Deskribapena

Euskal Herriko Unibertsitatearen Antzinateko Zientzien Institutuak (ICA/AZI) ‘Antzinaroaren irakurketak’ izeneko urteroko hitzaldi zikloa antolatu du, aurten ‘Gerra eta bakea antzinako munduan’ izenburupean.

Hitzaldiak urriko astelehen guztietan egingo dira, Arabako Campuseko Micaela Portilla Ikerguneko ekitaldi aretoan, aurrez aurre, eta modu birtualean ere jarraitu ahal izango dira.

Zikloari hasiera emateko, ‘Cuando las armas hablan: el escudo’ [Armak mintzo direnean: ezkutua] hitzaldia emango du UPV/EHUko Alejandro Martínez Sobrinok.