Deskribapena

Asteazkenean, martxoaren 30ean, 19:15etan, UPV/EHUren Letren Fakultateko Areto Nagusian (Unibertsitateko pasealekua, 5, Vitoria-Gasteiz), Arte Erromanikoari buruzko V. Jardunaldien beste hitzaldi bat izango da. Oraingo honetan, ‘Del Mediterráneo al Valle del Ebro. Un camino de peregrinación entre monumentales obras del siglo XII’ [Mediterraneotik Ebro bailarara. XII. mendeko lan monumentalen arteko erromesaldia] izango du izenburua, Esther Lozano UHUNeko irakaslearen esku.

Aurtengo edizioaren antolatzaileak dira Arte Erromanikoaren Arabako Elkarteak, Euskal Herriko Unibertsitateko Arabako Esperientzia Gelak, UPV/EHUko Artearen eta Musikaren Historia Sailak, Gasteizko Teologia Fakultateko Elizaren Historia eta Kristau Artearen Sailak eta Kalearte Turismo eta Kultura Saila.  Hauez gain, Erromanikoaren Lagunak Elkartearen, ACAEXAren, Arabako Foru Aldundiaren eta Vital Fundazioaren babesa dute.

Saioak zabalik daude jende guztiarentzat eta nahitaez erabili beharko da maskara.  Edukiera unean une indarrean dagoen arautegiaren araberakoa izango da.