Montmeló-n parte parte hartu duten 10 unibertsitate onenen artean sailkatu da Formula Student taldea

Bederatzigarren postua lortu du motor elektrikoen sailkapen orokorrean eta zortzigarrena azken lasterketan

  • Albisteak

Lehenengo argitaratze data: 2019/08/28

Formula Student 2019 taldea. Argazkia: UPV/EHU.

El equipo Formula Student Bizkaia de la Escuela de Ingeniería de Bilbao ha logrado este pasado fin de semana revalidar en el circuito de Barcelona (Montmeló) el brillante resultado logrado en Silverstone en julio, al clasificarse entre las 10 mejores universidades participantes. En concreto, se ha aupado hasta la novena posición en la categoría de motor eléctrico en la que ha competido.

21 herrialdetatik etorritako unibertsitateetako 86 taldek hartu dute parte Formula Student Spain probaren hamargarren edizioan. Ingalaterrako Silverstone zirkuituan egiten den proba bere generoko beteranoena eta ospetsuena den arren, Espainiako probak azpimarragarrienen artean finkatzea lortu du hamarkada batean.
 
Etenik barik Silverstonen 2008tik eta Montmelón 2011k lehiatu den Formula Student Bizkaia taldearentzat, aurtengoa oso partaidetza berezia da, bi probatan “Top Ten”-aren barruan sailkatzea lortu baitu (10. lekuan Ingalaterrako zirkuituan eta 9.ean Kataluniakoan), bere marka guztiak gaindituz.
 
Sailkapen orokorrean lortu duen 9. postuaz gain, FSB2019k beste emaitza azpimarragarri batzuk lortu ditu Montmelóko asfaltoaren gainean: 5. postua energia eraginkortasunean, 8. lekua Erresistentzian, 9.a Kostuan, Fabrikazioan eta Jasangarritasunean eta 10.a Diseinuan. Eta zenbaketa orokorrean, taldeak orain arte lortutako puntuaziorik onena lortu du Formula Student Spainen izan dituen bederatzi parte hartzeetatik.
 
Montmelón egin ziren proba ugarien artean, FSB2019k oso lan berezia egin du Erresistentzian. Lehiaketa oso tenperatura altuko baldintzetan egin zen, eta horrek zailtasunak ekarri zizkien parte hartu zuten ibilgailuei. FSB2019ren kasuan, monoplazak bateriak hozteko sistema berri eta oso lehiakorra erabili zuen, eta bolantean jarri ziren ikasleek etekin handiena atera zieten automobilari eta bateriari, gidatzen ari ziren bitartean tenperaturari eustea lortuz.
 
Formula Student Bizkaia taldea Eskolako 54 ikaslek eta lau irakaslek osatzen dute, eta UPV/EHU ordezkatuz bere generoan mundu osoko unibertsitate mailako proba ospetsuenean parte hartu duen monoplaza karbono zuntzeko kaskobakarreko txasisa duen auto elektrikoa da, 2,5 metro luze eta 1,8 metro zabal dena eta 210 kiloko pisua duena. Orduko 0tik 100 km-ra heltzeko hiru segundo behar ditu, eta potentzia osoan (110 CV) eta puntako abiadurako orduko 110 kilometroko abiaduran 22 kilometroko autonomia du.
 
Autoa diseinatu eta egiteko 200.000 euroko aurrekontua izan dute eta horretarako Bizkaiko Foru Aldundia, Bilboko Udala, AIC-Automotive Intelligence Center, Sener, Batz Group, Ingemat, Tecnalia, Aludium, Alunid, Inarak, Irizar Group, EVE, BEC, Aernnova, FemEder, Gedore, Gestamp, iMedusa, Gurit, lemo, Schaeffler, Vimansa edo Transportes Lakunza eta Ingeniaritza Eskola bera izan dira babesle nagusiak, baita 40 enpresa laguntzaile eta hemengo 15 lanbide eskola ere.