euskaraespañol

Gaurko irudia

‘Arteak eta euskal diaspora' kongresua

Noiz eta non

Noiztik: 2016/02/25 Noiz arte: 2016/02/19

Irudia

Deskribapena

Otsailaren 25 eta 26an egingo da Baionan (Euskal Museoa) eta Donostian (San Telmo Museoa) ‘Arteak eta euskal diaspora (XIX-XXI mendeak)' izeneko nazioarteko kongresua. Antolakuntza Eusko Ikaskuntza eta Ezmugak kultur proiektuetarako plataformaren ardura izan da eta erakunde eta instituzio ezberdinen laguntza izan du, besteak beste, ‘Euskal Herria eta Amerika: lotura eta harreman atlantikoak' ikertaldearena, Universidad del País Vasco/Euskal Herriko Unibertsitatearen Erdi Aroaren, Aro Berriaren eta Amerikaren Historia sailekoa.
Elkarretaratzearen bidez, euskal diasporaren gaineko gogoeta aberastu nahi da, bai eta migrazio eta erbesteratzea izan duten herri gutxituen ingurukoa ere, eta hausnarketa egin garaiko, hau da. XVIII. mendetik egunera arteko, artearen adierazpideen bidez: Pintura, eskultura, arkitektura, zinea edo argazkilaritza.

Alderdi zientifikoaz harago, ‘Arteak eta euskal diaspora' kultur proiektuak egungo arteari dagokion sormenezko erakusketa-lehiaketa ere badakar, euskal geografia osoan barrena eramango dena, bai eta film eta dokumentalen ziklo bat ere.

Informazio zabalagoa: http://www.paisvascoyamerica.eu/?p=1095