Deskribapena

Azaroaren 15etik 19ra bitartean, Euskal Herriko Unibertsitateko Arabako Campuseko Vitoria-Gasteizko Ingeniaritza Eskolako Areto Nagusian Minorkult Jardunaldiak egingo dira, oraingo honetan ‘Hezkuntza globaletik kulturartekotasunera: zubiak eraikitzen eskolaren eta komunitateen artean’ izenburupean.

Minorkult-Zubigintza, profesional, ordezkari publiko, elkarte ezberdin, irakasle eta adituen arteko topagunea da. Bertan eskubide zein eginkizun berdinak dituzten artean kulturartekotasun ideala eraikitzea da helburu. Horretarako, esperientzia, bizipen, proiektu eta mahai inguruak gauzatuko dira, bakoitzak bere kulturari uko egin gabe beste kulturekin harremana sustatuz. Era honetan, Kulturarteko Vitoria-Gasteiz bat bultzatuko da, gizarte eta mundu hobe bat erdiesteko.

Aurtengo edizioan aipagarria da nazioarteko adituak izan direla, hala nola Francisco Rodríguez, Ignasi Vila, Michael Handelman edo Andrea Khalfaoui.