Maiatzeko eta ekaineko azterketak direla eta, UPV/EHUk ikasteko gelak irekiko ditu, ordutegi zabalarekin. Ikasteko gelak ireki eta ixteko datak egokituta daude azterketa aldira, eta campusaren arabera aldatzen dira.
UPV/EHUk ikasteko gelak irekiko ditu azterketa aldian
- Albisteak
Lehenengo argitaratze data: 2019/04/30
Bizkaiko Campusean, larunbat eta igandeetan, maiatzaren 4tik ekainaren 30era, 08:15etik 22:00etara., ikasteko gelak zabalduko dira UPV/EHUko ikasleentzat. Ekonomia eta Enpresa Fakultatean (Sarriko, eraikin nagusia): behe solairuko geletan, egongo dira irekita ikasteko gelak. Hala, 900 plaza baino gehiago, jantokia mikrouhin-labearekin, berdeguneak atsedena hartzeko eta gela bat taldean ikasteko eskainiko dira.
Oharra: UPV/EHUko ikasle txartela behar da sartzeko.
Gipuzkoako Campusean Elbira Zipitria Zentroan (Ondarreta pasealekua, 18 – Donostia) irekiko dira ikasteko gelak asteburuetan, maiatzaren 4tik uztailaren 7ra (biak barne), 8:00etatik 22:00etara.
Oharra: UPV/EHUko ikasle txartela behar da sartzeko.
Bestalde, Gipuzkoako Campuseko Liburutegia, Carlos Santamaria Zentroan kokatuta (Elhuyar plaza, 2. Donostia), larunbatetan, ekainaren 29era arte (hau barne), irekita egongo da goizeko 9:00etatik 14:00ak arte.
Arabako Campusean, batetik, Hezkuntza eta Kirol Fakultatean (Juan Ibáñez de Sto. Domingo kalea, 1. Vitoria-Gasteiz) izango dituzte irekita ikasleek ikasteko gelak, maiatzaren 18tik uztailaren 11ra. Honako hauek izango dira gelak erabiltzeko ordutegiak: astelehenetik ostiralera: 21:00etatik 24:00etara. Eta larunbat, igande eta jaiegunetan: 9:00etatik 24:00etara.
Eta bestetik, ikasleen premiak hala eskaturik, ikasteko ikasgelak ere irekiko dira Elurreta eraikinean ohiko ordutegiaren barruan, alegia, astelehenetik ostiralera 8:00etatik 21:00etara.