Deskribapena

XXXVIII Uda Ikastaroen Irekiera-ekitaldia izango da Donostiako Miramar Jauregian. Ikasgai magistrala Javier Aizpuruak eskainiko du, CFM-Materialen Fisika Zentroko (UPV/EHU-CSIC zentro mixtoa) zuzendariak eta DIPC-Donostia International Physics Centre-ko kideak. Aizpurua argiaren eta materiaren arteko elkarrekintza aztertzen ari da nanoeskalan, eta arreta berezia jarri du nanoantena metaliko eta plasmonikoen erantzun optikoan. Hiztaldiaren izenburua: 'Argia txiki egiten denean'.

Ekitaldian izango dira:

• Iñigo Urkullu, Lehendakaria
• Nekane Balluerka, UPV/EHUko errektorea
• Markel Olano, Gipuzkoako Foru Aldundiko diputatu nagusia
• Eneko Goia, Donostiako Alkatea
• Rafael Pardo, BBVA Fundazioko zuzendaria
• Itziar Alkorta, Uda Ikastaroen zuzendaria