Euskal Autonomia Erkidegoko Batxilergoko 12.105 ikaslek eta Lanbide Heziketako goi mailako heziketa ziklo bat egin duten 662k Unibertsitatera Sartzeko Ebaluazioa (USE) hasiko dute asteazkenean, ekainak 8, Euskal Herriko Unibertsitatean. Guztizkoa, 12.767, iaz jasotakoaren antzekoa da, 2021ean 12.782 egon baitziren. 12.767 pertsona horiei aurreko ikasturteetako 585 ikasle gehitu behar zaizkie, nota igotzeko irakasgai espezifikoetara aurkezten direnak.
-
In memoriam: Arturo Muga
-
Violeta Pérez Manzano: «Nire ahotsa ijito bakar batengana iristen bada eta horrek inspiratzen badu, helburua bete dut»
-
Azukrea eta edulkoratzaileak. Zer jakin behar dut?
-
Athletic zuri ta gorria, zu zara nagusia, baina zertan? Gizonezko futbol profesionalaren gaitasun (im)mobilizatzaileari buruzko hausnarketa soziologikoa
-
Iñigo Argomaniz sustatzaileak eta Eli Arabaolaza ikertzaileak irabazi dute XXIII. Donostiako Orfeoia-UPV/EHU Saria
12.767 ikaslek egingo dute Unibertsitatera Sartzeko Ebaluazioa UPV/EHUn
Aurreko kurtsoetako 585 ikasle irakasgai batzuetara aurkeztuko dira nota igotzeko
- Albisteak
Lehenengo argitaratze data: 2022/06/03
Batxilergoko ikasle horiek campuska banatzen baditugu, 1.665k egingo dute Arabako Campusean, 6.038k Bizkaikoan eta 4.359 Gipuzkoakoan. Eta LHtik datozenetatik, 92k egingo dute Arabako Campusean, 299k Bizkaiko Campusean eta 238k Gipuzkoakoan. Bi bide horietatik 76 ikasle ez daude campus batera atxikiak (UPV/EHUn azterketa egitea eskatu duten ikasleak dira).
Hizkuntzari dagokionez, Batxilergoko ikasleen % 76,18k (9.221 ikasle) euskaraz egingo dute proba, eta % 23,82k (2.884) gaztelaniaz. LHko ikasleei dagokienez, % 56,04k (371) euskaraz egingo dute proba, eta % 43,96k (291) gaztelaniaz.
Azkenik, Unibertsitatera Sartzeko Ebaluaziora aurkezten diren Batxilergoko ikasleen % 57,22 emakumeak dira eta % 42,78 gizonak. LHko ikasleen kasuan, % 67,37 emakumeak dira eta % 32,63 gizonak.
Premia bereziak dituzten Ikasleak
Premia bereziak dituzten 513 ikaslek unibertsitatera sartzeko ebaluazio proba egiteko egokitzapenak beharko dituzte. Aurreko ikasturteko ikasle kopurua kontuan hartuta, guztira 411, aurten %24,85eko igoera izan da.
Sarbide probetan egokitzapenak indarrean dagoen araudiak aitortzen dituen eskubidea dira eta neurri horrek ikasle guztiek probarako sarbidea izatea eta aukera berdintasuna bermatzea ziurtatzen du.
Desgaitasunak dituzten Pertsonentzako Zerbitzuak editatzen duen gida “Sarbide probetarako jardunbide egokien gida 2022” eskuragarri dute epaimahaiek.
39 epaimahai
Ohi denez, USE hiru egunetan egingo da, asteazkenetik, ekainak 8, ostiralera arte, hilak 10. 2020an eta 2021ean ez bezala, epaimahai guztiek egoitza izango dute Euskal Herriko Unibertsitatean (Eibarko bat izan ezik, Gipuzkoako Ingeniaritza Eskolan eta Uni Eibar-Ermuan banatuko baita. Halaber, ikasgelak aireztatzeko protokolo bat ezarri da. Azterketei dagokienez, pandemian sortutako egitura malgua mantendu da.
USEari buruzko informazio guztia: https://www.ehu.eus/eu/web/unibertsitaterako-sarbidea/home/use/ohiko-deialdia
2022ko USE EGINGO DUTEN IKASLEEN DATU XEHATUAK:
| BATXILERGOA | GAZTELERA | EUSKARA | GUZTIRA SEXUKA | GUZTIRA CAMPUSKA | |
|---|---|---|---|---|---|
| ARABA | Emakumeak | 295 | 676 | 971 | 1.665 |
| Gizonak | 239 | 455 | 694 | ||
| BIZKAIA | Emakumeak | 974 | 2.456 | 3.430 | 6.038 |
| Gizonak | 736 | 1.872 | 2.608 | ||
| GIPUZKOA | Emakumeak | 339 | 2.157 | 2.496 | 4.359 |
| Gizonak | 259 | 1.604 | 1.863 | ||
| *CAMPUSERA ATXIKI GABE | Emakumeak | 29 | 1 | 30 | 43 |
| Gizonak | 13 | 0 | 13 | ||
| GUZTIRA | 2.884 | 9.221 | 6.927 emakume |
12.105 | |
| 5.178 gizon |
|||||
* Campusetara atxikita ez dauden baina UPV/EHUn azterketa egiteko eskatu duten ikasleak.
| LANBIDE HEZIKETA | GAZTELERA | EUSKARA | GUZTIRA SEXUKA | GUZTIRA CAMPUSKA | |
|---|---|---|---|---|---|
| ARABA | Emakumeak | 31 | 32 | 63 | 92 |
| Gizonak | 16 | 13 | 29 | ||
| BIZKAIA | Emakumeak | 98 | 107 | 205 | 6.038 |
| Gizonak | 48 | 46 | 94 | ||
| GIPUZKOA | Emakumeak | 47 | 105 | 152 | 238 |
| Gizonak | 24 | 62 | 86 | ||
| *CAMPUSERA ATXIKI GABE | Emakumeak | 20 | 6 | 26 | 33 |
| Gizonak | 7 | 0 | 7 | ||
| GUZTIRA | 291 | 371 | 446 emakume |
662 | |
| 216 gizon |
|||||
* Campusetara atxikita ez dauden baina UPV/EHUn azterketa egiteko eskatu duten ikasleak.