null

Unibertsitatera Sartzeko Ebaluazioa ezohiko deialdian egin zutenen % 84,30ek gainditu du

  • Albisteak

Lehenengo argitaratze data: 2020/07/29

Lehenengo datuen arabera, Euskal Herriko Unibertsitatean uztailaren 20, 21 eta 20an Unibertsitatera Sartzeko Ebaluazioko (USE) ezohiko deialdiko Sarbide fasera aurkeztu ziren 828 ikasletatik % 84,30ek (698) gainditu du. Datuak behin-behinekoak dira, berrikusketaren ebazpenaren aurretikoak. Izan ere, berrikusketa eskatzeko irekita dago bihar arte, uztailak 30, eta behinbetiko emaitzak uztailaren 31n argitaratuko dira. Probaren batezbesteko nota 5,44koa izan da.

Proba hauek bi fase dituzte: sarbide fasea, unibertsitateko gradu ofizialak ikasi ahal izateko gainditu behar dena, eta onarpen fasea, borondatezkoa, sarbidea fasearen lortutako kalifikazioa hobetzeko balio duena. Hauetaz gain, onarpen faseko irakasgai desberdinak egiteko izena eman zuten Heziketa Zikloetako 40 ikaslek.

Bestalde, ezohiko deialdian USE gainditu eta UPV/EHUn gradu bat ikasi nahi duten Autonomia Erkidegoko Batxilergoko ikasleek beren izen-ematea berretsi dute. Berresteko epea uztailaren 28tik irailaren 2ra arte doa.

 

Jarraian, datuak batzen dituen taula dago:

USEKO SARBIDE  FASEAREN EMAITZAK 
Batxilergoko Ikasleak
2020ko ezohiko deialdia 

 

 

  AURKEZTUAK
828
GAINDITUAK
698
PORTZENTAJEA
% 84,30
ARABA
144
118 %81,94
BIZKAIA
398
323
%81,16
GIPUZKOA
285
256
%89,82
CAMPUS gabe* 1 1 %100
EUSKARA
552
494 %89,49
GAZTELERAZ
276
204 %73,91
GIZONAK 417 350 %83,93
EMAKUMEAK
411
348 %84,67

 

*Campus gabe: Ikasle batzuei arrazoi ezberdinengatik (Batxilergoa aspaldi bukatu zuten, dagoeneko unibertsitateko ikasleak dira…) ez zaie campus bat automatikoki esleitzen.