UPV/EHUko Ikasleen eta Enplegagarritasunaren Errektoreordetzak eta Ikasle Kontseiluak ‘Unibertsitateak bizi zaitu!’ ikastaroa antolatu dute, uztailaren 2an eta 3an, Donostiako Miramar Jauregian egiteko. Ikastaroaren helburuak hauek dira: ikasleen parte-hartzea bultzatzea, ikasleen kolektiboak dinamizatzeko estrategiak ikasleei ezagutaraztea eta beste unibertsitatetako parte hartze esperientziak jakitea.

Gazteak omen dira gizartearen etorkizuna, baina garbi dago oraina ere badirela. Haien inplikazioa ezinbestekoa da gizarte hobe bat lortzeko. Zein da hor bultzatzeko bidea? Nola hel daitezke gazteak eraldaketa bultzatzera? Zein estrategia erabili dezakete? Zeintzuk dira teknika egokienak? Desberdinak? Berritzaileak?