Deskribapena

Ostegunez, irailak 13, 11:00etan hasita, Gasteizen, Universidad del País Vasco/Euskal Herriko Unibertsitatearen Letren Fakultateko Areto Nagusian, Arabako campuseko nazioarteko eta SICUE ikasleei ongietorria emateko ekitaldia egingo da, Koordinazioaren eta Nazioarteko Harremanen arloko Errektoreordetzak antolatuta.
Unibertsitateko erakunde ordezkarien ongietorria jasotzeaz gainera, truke programako ikasleek UPV/EHUko ikasleentzako unibertsitate zerbitzuak ezagutu ahalko dituzte; halaber, campusek antolatzen dituzten kirol eta kultura jarduerak eta hirietan aisiarako eta astialdirako dauden aukerak ezagutuko dituzte. Ekitaldiaren ostean, Nazioarteko Harremanen bulegoak bazkaria eskainiko die ikasle bisitariei, beren arteko adiskidetza sustatzeko.

Ekitaldiaren programa:

11.00: Famili argazkia Letren Fakultatera sartzeko eskaileretan.

11.05: Marta Barandiaran Landin Koordinazioaren eta Nazioarteko Harremanen arloko errektoreorde andrearen ongietorria

11.15: Iván Igartua Arabako Campuseko errektoreordearen agurra.

11.25: Estíbaliz Canto Llorente Vitoria/Gasteiz Udaleko Kultura, Hezkuntza eta Kirol Saileko zinegotziaren agurra.

11.35: Harrera bulegoaren aurkezpena (UPV/EHUn, ikasteaz gain, zer egin dezakezu eta aholkuak egonaldi ahantzezina izan dadin)

12.15: UPV/EHU ESN Vitoria/Gasteiz ikasleen elkartearen aurkezpena

12.45: Oparien zozketa

13.00: Bazkaria campuseko unibertsitate pabiloiko jantokian