Arabako Esperientzia Gelek XIX. promozioko ikasleen graduazio zeremonia ospatu zuten, Manoli Igartua Olaechea Arabako Campuseko errektoreordea buru zela. Honez gain, ekitaldian Mª Jesús de Orte Lagunak hartu zuten hitza, ACAEXA-AEIKE Esperientzia Geletako ikasle ohien kultur elkartearen ordezkari gisa, eta Mª Teresa Larrazabalek eta Ángel Ramonek, promozioko tituludun berrien bozeramaile gisa. Aritz Ruiz González Arabako Campuseko Esperientzia Gelen zuzendariak aurkeztu zuen ekitaldia.

Giza Zientzietako tituludun ikasleei diplomak eman aurretik, Daniel Innerarityk, UPV/EHUko Ikerbasque ikerlariak eta Florentziako Europako Institutuko Adimen Artifiziala eta Demokrazia Katedraren titularrak, ‘Krisien gizartea’ izeneko hitzaldia eskaini zuen ikasturteari amaiera emanez.