Deskribapena

Asteazkenean, maiatzan 10, arabar campuseko unibertsitate pabilioian (Apraiztarrak 1, 01006 Vitoria/Gasteiz), 19:00etan hasita, Niña Coyote eta Chico Tornadoren kontzertua izango da, EHUkultura programazioaren jardueren barruan.

Euri franko egin du Niña Coyote eta Chico Tornadokoak euskal musikaren panoraman agertu zirenetik. Bi egunetan osatutako taldeak ez dira berriak guretzat eta ohituta gaude era honetako proposamenetara. Ursula Strong (bateria) eta Koldo Soret (gitarra eta ahotsa) dira Ñiña Coyote eta Chico Tornado eta beren disko berriak EATE du izena. Bikoak auto-ekoitzi eta Pozoi Records zigilupean kaleratu du lan berria.

Diskoa CD irakurgailuan sartu eta berehala sumatzen dira ekaitzak, tximistak, suak, haizeteak eta uholdeak. EATEren erreinuan gaude jakina. Natura erlaxaturik agertzen da jendeak urtetan eta urtetan eragindako jardunaren ondorioz. Sugarrezko gitarrak, melodia uholdeak, distortsio haize-erauntsiak, erritmo kazkabarrak, suzko tximistak.... Hori da EATE: ekaitzaren, suaren, uholdeen eta haizeteen jeinua.

Sarrera dohainik eserlekuak bete arte.