EHUko Arabako campuseko irakasle talde batek baratze bat izatearen onura ikusten dugu. Baratze hau, ikasleek irakaskuntza erakargarriago eta eraginkorrago jasotzeko baliabide interesgarri bat izango litzateke, baita zeharkako gaitasunak lantzeko eta ingurumen- eta jendarte-jarrera arduratsuak garatzeko ere.

Campusetik gertu dagoen Ama salesen komentuaren 'Jesúsen jantokia' deritzon jantoki sozialak 600 m2-ko lur-eremu bat utzi zuen Unibertsitatearen esku, bertan kurtsoan egiteko, jantokira doazen lagunek Unibertsitateko ikasleekin batera kurtsoetan parte hartzeko aukera izatearen truke.

Monitoreei ordaintzeak edota haziak eta aldaxkak erosteak sortutako gastuei aurre egiteko, UPV/EHUko Ikasleen, Enpleguaren eta Gizarte Erantzukizunaren arloko Errektoreordearen Unibertsitateko Gizarte Erantzukizunerako Zuzendaritzak diru-laguntza bat eman zuen.

2014ko apirilaren eta maiatzaren artean lehenengo bi kurtsoak eman dira, non graduko 12 ikaslek, jantoki sozialeko 4 lagunek, Esperientziako geletako 2 ikaslek eta irakasle batek hartu zuten parte.

Esperientzia hau oso positiboa izan da. Izan ere, parte-hartzaileek erdi hutsik zegoen lur-eremu bat barazkiak ematen ari den baratze bihurtu dute, eta aberastu dira pertsona gisa parte-hartzearen, sormenaren eta bizikidetzaren bidez.

GERTURA ZAITEZ GU IKUSTERA!