Deskribapena

‘REDES, Foro Multidisciplinar de Pensamiento y Debate en Fotografía y Teoría de la Imagen’ jardunaldiak egingo dira Bizkaia Aretoan, urriak 17 eta 18an. Gaur egungo argazkigintza eta bere teoriari buruzko ezagutzaren hartu-emanerako topagune nahi du izan ekimen horrek.

Jardunaldietan hitzaldiak eta mahainguruak egingo dira, eta argazkigintzaren arloko sorkuntza, komisariotza, irakaskuntza eta ikerkuntzan ari diren hizlari eta partehartzaileak izango dira han. Gainera, jardunaldiarekin batera BilbaoArten ‘Mil imágenes y una palabra’ tailerra emango du Fosi Vegue argazkilariak.

Jardunaldi eta lansaioak Muga-k antolatu ditu, UPV/EHUko Arte Ederren Fakultatearen laguntzarekin, eta Bizkaiko Foru Aldundiaren, Eusko Jaurlaritzaren eta Kultura eta Kirol Ministerioaren babesa du.

Sarrera doakoa eta librea da, aretoa bete arte. Informazio gehiagorako:

https://e-lur.net/redes/