaixotzearen alde psikologikoak. Gaixoa, medikua eta zaintzailea. Plazebo efektua. Iatrogenia.

19. Gaia. Mediku-paziente arteko harremana. Heriotza eta bere alde mediko psikologikoak. Gaixo terminala. Galeraren esperientziaren elaborazio psikologikoa.

20. Gaia. Psikoterapiaren kontzeptua. Psikoterapia motak: Dinamikoak; Psikoanalisia; Kognitibo-portaerazkoak. Beste psikoterapiak. Banakako psikoterapia. Komunitate terapeutikoak.



MINTEGIAK

1. Mintegia: Talde lanaren planteamendua. Informazio espezializatuaren bilaketa.

2. Mintegia: Talde lanaren jarraipena.

3. Mintegia: Talde lanaren ahozko aurkezpena.



LABORATEGIKO PRAKTIKAK

I Blokea. Nortasuna

Nortasunaren ebaluaketa objetiboa. Nortasunaren galdetegi baten autoaplikazioa. Zuzenketa. Interpretazioa. Tipologiak. Nortasun tipologia baten inguruko tailerra.

Froga proiektiboak. Froga proiektibo batekin talde praktika.

II Blokea. Emozioak

Emozioen ebaluaketa kognitibo subjektiboa. Emozioaren galdetegi baten autoaplikazioa.

III Blokea. Emozioak

Emozioen osagai fisiologikoa. Psikofisiologia. Gorputza integratua. Poligrafoa

IV Blokea. Emozioak

Emozioaren portaerazko osagaia. Interbentzio somatikoa antsietate nahastetan. Erlajazioa.

Emozioen osagai portaerazkoa-espresiboa.

V Blokea. Psikopatologia klinikoa

Kasu klinikoen aurkezpena.

Interesa duten patologia klinikoen eztabaida Lehenengo Mailako Atentzioan.

Mediku-paziente harremana eta ez ahozko komunikazioa.

VI. Blokea. Giza garapena

Lehen haurtzaroaren garapen psikologikoa.

Garapenaren mugarrien identifikazioa.



IKASGELAKO PRAKTIKAK

1. Praktika. Ohiturak. Ohitura aldaketak.

2. Praktika. Oroimena.

3. Praktika. Inteligentzia emozionala. Alexitimia. Pentsamendu intuitiboa.

4. Praktika. Supergaitasun intelektuala. Giza- Harremanak.

5. Praktika. Elikaduraren asaldurak.

6. Praktika. Adikzioak.

7. Praktika. Gaixotasun larria aurrematen.

8. Praktika. Dolua eta egokitzapena.

PSIKOLOGIA MEDIKAKO irakasgaia 3 ekintza desberdinek osatzen dute, klase teorikoek, klase praktikoek eta talde txikian ikasleek burututako lanak; talde lana klasean aurkeztu eta eztabaidatuko dute.

Irakasgai honen ezagutza eta gaitasunak eskuratzeko, ikasleek klase magistralak izango dituzte, bertan azalduko dira ikasi beharreko oinarri teorikoak. Guztira 27 klase teoriko dira. Eduki teorikoak barneratu ahal izateko 48 ordu ez presentzial aurreikusten dira.

Ikasleek taldean lan egiten eta aldagai psikologikoek patologia psikosomatikoetan duten eraginari buruzko informazio zientifikoa irakurri eta sintetizatzen ikas dezaten, ikerketa lana taldeka eta modu gidatuan egingo dute.

Gelako eta laborategi praktiketara eta mintegietara joatea derrigorrezkoa da.

Ikasleek, irakasleak gidatuta, lan bat egin beharko dute taldeka, kasuak erabiliz. Mintegietan lanaren inguruko zereginak lantzeko saioak egongo dira. Kurtsoko azkeneko praktika saioetan lanaren aurkezpena egingo da: lan idatziaren aurkezpena eta ahozko defentsa.

Laborategi praktiketan, ariketa praktikoen bitartez, emozioekin esperimentatuko dugu eta emozioak aztertzeko neurketa metodo desberdinak ikusiko ditugu. Nortasunarekin duten erlazioa aztertuko dugu. Emozioak ezagutu eta bizitzeko, erlaxazio teknikak ikasiko ditugu ere. Helburu hauek betetzeko hainbat bideo eta filma ere erabiliko dira.

Gelako praktiketan fenomeno desberdinak landuko ditugu. Kognizioak eta oinarrizko funtzio psikologikoen inguruko teknikak aztertuko dira ere. Horretarako froga desberdinak egingo dira non inteligentzia eta oroimena ere aztertuko diren, beste funtzio psikologikoekin batera.

Rol playing-a ere erabiliko da.

Hiru mintegietan, ikasleak idatzizko lana eta ahozko aurkezpena gartuko du. Mintegietan zehar tutoretzak egingo dira eta behin ezagutzak hartuta (lan kooperatibo eta irakasleak gidatzeari esker), ahozko aurkezpena egingo da, azkeneko mintegian. Idatzizko lana eta ahozko aurkezpena ebaluatuko dira. Ezagutza desberdinak integratuz lortutako ikaskuntza egoera erreal batera aplikatzeko baliagarria izan dadin. Mintegien lan ez presentziala 10 ordukoa da.

Kasuaren metodoan (KM) jardunbide profesionaletik ateratako benetako kasu bat aurkezten da eta bertan jorratzen dira, funtsean, kasu hori aztertzeko, erabakiak hartzeko, iritziak emateko eta ebaluazioak egiteko gaitasunak.

Kasua da ikaskuntza prozesuaren abiapuntua. Kasu hori ebazteko prozesuan ikasleek, irakaslea gidari dutela, kasuari dagozkion jakintzak bilatu eta eskuratzen dituzte. Metodoaren aldaera batean, kasua planteatzen da ikasleek jakintzak eskuratu ondoren (jakintza hori elkarlanean edo irakasleak azalduta eskuratzen da). Kasu horretan, proposamenaren helburua da ikasgai edo gai multzo bateko jakintzak integratzea eta benetako egoera batean aplikatzea.



Giza eboluzio biopsikosozialean zehar gertatzen diren fenomenoak ezagutuko ditugu, bereziki nerabezaroaren egoera, helduaroa eta zahartzaroa eta aldi horietan izaten diren premiak, ohiturak, bizimoduak, gatazken ebazpena eta abar. Mediku/paziente harremanaren alderdi nagusiak ere ikusiko dira. Trebetasunak maneiatzea: enpatia, komunikazio eraginkorra, kontsulta eskaera, lotura terapeutikoa, arrakasta terapeutikoa. Aldagai horiek guztiak psikologiarekin, psikopatologiarekin eta osasun mentalarekin lotuko dira.



IKD zentroko metodologia aktiboetan, ikaskuntza eraiki egiten da, ez hartu; ikasleek elkarrekin egiten dute lan, taldeka, eta ikasten dutena etengabe eztabaidatzen, argudiatzen eta ebaluatzen dute. Abiapuntuak dira benetako egoera edo arazoak eta jardunbide profesionala. Taldekideek lana banatu egiten dute, aurrera egiteko. Alde horretatik, ikasleen erantzukizunak dira taldearen lana eraginkorra izatea eta nork bere ikaskuntza prozesua gauzatzea.

Ikaskuntza kooperatiboa estrategia didaktiko bat da; ikasleek talde txikitan egiten dute lan, modu koordinatuan, atazak ebazteko eta ikaskuntza prozesua garatzeko. Ikasleek ez dute bakarrik ikasten. Banaka ere lan egin behar dute, baina lan hori taldean koordinatzen, antolatzen eta ebaluatzen da. Lan horiek egiteko, erabakiak taldean hartzen dira, eta bakoitzari egokitutako lanaren eta talde lanaren azken emaitza kide guztien erantzukizuna da.

Ikasle bakoitzak formazioan zehar dituen aurrerapenak baloratzeko ebaluazio jarraitua erabiliko da. Deialdi ofizialean dagokion datan amaierako froga bat egingo da.

Jarraian ikusten dira ebaluazio jarraitua egiteko sistemak eta tresnak, froga edo jarduera bakoitzerako puntuazioak eta nahitaezkotasunak edo ikasgaia gainditzeko gutxieneko notak agertzen dira.



1- Ebaluazio jarraitua: Ikasgaiaren %50a:



a. Taldeka egindako lana. Mintegietan landuko da, %20a (2 puntu gehienez azkenengo notan). Ikerketa lan honetan kasu batzuk landuko dira eta lan idatzia (%10a) eta aurkezpen lana (%10a) baloratuko dira. Lehenengo mintegian lanaren inguruko xehetasunak argituko dira.



b. Bertaratzea, partehartze aktiboa, gelako praktiketan eta laborategi praktiketan entregatutako lanak, %30a (3 puntu gehienez azkenengo notan). Justifikaziorik gabe ez bertaratzeak 0,2 puntu kenduko ditu. Justifikazioarekin ez bertaratzeak edo lanak erdizka entregatzeak 0,1 puntu kenduko ditu.



c. Azken azterketa: % 50a (5 puntu gehienez azkenengo notan)

Test motako azterketa izango da eta klase teorikoetan, praktikoetan, mintegietan eta gelako praktiketan landutako gaien inguruan galdetuko da. 50 galdera izango dira, erantzuteko 5 aukera duten test galderak izango dira, bakarra erantzun zuzena delarik. Erantzun zuzenek 0,1 puntu balio dute eta txarto erantzundako galdera bakoitzeko 1/3 kenduko da, hau da, 0,033.



Ebaluazio jarraituan, ikasgaiaren 3 zatiak gainditu behar dira (1a, 1b eta 2) ikasgaia gainditzeko eta batezbesteko nota egiteko.



2. Ebaluazio finala: Ikaslegoak ebaluazio jarraituari uko egin ahal izango dio eta azkenengo ebaluazio batekin ebaluatua ahal izango da, soilik, eskaera ikasgaiaren arduradunari, lauhilabetea hasten denetik 9 asteko epean egiten badio.

Ikasle hauek azkenengo azterketa bat egingo dute (%50a), banakako ikerketa-lan bat (%20a) eta gelako praktika eta laborategi praktiketan eman diren gaien inguruko azterketa praktiko bat (%30a). Ezinbestekoa da hiru zati hauek gainditzea (azkenengo azterketa, ikerketa lana, azterketa praktikoa) ikasgaia gainditzeko eta batezbesteko nota egiteko.



Ikasleak deialdiari uko egin diezaioke. Azkenengo ebaluaziora ez aurkeztea, deialdiari uko egitea izango da, eta ez aurkeztuaren kalifikazioa agertuko du. Ebaluazio jarraituari dagokionez, ikasleak deialdiari uko egin ahal izango dio, ikasgaia amaitu baino hilabete bat lehenago, irakasgaiaren arduradunari idazki bat eginez.



Printzipioz, amaierako ebaluazio-probak presentzialak izango dira. Ebaluazio horiek aurrez aurrekoak ez badira, Egela plataformaren bidez egingo da azterketa, kalifikazio metodoa eta galderen formatua mantenduz.



Era berean, ebaluazio jarraituaren banakako eta taldeko gainerako jarduera entregagarriek planteatutako gaitasunak bereganatzen direla ziurtatuko da.



Edonola ere, lehentasuna emango zaie banakako zein taldekako jarduera entregagarriei, ebaluazio jarraitua sustatzeko. Jarduera horiek planteatutako gaitasunak eskuratzera bideratuta baitaude.



Aurten Covid-en egoera dela eta, baliteke praktiken zati bat online formatuan egitea, ikasleen lan autonomoa erraztuz.

https://empezandoafilosofar.files.wordpress.com/2015/11/introduccion-a-la-psicologia-linda-davidoff.pdf

Alicata, Daniel, and Negar Jacobs. Problem-based behavioral science and psychiatry. Eds. Anthony Guerrero, and Melissa Piasecki. Springer, 2008.

Davidoff L.(1989). Introducción a la Psicología, Méjico, Mac GrawHill.https://es.scribd.com/document/276610438/Psicologia-Myers

Jeammet P, Reynaud M, Consoli SM (1999). Psicología Médica. 2ª edición. Barcelona. Masson.

Myers DG (2015). Psycology. Ed. Panamericana. 11ª ed.

Myers; D.G. (2011) Psicología. Ed. Panmericana.7ªed.

Seva Diez A. y col.(1994) " Psicología Médica (Bases psicológicas de los estados de Salud y enfermedad)". INO Reproducciones S.A.

Bibliografía básica

OINARRIZKO BIBLIOGRAFIA

Myers DG (2015). Psycology. Ed. Panamericana. 11ª ed.



Myers; D.G. (2011) Psicología. Ed. Panmericana.7ªed.



https://empezandoafilosofar.files.wordpress.com/2015/11/introduccion-a-la-psicologia-linda-davidoff.pdf



Beste oinarrizko bibliografia



Amigo Vázquez, I., Fernández Rodríguez, C., Pérez Álvarez, M., & Pérez Álvarez, M. (2009). Manual de psicología de la salud (3ª ed., Psicología). Madrid: Pirámide.



Alicata, Daniel, and Negar Jacobs. Problem-based behavioral science and psychiatry. Eds. Anthony Guerrero, and Melissa Piasecki. Springer, 2008.



Baum, Andrew, et al., eds. Cambridge handbook of psychology, health and medicine. Cambridge University Press, 1997.



Diaz, D. (2014). Psicología Médica. S.A. España: Elsevier.



Cortese, E.N.; Cortese, R.H.; Diaz; V.; Equisito, A.; Kuzmicki, R.A.; Pilatti, A.I.; Salvati, N.M Van Oostveldt, G. (2004). Psicología Médica Salud Mental. Argentina: Nobuko.

https://mmhaler.files.wordpress.com/2010/06/psicologia-medica-y-salud-mental2.pdf



Mayou R, Sharpe M, Carson A (2003). ABC of psychological medicine. BMJ Books

Bibliografía de profundización

Introducción a la psicopatología. Una visión actualizada – 3ª Ed. Editores; JI Eguiluz Uruchurtu, R Segarra Echevarría. Editorial Médica Panamericana, 2013. ISBN: 978-84-9835-693-9.

Introducción a la psicopatología y la psiquiatría. 7ª Ed. Editor; J Vallejo Ruiloba. Editorial Elsevier Masson, 2011. ISBN: 978-84-458-2034-6.

Bermúdez Moreno, J., & Pérez García, A. (2017). Psicología de la personalidad. Madrid: UNED - Universidad Nacional de Educación a Distancia.

Delgado, ML (2014). Fundamentos de Psicología para ciencias sociales y de la salud. Panamericana.

Diaz, D. (2014). Psicología Médica. S.A. España: Elsevier.

Goleman, D. (2015). Inteligencia emocional. Barcelona: Kairós.

Kolb, B.; Whishaw, I.Q. (2017). Neuropsicología Humana. Buenos Aires: Panamericana.

Merayo, A., Bravo, E., & Gordón, F. (2014). La comunicación con el paciente: Habilidades emocionales para los profesionales de la salud. Barcelona: Elsevier.

Molero Alonso, F., Molero, F., & Universidad Nacional de Educación a Distancia (España). (2017). Psicología de los grupos (1ª ed., Grado, 6201306). Madrid: UNED.

Molinuevo Alonso, B. (2018). La comunicación no verbal en la relación médico-paciente. Barcelona: Editorial UOC.

Olivares, J.; et al (2013). Intervención psicológica: Estrategias, técnicas y tratamientos. Madrid: Pirámide.

Pena Moreno, J. (2011). Manual de practica básica: Motivación y emoción (2a. ed.). Hoboken: John Wiley.

Redolar, D. (2015). El estrés. Barcelona: Editorial UOC.

Redolar, D. (2014). Neurociencia cognitiva. Buenos Aires: Panamericana.

Soler, J. (2015). Comunicación y atención primaria para alumnos de medicina. Madrid: Ediciones de la Universitat de Lleida.

Stassen, K. (2016). Psicología del Desarrollo. Infancia y Adolescencia/ Adultez y Vejez. Buenos Aires: Panamericana.