Deskribapena

Azaroaren 3an, osteguna, 18:00etan, Vitoria-Gasteizko Ingeniaritza Eskolako ekitaldi-aretoan, 2021-2022 ikasturteko ikasleen graduazio-ekitaldia egingo da. Ikasturte horretan 166 ikasle graduatu ziren guztira.

Gainera, titulazio bakoitzeko espedienterik onenaren sariak banatuko dira, eta Sankyo Desarrollos Técnicos S.L. enpresa aintzatetsiko da, Eskolarekin lankidetzan aritzeagatik.

Ekitaldiaren buru Euskal Herriko Unibertsitateko Arabako Campuseko errektoreorde Manoli Igartua Olaechea izango da, eta bertan izango dira Ramiro González, Arabako ahaldun nagusia, Gorka Urtaran, Gasteizko alkatea, Miren Artaraz Miñón, Eusko Jaurlaritzako Unibertsitate Politika eta Koordinazioko zuzendaria, Inés Gómez, Sankyo Desarrollos Técnicos SLko Finantza zuzendaria, eta Zuriñe Gómez de Balugera López de Alda, Eskolako zuzendaria.