Deskribapena

Asteazkenean, azaroaren 30ean, 17:30etan, UPV/EHUren Areto nagusian (Sarriena Auzoa, z/g) egingo da 2015-2016ko Gizarte Hezkuntzako, Haur Hezkuntzako eta Lehen Hezkuntzako graduetako 4. promozioko graduazio ekitaldia.

Guztira graduatu dira 380 lagun, 308 emakumezko eta 72 gizonezko: Gizarte Hezkuntzako Graduan, 72; Haur Hezkuntzakoan, 142; eta Lehen Hezkuntzakoan, 166.
Bestalde, promozioko sari bereziaren aintzatespena jasoko dute hurrengoek:

• Lehen Hezkuntza: Tamara Castro García eta Sara Fernández Fernández
• Haur Hezkuntza: Iratxe Antón Vázquez eta Haizea Barrios Gómez
• Gizarte Hezkuntza: Luis Corra Solaguren eta Maider Escurza Zubiaur.

Ekitaldian zehar 2015-16 ikasturtean jubilatutako irakasleak eta Eskolan 30 urte daramatzaten langileak omenduko dira.

Ekitaldian parte hartuko dute:

• Iñaki Goirizelaia, UPV/EHUko errektorea
• Gurutze Ezkurdia, Bilboko Irakasleen Unibertsitate Eskolako zuzendaria
• Cristina Uriarte, Hezkuntza, Hizkuntza Politika eta Kultura sailburua
• Aitor Alonso, Gizarte Hezitzaileen Euskadiko Elkargoko kidea

UPV/EHUko koroaren emanaldiarekin bukatuko da ekitaldia