Morau da Andoni Tolosaren goitizen artistikoa da. Hernaniko kantautoreak “gizartearen kronistatzat” hartzen du bere burua, eta ironiaz eta samurtasunez beteriko kantuak plazaratu ditu orain arte grabatu dituen sei diskoetan. Abenduaren 4an, Medikuntza eta Erizaintza Fakultatean, Donostian, Euskararen Eguna ospatzeko Gipuzkoako Campusak antolatu duen programaren barruan, bere azken lana aurkeztu du.
-
In memoriam: Arturo Muga
-
Violeta Pérez Manzano: «Nire ahotsa ijito bakar batengana iristen bada eta horrek inspiratzen badu, helburua bete dut»
-
In memoriam: German Gazteluiturri Fernández
-
Itsasoaren gainazalaren tenperatura-igoerak aldaketa sakonak eragin ditu makroalgen komunitateetan
-
Azukrea eta edulkoratzaileak. Zer jakin behar dut?
Morauk bere azken lana aurkeztu du Medikuntza eta Erizaintza Fakultatean, Donostian
Kantautoreak gaixotasunari eta zaintzari hitza eta doinua jarri dizkio Euskararen Eguneko ospakizunetan
- Kronika
Lehenengo argitaratze data: 2017/12/05
Kantuen eta anekdoten bidez, Alzheimerrekiko bere amaren ibilbidea kontatu digu, eta, bide batez, erizaintzarekin lotutako gaiak jorratzeko aukera eman digu, senitartearen eta zaintzailearen ikuspuntutik, hala nola diagnosiaren ondorioak, minaren eta zaintzaren gorabeherak, edo heriotzaren aurrean bizi izandako pasadizo hunkigarriak.
“Medikuntzan edo Bioetikan, askotan, gaixotasunaz hitz egiten dugu ikuspuntu orokor batetik. Baina zaintza harremanetan sartuz gero, han gaixotasunik ez dago. Dagoena da benetan existitzen diren gaixoak, hezur eta haragizko eta hitzezko izakiak, denak ezberdinak. Denak bereziak”, azaldu du aurkezpenean Antonio Casadok, Gipuzkoako Campuseko Unibertsitate Hedakuntzako zuzendariak.