Deskribapena

Ekainaren 21ean, asteartez, 12:00etan, Eusko Legebiltzarreko Tomás Moro aretoan (Becerro de Bengoa kalea, z.g. Vitoria-Gasteiz) Euskal Herriko Pentsamendu Politiko eta Sozialaren Klasikoak bildumako bi liburu berri aurkeztuko dira: ‘Pasionaria. Escritos y discursos de Dolores Ibárruri’ eta ‘Los hombres se asustan. Benita Asas Manterola y su papel en la lucha feminista (1908-1957)’ Juan Avilés UHUNeko Historia Garaikideko katedradunak eta María José Villa Euskal Herriko Unibertsitateko Historia Garaikidea Saileko ikertzaileak, hurrenez hurren, idatziak.

Ekitaldiaren hasiera Bakartxo Tejeria Eusko Legebiltzarreko presidenteak egingo du eta liburuak José Luis de la Granja eta Mikel Urquijo UPV/EHUko Historia Garaikideko katedradunek aurkeztuko dituzte.