Eusko Jaurlaritzako Ekonomiaren Garapen eta Azpiegitura sailburu Arantxa Tapia gaur goizean UPV/EHUko Ekonomia eta Enpresa Fakultatean izan da, Donostian. Unibertsitateak konpromisoa dauka genero berdintasunarekin, eta, horren erakusgarri, aipatutako ikastegiko berdintasunerako batzordeak sailburua gonbidatu du hitzaldia eskaintzea. Izenburua: ‘Industriaren erronkak: gazteak eta generoa’.