UPV/EHUko ikasleen artean ekintzailetza bultzatzeko Zitekek antolatzen duen Think Big 2020 sariketan izena emateko epea uztailaren 15era arte zabalik egongo da. UPV/EHUren Bizkaiko Campuseko ekintzailetza babesteko programa da Zitek. Bizkaiko Campuseko edozein fakultate edo eskolatan matrikulatuta dauden ikasleek eta UPV/EHUko beste campusetan izena emanda dauden Bizkaian bizi direnek eska dezakete programan parte hartzea.
-
In memoriam: Arturo Muga
-
Violeta Pérez Manzano: «Nire ahotsa ijito bakar batengana iristen bada eta horrek inspiratzen badu, helburua bete dut»
-
In memoriam: German Gazteluiturri Fernández
-
Azukrea eta edulkoratzaileak. Zer jakin behar dut?
-
Itsasoaren gainazalaren tenperatura-igoerak aldaketa sakonak eragin ditu makroalgen komunitateetan
Think Big 2020 sariketan izena emateko epea zabalik dago
Lau sari ekonomiko emango dira: 2500 €, 1500 €, eta 800 €
- Albisteak
Lehenengo argitaratze data: 2020/06/22
Lau sari ekonomiko emango dira: 2500 €, 1500 €, eta 800 € (3.eta 4.a). Gainera, ideia irabazlearen talde sustatzaileak prestakuntza eta aholkularitza jasoko du finantzaketa bilatzeko; horrez gain, Zitek Programaren hiru mintegietako batean lan-espazio bat ere izango du.
UPV/EHUren Bizkaiko Campuseko ekintzailetza babesteko programa da ZITEK, unibertsitate-komunitateko kidea izanik, negozio edo enpresa bat sortu nahi duten pertsona guztiei zuzenduta dagoena.
UPV/EHUk, Bizkaiko Foru Aldundiak eta BEAZek parte hartzen duten lankidetza-proiektua da Zitek. Think Big 2010ean jaio zen. Une horretan 31 proiektu aurkeztu ziren; proiektu-kopurua handituz joan zen: 2011n 35 aurkeztu ziren. Urte horietan, proiektu guztiak ikasleenak ziren, gehienetan errealitate bihurtzeko aukerarik ez zuten ideien zirriborroak soilik. Urteen poderioz, proiektuen kopuruak gora egin du, haien mailarekin batera. 2019an 50 negozio edo enpresa baino gehiago aurkeztu ziren.