dateStartAll: 2020/03/10, 9:15

province: (Bizkaia)

Euskal Herriko Unibertsitateko Bizkaiko Campuseko Enplegu Foroa

  • Ekitaldia

Noiz eta non

2020/03/10, 09:15

Kokapena

Bizkaia Aretoa
Avenida Abandoibarra 3. -48009- Bilbao (Bizkaia)

Deskribapena

Bizkaiko Campuseko Enplegu Foroaren helburua da Euskal Herriko Unibertsitateko ikasleen eta tituludunen enplegagarritasuna hobetzea; eta, halaber, gazte horien eta profil jakinen bila diharduten enpresen arteko harremanak ahalbidetzea. Era berean, ikasleentzako, enpresentzako eta instruktoreentzako formazio eta aurkezpen saioak antolatu dira. Foroen antolaketan Lanbidek lagundu du. UPV/EHUk antolatutako Enplegu Foroetatik azkena izango da. Otsailaren 27an lehen foroa Gipuzkoako Campusean egin zen; martxoaren 5ean, Araban, Vitoria-Gasteizko Udalarekin elkarlanean antolatua.

Bizkaiko Campuseko Enplegu Foroan 65 enpresak eta 5 erakunde publikok hartuko dute parte eta 169 lan eskaintza inguru egongo dira. Horretaz gain, 70 stand antolatuta daude eta ekitaldian mota desberdinetako jarduerak egingo dira.

Programa ongietorria emateko ekitaldi batekin hasiko da, 9:15ean, Txelo Ruiz, Euskal Herriko Unibertsitateko Ikasleen eta Enplegagarritasunaren errektoreorde eta Patxi Juaristi, Bizkaiko Campuseko errektoreordearekin. Geroago, 9:45etik aurrera, Enpresen eta hautagaien arteko lehen kontaktua emango da eta enpresen mahai inguruak sektoreka antolatuko dira. Ostean, 12:30etik aurrera, Lanbideren programen aurkezpena hasiko da (enpresentzako).  13:00etan Gaitasun digitalei buruzko jardunaldia egingo da (Ikanos.eus) Azkenik, Networking Lunch batek, 14:30ean, jarduerari amaiera emango dio.

Irekiera Ekitaldian izango dira:

  • Patxi Juaristi, UPV/EHUko Bizkaiko Campuseko errektoreordea.
  • Susana González, Bizkaiko Foru Aldundiko Enplegu zuzendaria.
  • Xabier Otxandiano, Bilboko Udaleko Garapen Ekonomiko, Merkataritza eta Enplegu Saileko zinegotzia.
  • Txelo Ruiz, UPV/EHUko Ikasleen eta Enplegagarritasunaren arloko errektoreordea.