Deskribapena

Asteazkena, irailaren 21ean, 11:00etan, Universidad del País Vasco/Euskal Herriko Unibertsitatearen Letren Fakultateko Areto Nagusian, atzerritik Arabako Campusa bisitatzera datozenei ongietorria egiteko ekitaldia (Orientation Day) egingo da.

Unibertsitateko erakunde ordezkarien ongietorria jasotzeaz gainera, truke programako ikasleek UPV/EHUko ikasleentzako unibertsitate zerbitzuak ezagutu ahalko dituzte; halaber, campusek antolatzen dituzten kirol eta kultura jarduerak eta hirietan aisiarako eta astialdirako dauden aukerak ezagutuko dituzte. Behin ekitaldia amaituta, Nazioarteko Harremanen Bulegoak bazkari bat eskainiko die nazioarteko bisitariei beraien arteko adiskidantzazko loturak sendotzeko.

Ekitaldiaren programa:
- Javier Garaizar, UPV/EHUren Arabako Campuseko errektoreordearen agur-hitzak.
- Nekane Balluerka Graduondoko Ikasketen eta Nazioarteko Harremanen arloko errektoreordearen agur-hitzak.
- Estibaliz Canto Llorente Vitoria/Gasteizko udaleko Kultura, Hezkuntza eta Kirol saileko zinegotzi ordezkariaren agurra.
- Bisitarientzako unibertsitateko zerbitzuei buruzko aurkezpena, Nazioarteko Harremanen Bulegoa.
- Erasmus Student Network Bilbao Ikasle Elkarteko lagunek lehenengo lauhilekorako prestatu dituzten ekimenak aurkeztuko dituzte.