Deskribapena

Ostegunean, azaroaren 25ean, 18:00etan, Universidad del País Vasco/Euskal Herriko Unibertsitatearen Letren Fakultateko Areto Nagusian, UPV/EHUren Hezkuntza eta Kirol Fakultateko Haur Hezkuntzako eta Lehenengo Hezkuntzako graduetako 2019-2020 eta 2020-2021 ikasturteetako ikasleak graduatzeko ekitaldia egingo da.

Manoli Igartua Olaechea Arabako Campuseko errektoreordeak zuzenduko du ekitaldia eta bertan izango da Miren Artaraz Miñón Eusko Jaurlaritzako Unibertsitate Politika eta Koordinazioko zuzendaria. Ikasle graduatuei diplomak eman aurretik, hitzaldia emango du Miguel Ángel Santos Guerra Malagako Unibertsitateko katedradun emerituak.