G9 unibertsitate taldearen Nazioarteko Harremanen Batzorde Sektorialak partekatu egin ditu nazioarteko harremanen eremuko berrikuntzan izandako zenbait esperientzia atzo eta gaur Kantabriako Unibertsitatean izandako bileran.
-
In memoriam: Arturo Muga
-
Violeta Pérez Manzano: «Nire ahotsa ijito bakar batengana iristen bada eta horrek inspiratzen badu, helburua bete dut»
-
Azukrea eta edulkoratzaileak. Zer jakin behar dut?
-
Athletic zuri ta gorria, zu zara nagusia, baina zertan? Gizonezko futbol profesionalaren gaitasun (im)mobilizatzaileari buruzko hausnarketa soziologikoa
-
Iñigo Argomaniz sustatzaileak eta Eli Arabaolaza ikertzaileak irabazi dute XXIII. Donostiako Orfeoia-UPV/EHU Saria
G9 unibertsitate taldea bere nazioarteko proiektuak berrikusteko bildu da
Kantabriako Unibertsitatean egin da G9 taldearen unibertsitate publikoetako nazioartekotze arduradunen topaketa
- Albisteak
Lehenengo argitaratze data: 2019/05/30
Gogoeta egin da G9 unibertsitate taldeak nazioarteko titulazio bikoitzen gainean izandako esperientziaz, baita KA107 proiektuetako parte hartzeaz ere. Batzordera bertaratuek joan den azaroan Kolonbiako Graduondokoen Azokan G9 taldeak izandako asistentziaz ere hausnartu dute, eta aurtengo deialdira joateko aukeraz ere jardun dira.
Bestalde, G9 taldearen eta atzerriko erakundeen arteko hitzarmenak birpasatu dira, eta joan den martxoan Nafarroako Unibertsitate Publikoan egindako Ingelesezko Bakarrizketen IV. Lehiaketaren balantzea egin da. G9 taldearen “Garapenerako Lankidetzako Doktorego Tesiak” V. Sariko oinarriak ere berrikusi dira bileran.
G9 Unibertsitate Taldea
G9 unibertsitate taldea elkarte bat da, kasuan kasuko erkidego autonomoko unibertsitate publikoek osatua: Kantabriako Unibertsitatea, Gaztela-Mantxako Unibertsitatea, Extremadurako Unibertsitatea, Balear Uharteetako Unibertsitatea, Errioxako Unibertsitatea, Oviedoko Unibertsitatea, Euskal Herriko Unibertsitatea, Nafarroako Unibertsitate Publikoa eta Zaragozako Unibertsitatea.