Orain dela mende erdi bat hasi zuen bere ibilbide profesionala Ingeniaritzako promozio berri batek. Orain, hainbeste urte pasa ondoren haien ikastegia izan zenera itzuli dira ikasle ohiak hain zenbaki biribil hori ospatzera. Ekitaldiak osagai guztiak zituen hunkigarria bihurtzeko: harrera Eskolan, bueltatxo bat instalazioetatik, orlen banaketa, photocall, MITen irakasten duen promozioko ikaskide baten hitzaldia… Eta… kontu hauek amaitu behar diren moduan, solasaldi lasai batekin bazkarian oso ezaguna den Bilboko jantoki batean: Zorionak!